မြန်မာအစိုးရနှင့် ဗုဒ္ဓဘာသာဝင်များသည် မွတ်စလင်ရိုဟင်ဂျာတို့အား နိုင်ငံသားအဖြစ် အသိအမှတ်မပြုသည့်အပြင် ၎င်းတို့၏ ဇာတိမြေ၊ ၎င်းတို့၏ ကျေးရွာများမှ မောင်းထုတ်ရန် ကြိုးစားခဲ့ကြသည်။
“ဘင်္ဂလားဒေ့ရ်ှနိုင်ငံသား ဗုဒ္ဓဘာသာဝင် ရခိုင်လူမျိုးတွေကို ရိုဟင်ဂျာတွေရဲ့ ကျေးရွာမှာ နေရာချပေးနေတာတွေက ဒေသခံမွတ်စလင်လူ့အဖွဲ့အစည်းကို ပိုမိုဖိအားပေးဖို့ ဖန်တီးလိုက်တာပါပဲ” ဟု
ရိုဟင်ဂျာလူ့အခွင့်ရေးဆောင်ရွက်သူ ခင်မောင်လေးက ပြောသည်။
“အဲဒီလူတွေဟာ ဒေသခံ ဗုဒ္ဓဘာသာဝင်တွေနဲ့ပေါင်းပြီး ပဋိပက္ခတွေဖြစ်တုန်းက ရိုဟင်ဂျာရွာတွေကို မီးတင်ရှို့ခဲ့တဲ့သူတွေပါ။ ဗုဒ္ဓဘာသာဝင်အများစုက ရိုဟင်ဂျာအသိုင်းအ၀ိုင်းနဲ့ ပဋိပက္ခဖြစ်အောင်၊ အကြမ်းဖက်မှုတွေဖြစ်အောင် ပိုမိုခြိမ်းခြောက်နေတာပဲလို့ မြင်ပါတယ်၊ သူတို့ပြောနေတာကိုပဲ ကြည့်လေ၊
အဲဒီနေရာတွေမှာ မွတ်စလင်တစ်ယောက်မှ မမြင်ချင်ဘူးဆိုပဲ” ဟု ခင်မောင်လေးက ပြောပြသည်။
ဘင်္ဂလားဒေ့ရ်ှနိုင်ငံမှ လူနည်းစု ဗုဒ္ဓဘာသာဝင်များသည် ပြီးခဲ့သည့်လ စက်တင်ဘာတွင် ဗုဒ္ဓ၀ါဒီဘင်္ဂါလီတစ်ဦးက ဖေ့စ်ဘုတ်စာမျက်နှာပေါ်၌ အစ္စလာမ်ဘာသာအား စော်ကားခဲ့သဖြင့် မွတ်စလင်များနှင့် ပဋိပက္ခဖြစ်ပြီး ဘုန်းကြီးကျောင်း ၁၉ ကျောင်း နှင့် နေအိမ်များ မီးရှိုဖျက်ဆီးခံရပြီးနောက်ပိုင်း မြန်မာနိုင်ငံသို့ အလုံးအရင်းနှင့် ၀င်ရောက်လာခဲ့သည်။
ပြီးခဲ့သည့် စက်တင်ဘာလတွင်ဖြစ်ပွားခဲ့သော ဗုဒ္ဓဘာသာဆန့်ကျင်ရေးပဋိပက္ခ၌ စစ်တကောင်းနှင့် အခြားဒေသတို့တွင်နေထိုင်သည့် ဘင်္ဂလားဒေ့ရ်ှနိုင်ငံသား ဗုဒ္ဓဘာသာရခိုင်နွယ်ဖွားများက စိုးရိမ်သောက ရောက်ရှိခဲ့ရာ မိတ်ဆွေများ၊ ဆွေမျိုးသားချင်းများမှတဆင့် မြန်မာနိုင်ငံမှ အစိုးရအေဂျင်စီများနှင့်
ဘုန်းတော်ကြီးကျောင်းများထံ အကူအညီရယူခဲ့ကြောင်း ရခိုင်ပြည်နယ် ပြောရေးဆိုခွင့်ရှိသူ ၀င်းမြိုင်က ဆိုသည်။
