ပြည်ထောင်စု သမ္မတမြန်မာနိုင်ငံတော် ငြိမ်းချမ်းရေးနှင့် ညီညွတ်ရေး အစ္စလာမ်သာသနာ့ပညာရှင်များအဖွဲ့ချုပ် ဖွဲစည်း

 

၂၀၁၃ ခုနှစ်၊ ဇူလိုင်လ (၄)ရက် ယနေ့ နံနက် (၁၀) နာရီတွင် ရန်ကုန်မြို့၊ ပန်းဆိုးတန်းလမ်း၊ တခြမ်းပဲ့ဗလီခန်းမ၌ အစ္စလာမ်ဘာသာဝင် အကြီးအကဲများဖြစ်သော သာသနာ့ပညာရှင်များ၏ လမ်းညွှန်မှုခံယူ၍ “ပြည်ထောင်စုသမ္မတမြန် မာနိုင်ငံတော် ငြိမ်းချမ်းရေးနှင့် ညီညွတ်ရေး အစ္စလာမ်သာသနာ့ပညာရှင်များအဖွဲ့ချုပ်” အဖြစ် ဖွဲစည်းကြောင်း ကြေငြာခြင်းအခမ်းအနားပြု လုပ်ခဲ့ပါတယ်။

အဆိုပါအခမ်းအနားသို့ မြန်မာနိုင်ငံအတွင်းရှိ အကျော်အမော် အာလင်မ်သာသနာ့ပညာရှင်ကြီးများ၊ ရန်ကုန်မြို့ပေါ်ရှိ အစ္စလာမ်ဘာသာဝင်လူကြီးများ၊ ဗုဒ္ဓဘာသာဝင်လူကြီးများနှင့် အာဏာပိုင်အဖွဲ့အစည်းများ တက်ရောက်ကြောင်းကိုလဲ သိရပါတယ်။

ရည်ရွယ်ချက် (၁၀)ခုဖြင့် အသစ်ဖွဲ့စည်းလိုက်သည့် အဆိုပါ အဖွဲ့အစည်း၏ အမည်မှာ “ငြိမ်းချမ်းရေးနှင့် ညီညွတ်ရေး အစ္စလာမ်သာသနာ့ပညာရှင်များအဖွဲ့ချုပ်”ဟူ၍ ဖြစ်ပြီး ရည်ရွယ်ချက်များကတော့…

(၁) ပြည်ထောင်စု မြန်မာနိုင်ငံသား အစ္စလာမ်ဘာသာဝင်များ၏ ဘ၀တည်ဆောက်မှု မှန်ကန်ရေးအတွက် ဘာသာရေးအရ ဦးဆောင်မှုပေးရန်။

(၂) မြန်မာနိုင်ငံသား လူမျိုးဘာသာအားလုံး၏ ငြိမ်းချမ်းရေးနှင့် ညီညွတ်ရေးလုပ်ငန်းစဉ်များတွင် အစ္စလာမ်ဘာသာဝင်များအား ဘာသာရေးရှုဒေါင့်မှ စနစ်တကျ မှန်ကန်စွာ ဦးဆောင်မှုပေးရန်။

(၃) ပြည်ထောင်စု မြန်မာနိုင်ငံတော်တွင် နိုင်ငံသားလူမျိုးပေါင်းစုံ၊ ဘာသာပေါင်းစုံ၊ စည်းလုံးညီညွတ်စွာဖြင့် ထာဝရ ငြိမ်းချမ်းစွာ အတူယှဉ်တွဲ နေထိုင်နိုင်ရေး ကြိုးပမ်းမှုများတွင် မြန်မာနိုင်ငံသား အစ္စလာမ်ဘာသာဝင်များ ပါဝင်ဆောင်ရွက်နိုင်ရေး အတွက် ဘာသာရေးအရ ဦးဆောင်မှုပေးရန်။

(၄) ပြည်ထောင်စုမြန်မာနိုင်ငံသား အချင်းချင်း ချစ်ကြည်ရင်းနှီးမှုများ တည်ဆောက်ရာတွင် နိုင်ငံသား အစ္စလာမ်ဘာသာဝင်များ ပါဝင်ဆောင်ရွက်နိုင်ရေးအတွက် ဘာသာရေးအရ ဦးဆောင်မှုပေးရန်။