“သူတို့ဘ၀တွေဟာ ဘင်္ဂလားဒေ့ရ်ှနိုင်ငံမှာ ခြိမ်းခြောက်ခံနေရပါတယ်တဲ့၊ ဒါကြောင့် သူတို့ စိတ်ချရတဲ့ နေရာကို ပြောင်းရွှေ့ချင်နေပါတယ်။ ကျွန်တော်တို့က တတ်နိုင်သလောက် ကူညီပါ့မယ်ဆိုတဲ့ သတင်းကို
ပြန်ပေးခဲ့ပါတယ်။ ပြီးခဲ့တဲ့ ခြောက်လလောက်မှာတော့ ဘင်္ဂလားဒေ့ရ်ှနိုင်ငံသား ဗုဒ္ဓဘာသာဝင်မိသားစု ၁၀၀ လောက် နယ်စပ်ဖြတ်ကျော်ပြီး မြန်မာပြည်ကို ၀င်ရောက်လာခဲ့ပါတယ်” ဟု မစ္စတာမြိုင်က ပြည်တွင်းမီဒီယာကို ပြောဆိုခဲ့သည်။
“အခုလာမယ့် လတွေမှာလည်း ဗုဒ္ဓဘာသာဝင်တွေ ဘင်္ဂလားဒေ့ရ်ှနိုင်ငံကို ပိုပြီး စွန့်ခွာလာမယ်လို့ မျှော်လင့်ပါတယ်။ လာရင်လည်း ကျွန်တော်တို့က ဒီမှာ အတည်တကျနေရာချပေးမယ်၊ လိုအပ်တဲ့ အကူအညီတွေလည်းပေးဖို့ အသင့်ပါပဲ” ဟု ၎င်းက ထည့်သွင်းပြောကြားသည်။
ဘင်္ဂလားဒေ့ရ်ှနိုင်ငံ၌ ဖြစ်ပွားခဲ့သော ဗုဒ္ဓဘာသာဆန့်ကျင်ရေးပဋိပက္ခတွင် ဘင်္ဂလားဒေ့ရ်ှအစိုးရက ချက်ချင်းရပ်တန့်အောင် ဆောင်ရွက်နိုင်ခဲ့ပြီး ပျက်ဆီးဆုံးရှုံးမှုများကို ကျေနပ်လောက်အောင် ပြုပြင်ပေးခဲ့သည့်အပြင် ဗုဒ္ဓဘာသာဝင် ဒုက္ခသည်များကိုလည်း အကူအညီများ ထောက်ပံ့ပေးခဲ့ကြောင်း
ဘုန်းတော်ကြီးများနှင့် မျက်မြင်သက်သေများက ပြောပြသည်။
”မွတ်စလင်လူအုပ်ကြီးက ဆက်ပြီးတိုက်ခိုက်ဖို့ ပြင်တယ်၊ ဒါပေမယ့် အစိုးရက ချက်ချင်း ရဲရော၊ လုံထိန်းအဖွဲ့တွေရောနဲ့ အန္တရာယ်ရှိတဲ့ ဗုဒ္ဓဘာသာဝင်တွေရဲ့ ရွာတွေကို ၀ိုင်းဝန်းစောင့်ရှောက်ပေးတယ်၊
တိုက်ခိုက်လာမယ့်အန္တရာယ်တွေကို တားမြစ်ပေးနိုင်ခဲ့တယ်”ဟု ကော့ဘဇားခရိုင်ရှိ ဘင်္ဂလားဒေ့ရ်ှဘုန်းတော်ကြီးကျောင်းမှ အရှင်ကရုဏာရှရီသီဟက မိန့်ကြားသည်။
“မွတ်စလင်တွေ တိုက်ခိုက်ပြီးနောက် အစိုးရရဲ့ ကိုင်တွယ်ပုံကို ဗုဒ္ဓဘာသာဝင်တွေ သဘောကျပါတယ်။ အစိုးရက အကူအညီတွေပေးတဲ့အပြင် ဗုဒ္ဓဘာသာဝင်တွေရဲ့ အိမ်တွေ၊ ဘုန်းကြီးကျောင်းတွေကို
အသစ်ပြန်ဆောက်ပေးပါတယ်”ဟု ဦးဇင်းက ဆက်လက်မိန့်ကြားသည်။
ဘင်္ဂလားဒေ့ရ်ှနိုင်ငံတွင် အများဆုံး တိုက်ခိုက်ခံရသည်မှာ ဒေသခံ ဘင်္ဂလီစကားပြော ဘင်္ဂလားဒေ့ရ်ှနိုင်ငံသား ဗုဒ္ဓဘာသာဝင်များ ဖြစ်သော်လည်း ယခု မြန်မာနိုင်ငံတွင်းသို့ ပြောင်းရွှေ့သွားသူများမှာ မြန်မာတိုင်းရင်းသား
နွယ်ဝင်များဖြစ်နေကြောင်းကို ကော့ဘဇားရှိ ဘင်္ဂလီဗုဒ္ဓဘာသာအဖွဲ့အစည်းခေါင်းဆောင် နီလွတ်ပဲဘာရူးက ထောက်ပြခဲ့သည်။ မြန်မာမျိုးနွယ်စုများမှာ ဘင်္ဂလီဗုဒ္ဓဘာသာဝင် လူ့အဖွဲ့အစည်းနှင့်
တသီးတခြားနေထိုင်ကြပြီး အလွန်အမင်း ဆင်းရဲကြကြောင်း သိရသည်။
“စက်တင်ဘာတိုက်ခိုက်မှုကြောင့် ဘင်္ဂလားဒေ့ရ်ှကို စွန့်ခွာပြီး မြန်မာပြည်ကို ထွက်ပြေးတဲ့အထဲမှာ ဘင်္ဂလီဗုဒ္ဓဘာသာဝင်တွေ တစ်ယောက်မှ မပါပါဘူး၊ ကျွန်တော်တို့အတွက် အစိုးရရဲ့ အကောင်းဆုံး အထောက်အပံ့တွေ ရခဲ့ပါတယ်။ ဒီမှာနေရတာ လုံခြုံမှုမရှိဘူးလို့ မခံစားကြရပါဘူး” ဟု
ဗုဒ္ဓဘာသာအဖွဲ့အစည်း အကြီးအကဲဖြစ်သူ ဘာရူးက ပြောကြားသည်။
…..ပြည်ပြေးများ၏ ပြည်တော်ပြန်……
၁၉၈၈ ခုနှစ်က ဖြစ်ပွားခဲ့သော ဒီမိုကရေစီတိုက်ပွဲအား စစ်တပ်မှ ဖြိုခွဲပြီးနောက် ဒေါ်အောင်ဆန်း စုကြည် ဦးဆောင်သော NLD ပါတီအပါအ၀င် အခြားနိုင်ငံရေးပါတီများမှ နိုင်ငံရေးသမားအများအပြား သည်
ဘင်္ဂလားဒေ့ရ်ှနယ်စပ်ဖြတ်ကျော်ကာ ဒုက္ခသည်များအဖြစ် ခိုလှုံခဲ့ကြသည်။
‘၂၀၁၀ အထွေထွေရွေးကောက်ပွဲမှာ မြန်မာနိုင်ငံဟာ ဒီမိုကရေစီလမ်းကြောင်းပေါ် လျှောက်တော့မယ်ဆိုတာနဲ့ ဘင်္ဂလားဒေ့ရ်ှမှာရှိနေတဲ့ နိုင်ငံရေးသမားတွေ မြန်မာပြည်ပြန်ခဲ့ကြတယ်”ဟု မြန်မာ-ဘင်္ဂလားအရေး ကျွမ်းကျင်သူ ဂျာနယ်လစ် မုဟမ္မဒ်နူရ်အစ္စလာမ်က ဆိုသည်။
“သူတို့တွေကို မြန်မာနွယ်ဖွားတွေနဲ့ ဘင်္ဂလားဒေ့ရ်ှမှာ ဒုက္ခသည်အဖြစ်နေထိုင်ကြတဲ့ ဗမာလူမျိုးတွေက ထောက်ခံအားပေးခဲ့ကြပါတယ်” ဟု ၎င်းက ထည့်သွင်းပြောကြားသည်။