(၅) မြန်မာနိုင်ငံသား အစ္စလာမ်ဘာသာဝင်များ၏ ဘာသာရေးပညာ၊ အသိပညာ၊ အတက်ပညာများ ဘက်စုံဖွံ့ဖြိုးတိုးတက်ရေးအတွက် မှန်ကန်သော ဦးဆောင်မှုပေးရန်။

(၆) မြန်မာနိုင်ငံသား အစ္စလာမ်ဘာသာဝင်များအားလုံး တရားဥပဒေစိုးမိုးရေး၊ တည်ငြိမ်အေးချမ်းရေး လုပ်ငန်းစဉ်များတွင် တက်ကြွစွာ ပါဝင်ဆောင်ရွက်နိုင်ရေးအတွက် ဘာသာရေးအရ ဦးဆောင်မှုပေးရန်။

(၇) မြန်မာနိုင်ငံသား လူမျိုးပေါင်းစုံ၊ ဘာသာပေါင်းစုံ ပဋိပက္ခ အလုံးစုံကင်းစင်ရေးနှင့် ပဋိပက္ခတားဆီးကာကွယ်ရေးလုပ်ငန်းများတွင် အစ္စလာမ်ဘာသာဝင်များ ဥပဒေနှင့်အညီ ပါဝင်ဆောင်ရွက်နိုင်ရေးအတွက် ဘာသာရေးအရ မှန်ကန်သော ဦးဆောင်မှုပေးရန်။

(၈) မြန်မာနိုင်ငံသား အစ္စလာမ်ဘာသာဝင်များ၏ ပညာရေးနှင့် အတွေးအခေါ် မြင့်မားရေး၊ လူမှုဘ၀ အဆင့်အတန်းမြင့်မားရေးတို့အတွက် ဘာသာရေးအရ ဦးဆောင်မှုပေးရန်။

(၉) မြန်မာနိုင်ငံသား အစ္စလာမ်ဘာသာဝင်များအတွင်း စစ်မှန်သော အစ္စလာမ်သာသနာပျံ့ပွားရေးနှင့် ဘာသာတရား၏ ဆုံးမလမ်းညွှန်သွန်သင်ချက်နှင့်အညီ ကျင့်ကြံနေထိုင်နိုင်ရေးနှင့် အခြားဘာသာဝင်များနှင့် သဟဇာတ ဖြစ်စေရေး အတွက် စနစ်တကျ ဦးဆောင်မှုပေးရန်။

(၁၀) အစ္စလာမ်သာသနာအပေါ် အခြားဘာသာဝင်များက အထင်အမြင်လွဲမှားမှုများ ကင်းစင်ပြီး ဖွဲ့စည်းပုံ အခြေခံဥပဒေပါ နိုင်ငံသားများ၏ မူလအခွင့်အရေးနှင့် တာဝန်များကို အပြန်အလှန် လေးစားလိုက်နာခြင်းဖြင့် ဥပဒေဘောင်အတွင်း အေးချမ်းသာယာစည်းလုံးညီညွတ်စွာ နေထိုင်နိုင်ရေး ကြိုးပမ်းဆောင်ရွက်ရန်။
အစရှိသော ရည်ရွယ်ချက်တို့ ဖြင့် ဖွဲစည်းတည်ထောင်လိုက်ကြောင်း သိရှိရပါတယ်။

ယခုဖွဲ့စည်းလိုက်သော အစ္စလာမ်သာသနာ့ပညာရှင်များအဖွဲ့သည် အစ္စလာမ်ဘာသာဝင်များ ကြည်ညိုလေးစားကြသည့် ရှေ့ဆောင် ဆရာတော်ကြီး (၁၁)ပါးဖြင့် ဦးဆောင်ဖွဲ့စည်းခဲ့ခြင်းဖြစ်ပြီး အစ္စလာမ် သာသနာ့ တရားတော်နှင့်အညီ အစ္စလာမ်ဘာသာဝင်များအား ဘာသာရေးအရ စပ်ဆိုင်သည့် သာသနာ့လုပ်ငန်းများ၊ အကြောင်းကိစ္စ များကိုသာ ဆောင်ရွက်ရန်ဖွဲ့စည်းခြင်းဖြစ်တယ်လို့ သိရပါတယ်။