“အခု အဲဒီဒုက္ခသည်တွေဟာ ဆယ်စုနှစ်နဲ့ချီပြီး ဆင်းဆင်းရဲရဲနေထိုင်ခဲ့ကြရတဲ့အတွက် အစိုးရအာဏာပိုင်တွေနဲ့
ဘုန်းတော်ကြီးကျောင်းတွေရဲ့ ထောက်ပံ့ကူညီမှုနဲ့အတူ မြန်မာပြည်က ရိုဟင်ဂျာရွာတွေမှာ ၀င်ရောက်နေထိုင်ပြီး ပိုမိုကောင်းမွန်တဲ့ဘ၀ကို တည်ဆောက်ဖို့ မျှော်လင့်နေကြတယ်”ဟု ၎င်းက ဆိုသည်။
ပြီးခဲ့သည့်နှစ် မေလတွင် ရခိုင်ပြည်နယ်၌ ရိုဟင်ဂျာရွာများအား ၎င်းတို့၏ ကျေးရွာများမှ စွန့်ခွာထွက်ပြေးစေခဲ့သော အကြမ်းဖက်တိုက်ခိုက်မှုများသည် ဘင်္ဂလားဒေ့ရ်ှနယ်စပ်မှ ဖြတ်ကျော်ဝင်ရောက်လာခြင်းပင်ဖြစ်သည်။
ရိုဟင်ဂျာဆန့်ကျင် မုန်းတီးရေး လှုပ်ရှားမှုတွေက မနှစ်ကနေ ယခုနှစ်တိုင်
ဆက်လက်ဖြစ်ပေါ်ခဲ့သည်။ အကြမ်းဖက်ပဋိပက္ခတွေ ပြီးဆုံးသွားသည့်တိုင်အောင်
ဒေသခံအာဏာပိုင်များက ရိုဟင်ဂျာများအား ၎င်းတို့၏နယ်မြေ၊ ၎င်းတို့၏ အိမ်များသို့
ပြန်လည်သွားရောက်ခွင့် မပြုတော့ပါ။ ရိုဟင်ဂျာများပိုင်ဆိုင်ခဲ့သော နယ်မြေအားလုံးကို ဆင်းရဲသား ဗုဒ္ဓဘာသာဝင်များအား ခွဲဝေစွန့်ကြဲပေးကမ်းရန် ဖြစ်လာခဲ့သည်။
ပြီးခဲ့သည့် စက်တင်ဘာ ဗုဒ္ဓဘာသာဆန့်ကျင်ရေး တိုက်ခိုက်မှုကြောင့် ဘင်္ဂလားဒေ့ရ်ှနိုင်ငံမှ နယ်စပ်ဖြတ်ကျော်ဝင်ရောက်လာမည့် ဗုဒ္ဒဘာသာဝင်များကို ကူညီနေရာချထားပေးရန် မြန်မာအစိုးရအာဏာပိုင်တို့က ရခိုင်ပြည်နယ်သတင်းစာများတွင် ကြေညာချက်ထုတ်ပြန်ခဲ့သည်။
“ဗုဒ္ဓဘာသာဘုန်းတော်ကြီးကျောင်းတွေနဲ့ ရခိုင်ပြည်နယ်က နိုင်ငံရေးသမားတွေက ဘင်္ဂလားဒေ့ရှ့်မှာ ရှိတဲ့ ဆင်းရဲသား ဗုဒ္ဓဘာသာဝင်တွေကို ဒီမှာလာပြီး အခြေချဖို့ ဖိတ်ခေါ်ထားတယ်၊ ဒီမှာ နေစရာ အိမ်တွေလည်း ပေးမယ်၊ လုပ်ကိုင်စားသောက်ဖို့ ရိုဟင်ဂျာတွေရဲ့ လယ်မြေတွေလည်းပေးမယ် ဆိုတော့
လယ်မရှိယာမရှိတဲ့ ဆင်းရဲသားဗုဒ္ဓဘာသာဝင်တွေ အပျော်ကြီးပျော်ပြီး တက်တက်ကြွကြွ ရောက်လာကြတာပါ”ဟု စစ်တွေမြို့မှ ကိုကျော်သိန်းက ပြောပြသည်။
…..စံပြကျေးရွာ…..
၂၀၁၀ ခုနှစ်တွင် မြန်မာအစိုးရက အိမ်ခြေ ၁၀၀ ခန့်ပါဝင်သော စံပြကျေးရွာ ၄၀ နီးပါး ဆောက်လုပ်ပြီး နိုင်ငံအနှံ့မှ အိမ်ယာမဲ့ ကျူးကျော်နေထိုင်သူ ဗုဒ္ဓဘာသာဝင်များအား နေရာချပေးရင်း
ရိုဟင်ဂျာမွတ်စလင်အများစုနေထိုင်ရာဒေသတွင် ဗုဒ္ဓဘာသာဝင်အင်အားကို တိုးမြှင့်ကာ လူဦးရေအချိုးအစား ချိန်ညှိခဲ့ကြောင်းမြန်မာအစိုးရအရာရှိမှတဆင့် သိရှိရသည်။
ပြည်တွင်း အစိုးရထောက်ခံသော သတင်းစာများတွင် ဘင်္ဂလားဒေ့ရ်ှမှ ဗုဒ္ဓဘာသာဝင်များ ရခိုင်ဒေသသို့ ၀င်ရောက်လာပုံများကို ပုံမှန်ဖော်ပြပေးခဲ့သည်။ ဘင်္ဂလားဒေ့ရ်ှမှ ၀င်ရောက်လာသော ဗုဒ္ဓဘာသာဝင်
မိသားစုတိုင်းကို လယ်မြေဧက ၂ ဧကနှင့် စစ်တွေသို့မဟုတ် မောင်တောတွင် အိမ်တစ်အိမ် ပေးမည်ဖြစ်ကြောင်း အမည်မဖော်လိုသူ အစိုးရအရာရှိတစ်ဦးက ပြည်တွင်းမီဒီယာကို ပြောကြားသည်။
“သူတို့တွေဟာ ကျွန်တော်တို့ရဲ့ မျိုးနွယ်ဝင်အုပ်စုတွေပဲ၊ ကျွန်တော်တို့ သူတို့ကို ကူညီရမယ်၊ သူတို့ကို စံပြကျေးရွာမှာ အိမ်တွေ၊ လယ်မြေတွေ ခွဲဝေမပေးခင် အရင်ဆုံး မောင်တောက ဗဟိုဘုန်းတော်ကြီး ကျောင်းမှာ
တစ်ရက်နှစ်ရက် တည်းဖို့ပေးမယ်၊ အခုလောလောဆယ်ထိ မောင်တောမှာ ဗုဒ္ဓဘာသာ ၃ ထောင်ကနေ ၄ ထောင်လောက်ကို နေရာချထားပေးပြီးပါပြီ” ဟု အဆိုပါ အရာရှိက ဆိုသည်။
….အိန္ဒိယကို ထွက်ပြေး……
ပြီးခဲ့သည့်နှစ် မေလကဖြစ်ပွားခဲ့သည့် အကြမ်းဖက်ပဋိပက္ခအတွင်း မြန်မာပြည်မှ ထွက်ပြေးသွားသော ရိုဟင်ဂျာမွတ်စလင် ၂ သောင်း ကျော်ရှိပြီး ၎င်းတို့အနက် ၁၅၀၀ ခန့်မှုာ အိန္ဒိယနိုင်ငံသို့ ထွက်ပြေးခိုလှုံသွားခဲ့ကြကြောင်း လှုပ်ရှားသူများက ဆိုသည်။
ယခုနှစ်အစောပိုင်းတွင် မောင်တောမှ အိန္ဒိယသို့ ထွက်ပြေးသွားသော မိုဟမ္မဒ်ဇူဘိုင်းရ် သည် ၎င်းနှင့်အတူ အခြား ရိုဟင်ဂျာ ၁၈ လည်းပါဝင်ကြောင်း ပြောပြသည်။ အစိုးရ၏ ထောက်ပံ့မှုဖြင့် ဘင်္ဂလားဒေ့ရ်ှမှ ဗုဒ္ဓဘာသာဝင်များကို ၎င်းတို့၏ မြို့တွင် နေရာချပေးကာ ဗုဒ္ဓဘာသာဝင်နှင့် မွတ်စလင်တို့အကြား
လူဦးရေ ချိန်ညှိရန်ကြိုးစားမှုသည် ထိုနေရာ၌ မွတ်စလင်တို့် ဆက်လက် အသက်ရှင်ရန်အတွက် ပိုမိုခက်ခဲသွားစေကြောင်း ဇုဘိုင်းက ပြောပြသည်။
အစိုးရ အရာရှိများက “ဒီဒေသမှာ မွတ်စလင် ၆ သိန်းလောက်ရှိပြီး ဗုဒ္ဓဘာသာဝင် ၂ သောင်းလောက်ပဲရှိတော့ ဗုဒ္ဓဘာသာဝင် သိန်းနဲ့ချီပြီး နေရာချထားပေးရပါမယ်၊ ဒါမှ မွတ်စလင်တွေရဲ့ ခြိမ်းခြောက်မှုကို ဒီဒေသက ဗုဒ္ဓဘာသာဝင်တွေ မခံရမှာ” ဟု ပွင့်ပွင့်လင်းလင်းပြောဆိုကြသည်။
“ရိုဟင်ဂျာတွေရဲ့ လယ်မြေတွေကို သိမ်းပြီး ဘင်္ဂလားဒေ့ရ်ှမှခိုးဝင်လာတဲ့ ဗုဒ္ဓဘာသာဝင်တွေကို ပေးမယ့်အစီအစဉ်ပါ” ဟု အိန္ဒိယနိုင်ငံ ဟိုင်ဒရာဘတ်ကို ရောက်ရှိလာသည့် ဇုဘိုင်းက ပြောသည်။
“ကျွန်တော်တို့ ရိုဟင်ဂျာမွတ်စလင်တွေဟာ မြန်မာနိုင်ငံမှာ နှစ်ပေါင်းရာနဲ့ချီပြီး နေလာခဲ့တာပါ။ ဒါတောင် သူတို့က ဘင်္ဂလားဒေ့ရ်ှက တရားမ၀င်ခိုးဝင်လာသူတွေအဖြစ် စွပ်စွဲနေတယ်။ ဒါပေမယ့် သူတို့ကိုယ်တိုင်ကျတော့ ဘင်္ဂလားဒေ့ရ်ှက ခိုးဝင်လာတဲ့ သူတွေကို လိုလိုလားလား လက်ခံကြိုဆိုနေတယ်၊ အဲဒါဘာကြောင့်လဲဆိုတော့ အဲဒီခိုးဝင်လာတဲ့သူတွေဟာ ဗုဒ္ဓဘာသာဝင်တွေဖြစ်နေလို့ပါ” ဟု စစ်တွေမြို့ခံ
ကျော်သိန်းက ပြောသည်။
“ သဘောကတော့ ဘင်္ဂလားသား ဗုဒ္ဓဘာသာဝင်တွေကို ဒီဒေသမှာ တံခါးမရှိ ဓါးမရှိ ၀င်ခွင့်ပေးတာဟာ ကျွန်တော်တုိ့ကို တိုက်ခိုက်တဲ့အခါ လူအင်အားစုပြီးသားဖြစ်သလို ကျွန်တော်တို့ကို ဒီထက်ပိုပြီး
အကြမ်းဖက်လာမယ့် အခြေအနေကို ဖန်တီးနေပါတယ်”ဟု ၎င်းက ဆိုသည်။
Christian Science Monitor မှ Buddhists from Bangladesh resettle in Myanmar, Rohingya Muslims cry foul ကို စိုင်ဖုလ္လာဟ်(မြန်မာမွတ်စလင်မ် မီဒီယာ) ဆီလျော်အောင် ပြန်ဆိုသည်။