ဆရာတော်ကြီးများအနေဖြင့် ဘာသာရေးကိစ္စများ၊ လုပ်ငန်းကိစ္စများ ဆောင်ရွက်ရာတွင် အစ္စလာမ်တရားတော်နှင့်အညီ ရှူရာဟုခေါ်သော စုပေါင်းတိုင်ပင် ညှိနှိုင်းကာ ဦးဆောင်သည့်စနစ်ဖြင့် ကျင့်သုံးဆောင်ရွက်သွားမှာဖြစ်တယ်လို့ တာဝန်ရှိသူတစ်ဦးက အလင်းမျက်ဝန်းသို့ ပြောကြားသွားပါတယ်။

ဆက်လက်၍လည်း နိုင်ငံလုံးဆိုင်ရာ ဦးဆောင်မှုပြုပေး ရန်အတွက် ပြည်နယ်နှင့် တိုင်းဒေသကြီး အသီးသီးမှ အစ္စလာမ်ဘာသာဝင်အများ ကြည်ညိုလေးစားသည့် သာသနာ့ပညာရှင်များဖြင့် ပါဝင်ဖွဲ့စည်းကာ တိုးချဲ့
ဆောင်ရွက်သွားမည် ဖြစ်ပြီး ပညာရှင်များဘက်က လည်း လက်တွဲဆောင်ရွက်သွားမှာ ဖြစ်တယ်လို့ အခမ်းအနားသို့တက်ရောက်လာသည့် အစ္စလာမ် ဘာသာရေးပညာရှင်တစ်ဦးက အလင်းမျက်ဝန်းသို့
ပြောပါတယ်။

ယခုဖွဲ့စည်းလိုက်သည့် အစ္စလာမ်သာသနာ့ပညာရှင်များအဖွဲ့ချုပ်တွင် ရှူရာ ဦးဆောင်ညှိနှိုင်းတိုင်ပင်
ဆွေးနွေးရေးအဖွဲ့တွင် ပါဝင်ဆောင်ရွက်ကြသည့် သာသနာ့ပညာရှင် ဆရာတော်ကြီး (၁၁)ပါးမှာ မွတ်ဖ်သီနူးရ်မုဟမ္မဒ်၊ မွတ်ဖ်သီမိုဟမ္မဒ်စူရတီ၊ မွတ်ဖ်သီဂျမီးလ်၊ မွတ်ဖ်သီဂျအ်ဖရ်၊ မွတ်ဖ်သီအိဒ်ရီးစ်၊ မွတ်ဖ်သီအဟ်မဒ်ဘာမ်း၊ မွတ်ဖ်သီအစ္စမာအီးလ်၊ မောင်ဝ်လာနာအရ်ှရဖ်အလီ၊ မွတ်ဖ်သီယအ်ကူးဗ်၊ မွတ်ဖ်သီအဘွလ်ဟစံ၊ မွတ်ဖ်သီအလီ တို့ဖြစ်ကြပြီး အမှတ်(၄၈၄)၊ သိမ်ဖြူလမ်း၊ မင်္ဂလာတောင်ညွန့်မြို့နယ်၊ ရန်ကုန်တိုင်းဒေသကြီးတွင် ရုံးခန်းဖွင့်လှစ်လိုက်ပြီး ဆက်သွယ်ရန် ဖုန်းနံပါတ် (၀၁-၃၉၄၄၂၇)၊ ဖက်စ်ဖုန်း (၀၁-၂၄၆၉၂၇)နဲ့ အီးမေးလ် (impoum@gmail.com) တို့ ဖြစ်ကြောင်း သိရပါတယ်။

ဓါတ်ပုံရှင်းလင်းချက် » ယနေ့ပြုလုပ်သော ငြိမ်းချမ်းရေးနှင့် ညီညွတ်ရေး အစ္စလာမ်သာသနာ့ပညာရှင်များအဖွဲ့ချုပ် မိတ်ဆက်ပွဲအခမ်းအနားမှ မှတ်တမ်းတင်ဓါတ်ပုံ ( ဓါတ်ပုံ – စူးပန်းချိန် / TKKO )

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: