Daily Archives: November 11th, 2013

အစိုးရ၏ မီတာခ တိုးမြှင့်မှု ရပ်ဆိုင်းထားရန် လွှတ်တော်က ဖိအားပေး

လွှတ်တော်, ဆန္ဒပြမှု, လျှပ်စစ်ဝန်ကြီးဌာန, ဓာတ်အားခ

ပြည်ထောင်စု လွှတ်တော်က   မီတာခ တိုးမြှင့် ကောက်ခံမှု လျှော့ချရေး အရေးကြီး အဆိုကို ယနေ့ အစည်း အဝေးတွင် အတည်ပြု လိုက်ပြီး လွှတ်တော် သို့ တိုးမြှင့်ထားသည့် မီတာခ နှုန်းထားများ လျှော့ချရေး စဉ်းစား သုံးသပ် မည့် အစီအစဉ် ကို တင်ပြရန် နှင့် သုံးသပ်နေသည့် ကာလအတွင်း အစိုးရအနေဖြင့် မီတာခ တိုးမြှင့်   ကောက်ခံခြင်း မပြုရန် ဖိအားပေး လိုက်ကြောင်း သိရှိရသည်။

လျှပ်စစ်စွမ်းအား ၀န်ကြီးဌာနက နိုဝင်ဘာလမှ စတင်ပြီး လျှစ်စစ်မီတာခများကို တိုးမြှင့်ရန် ကြေညာချက် ထုတ်ပြန် ခဲ့ပြီး နောက် ဆန္ဒပြမှုများ ဖြစ်ပေါ်နေချိန် ယနေ့ ကျင်းပသော ပြည်ထောင်စုလွှတ်တော် အစည်း အဝေး တွင် မလှိုင်မြို့နယ် ပြည်သူ့ လွှတ်တော် ကိုယ်စားလှယ် ဦးအေးမောက်က မီတာခ ပြန်လည်လျှော့ချရေး အရေးကြီးအဆိုတရပ် တင်သွင်းခဲ့ပြီး ယင်းအဆိုကို လွှတ်တော်က ကန့်ကွက်သူမရှိ အတည်ပြုလိုက်ကြောင်း၊ ယင်းအတည်ပြုချက်ကြောင့် လျှပ်စစ်ဝန်ကြီးဌာန အနေဖြင့် နိုဝင်ဘာလ တိုးမြှင့်ကောက်ခံမည့် မီတာခများ ကို ပြန်လည်သုံးသပ်ရမည်ဖြစ်ပြီး သုံးသပ်ချက်များကို ပြည်ထောင်စုလွှတ်တော်သို့ တင်ပြရမည်ဖြစ်ကြောင်း သိရှိရသည်။

“ဒီနေ့ တင်သွင်းတာက လျှပ်စစ်ဓာတ်အားခတွေ မြှင့်တင်ထားတာကို လျှော့ချရေးပေါ့။ အဲဒီမှာ ၂ ပိုင်းရှိတယ်။ အဲဒီမှာ သာမန် လူတန်းစားတွေအတွက် တရာယူနစ် သတ်မှတ်တယ်ဆိုတာကို ယူနစ် ၂၀၀ မှ ၃၀၀ လုပ်ပေးပါလို့ အဆိုမှာ ပြောထား တယ်။ ကျန်တဲ့ဈေးနှုန်းတွေကလည်း နိုင်ငံတကာမှာလို သတ်မှတ်ပေး ဖို့။ နိုင်ငံတကာမှာလိုဆိုတာက Commercial လုပ်တဲ့သူ၊ Production လုပ်တဲ့သူ အလိုက်ပေါ့ သင့်တင့် တဲ့ဈေးနှုန်းနဲ့ လုပ်ပေးဖို့။ မီတာခကို အခုလိုကြီး ၂ ဆ မမြှင့်ဖို့။ နောက်တခါ တိုင်းနဲ့ ပြည်နယ်တွေမှာ မျှမျှတတ သုံးစွဲခွင့်ရဖို့။ မီတာခသတ်မှတ်တဲ့နေရာမှာ လေလွင့် နေတာ တွေကို စိစိစစ်စစ်လုပ်ဖို့။ ပြည်နယ်၊ တိုင်းနှုန်း ထားတွေက တပြေးညီဖြစ်ဖို့။ ရခိုင်မှာ မီတာခ တယူနစ် ၄၀၀၊ ၅၀၀ ဖြစ်နေ ချိန်မှာ ပြည်မမှာ တယူနစ် ၃၅ ကျပ်ဖြစ်နေတာမျိုးတွေက မတရားဘူးလေ။ အဆိုက အတည်ဖြစ်တယ်´´ဟု မလှိုင်မြို့နယ် ပြည်သူ့လွှတ်တော် ကိုယ်စားလှယ် ဦးအေးမောက်က ဧရာဝတီသို့ပြောသည်။

လျှပ်စစ်ဝန်ကြီးဌာနသည် မီတာခတိုးမြှင့်ကောက်ခံမှုကို ပြန်လည်သုံးသပ်ပြီး အနီးဆုံး ကျင်းပမည့်   ပြည်ထောင်  စု လွှတ်တော် အစည်းအဝေးသို့ တင်ပြရမည်ဖြစ်ကြောင်း၊ လျှပ်စစ်ဝန်ကြီးဌာနသည် မီတာခကို ပြန်လည်သုံးသပ်နေသည့် ကာလအတွင်း မီတာခများ တိုးမြှင့်ကောက်ခံခြင်းမပြုရန် လွှတ်တော် က တောင်းဆိုထားပြီး လျှပ်စစ်ဝန်ကြီးဌာန၊ ဒုတိယ ၀န်ကြီးက  ပြည်ထောင်စု လွှတ်တော်၏ အတည်ပြုချက် အတိုင်း ဆောင်ရွက်ပေးမည်ဟု သိရှိရသည်။

“အဆိုက အတည်ပြုထားတော့ ဒီပြဿနာကို ပြန်လည်လေ့လာပါ၊ ဆန်းစစ်ပါ၊ သုံးသပ်ပါ။ သုံးသပ်ပြီးတော့ အနီးဆုံး ပြည်ထောင်စု လွှတ်တော်ကို ပြန်လည်တင်ပြပါ။ သုံးသပ်လေ့လာဆောင်ရွက်နေတဲ့အချိန်မှာ ဒီဈေးနှုန်းကို ဆက်မတိုးပါနဲ့။  ပြည်သူလူထုက အရမ်းနစ်နာတယ်။ ပြည်သူလူထုမှာ စိတ်ပူသလို စိတ်ဆင်းရဲနေ ရတယ်။ အဲဒီတော့ သူတို့ဘက်ကလည်း ဒီကိစ္စ အ၀၀ကို ပြန်လည်ပြီးတော့ တင်ပြမယ်လို့ ပြောပါတယ်။ အနီးဆုံးဆိုတာက ပြည်ထောင်စုလွှတ်တော်က နိုဝင်ဘာ လ ၁၂ ရက်နေ့မှာ ရှိသေးတယ်။ အဲဒီရက်မှာ မတင်ပြနိုင်ရင်တော့ ဖေဖော်ဝါရီလ နောက်ဆုံးပတ်လောက်ဖြစ်မှာပေါ့။ နိုဝင်ဘာလမှာ တိုးကောက်မယ့် မီတာခတွေက ပျက်ပြယ်ဖို့ ပြောလိုက်ပြီ´´ဟု ဦးအေးမောက်က ဆက်ပြောသည်။

လတ်တလော ရန်ကုန်မြို့တွင် မီတာခတိုးမြှင့်မှုကို ဆန့်ကျင်ကန့်ကွက်သည် လူထုဆန္ဒပြပွဲများဖြစ်ပေါ် လျက်ရှိရာ အစိုးရက မီတာခ ချက်ချင်း မပြင်ဆင်ပေးလျှင် နောက်ဆက်တွဲများ ဖြစ်ပေါ်လာနိုင်သည်ဟု ဦးအေးမောက် က သတိပေးလိုက်သည်။

“မဖြစ်သင့်မဖြစ်ထိုက်တဲ့ဈေးနှုန်းတွေ။ အစိုးရက လွှတ်တော်ကိုလည်း အသိမပေးဘူး။ ပြည်သူကိုလည်း အသိ မပေးဘဲနဲ့ တက်လိုက်တာလေ။ ဆန္ဒပြမှုတွေကတော့ ဆက်ဖြစ်နေမှာပဲ။ အစိုးရဘက် က မြန်မြန်ပြန်ပြင်နိုင် မယ်ဆိုရင်တော့ ပြေလည် သွားမယ်။ အစိုးရအချိန်ကြာကြာဆွဲလုပ်ရင်တော့ တမျိုးဖြစ်သွားလိမ့်မယ်´´ ဟု ၎င်းက ဆိုသည်။

ပြည်ထောင်စု လွှတ်တော်နာယက သူရဦးရွှေမန်းက လျပ်စစ် ဓာတ်အားမီတာခတိုးမြှင့်မှု သည် အုပ်ချုပ်ရေး အဖွဲ့၏ တာဝန် တခုတည်း မဟုတ်ဘဲ လွှတ်တော်တွင်လည်း တာဝန်ရှိကြောင်း၊ ပြည်သူ လူထုအပေါ် သက်ရောက်မည့် ကိစ္စ ပြည်သူ့ ကိုယ်စားလှယ် များဖြင့် ဖွဲ့စည်းထားသော လွှတ်တော် က ဖြေရှင်းပေးရန် တာဝန် ရှိသည်ဟု ပြောဆိုသည်။

လျှပ်စစ်ဝန်ကြီးဌာနက လက်ရှိကောက်ခံနေသော လျှပ်စစ်ဓာတ်အားခသည် အရှုံးပေါ်နေပြီး တလျှင် ငွေကျပ် ၁၈၅ ဘီလျံ အရှုံးပြလျက်ရှိသည့်အပြင် တလ ဓာတ်အား ယူနစ်သန်းပေါင်း ၂၅၀၀ ကျော် လေလွင့်ပျောက် ဆုံးလျက်ရှိကြောင်း၊ တိုးမြှင့် ကောက်ခံလိုက်သော မီတာခကြောင့် အရှုံးပေါ်နေမှု သက်သာမည်ဟု ပြော ဆိုသည်။

လျှပ်စစ်စွမ်းအားဝန်ကြီးဌာနက ၂၀၁၃ ခုနှစ်၊ နိုဝင်ဘာလမှ စ၍ ဓာတ်အား သုံးစွဲခများ တိုးမြှင့်ကောက် ခံရာ တွင် အိမ်သုံး လျှပ်စစ်ဓာတ်အားခမှာ ၁ ယူနစ်မှ ၁၀၀ ယူနစ်အတွင်း သုံးစွဲလျှင် ၁ ယူနစ် ၃၅ ကျပ်၊ ၁၀၁ နှင့် အထက် သုံးစွဲပါက  ၁ ယူနစ် လျှင် ၅၀ ကျပ်၊ စက်မှု စီးပွား လုပ်ငန်းများ အတွက် ၁ ယူနစ်မှ ၅၀၀၀ အတွင်း သုံးစွဲပါက  ၁ ယူနစ်လျှင် ၁၀၀ ကျပ်နှုန်း ၊ ၅၀၀၁ နှင့် အထက် သုံးစွဲပါက ၁ ယူနစ်လျှင် ၁၅၀ ကျပ်နှုန်း နှင့် အစိုးရ ရုံးသုံး အတွက် ၁ ယူနစ်လျှင် ၅၀ ကျပ် ၊ အစိုးရ စက်မှုသုံး အတွက် ၁ ယူနစ်လျှင် ၁၀၀ ကျပ်သို့ တိုးမြှင့်ကောက်ခံမည်ဖြစ်သည်။

ဒု ဗိုလ်ချုပ်မှူးကြီးဟောင်း ဦးမောင်အေး ကျန်းမာရေး ယိုယွင်း

ဒုတိယ ဗိုလ်ချုပ်မှူးကြီး မောင်အေး, စစ်အစိုးရ, ဗိုလ်ချုပ်မှူးကြီး မင်းအောင်လှိုင်

စစ်ခေါင်းဆောင်ဟောင်း ဒုတိယ ဗိုလ်ချုပ်မှူးကြီး ဦးမောင်အေးရဲ့ ကျန်းမာရေး အခြေအနေ ယိုယွင်းလာနေပြီး ဘီးတပ်ကုလားထိုင်နဲ့ သွားလာနေရတယ်လို့ မိသားစုနဲ့ နီးစပ်သူတွေများထံမှ သိရပါတယ်။

အသက် ၇၆ နှစ်ရှိပြီဖြစ်တဲ့ စစ်ခေါင်းဆောင်ဟောင်းဟာ ပြီးခဲ့တဲ့ သီတင်းပတ်က ရန်ကုန်မြို့ သင်္ကန်းကျွန်းမြို နယ် ရှိ ပုညနိမိတ္တာရာမ ရွှေသုဝဏ်ကျောင်းမှာ ပြုလုပ်တဲ့  မိသားစု ကထိန်ကိုတောင်မှ တက်ရောက်နိုင်ခြင်း မရှိတော့ဘဲ ဆရာတော်ကို အိမ်သို့ ပင့်ဆောင်ပြီး တရားနာယူခဲ့ရပါတယ်။

ဒါကြောင့် လက်ရှိကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ထိပ်ပိုင်း စစ်ဗိုလ်ချုပ်တွေ လည်း ရန်ကုန်မြို့ကို ရောက်ရှိလာပြီး ဂါရ၀ပြုခဲ့ကြတယ်လို့ သိရပါတယ်။

DSA အပတ်စဉ် ၁၉ ဆင်း ဗိုလ်ချုပ်မှူးကြီး မင်းအောင်လှိုင်ဟာ စစ်ခေါင်းဆောင်ဟောင်း ဒုဗိုလ်ချုပ် မှူးကြီး   မောင်အေး အပေါ်မှာ လေးစားသူတဦးဖြစ်သလို၊ ကာကွယ်ရေး ဦးစီးချုပ်နေရာကို ရရှိအောင် ထောက် ခံပေးသူတဦးလို့လည်း ယုံကြည်ထားသူလို့ သိရှိရပါတယ်။

သူတို့နှစ်ယောက်စလုံးမှာ တူညီတဲ့ အချက်ကတော့ စစ်သားစိတ် အပြည့်ရှိခြင်းနဲ့ လက်အောက်ငယ်သားများ အပေါ် ကြမ်းကြမ်းတမ်းတမ်း ဆက်ဆံခြင်းတို့ ဖြစ်တယ်လို့ စစ်တပ်အသိုင်းအ၀န်းက အသိအမှတ်ပြုကြပါတယ်။

မိသားစု ကထိန်ကိုတော့ ဇနီးဖြစ်သူ ဒေါ်မြမြစန်းကပဲ ဦးစီးကျင်းပခဲ့ပြီး ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဒု ဗိုလ်ချုပ်ကြီးဟောင်း ဦးတင်အေး၊ န၀တ အစိုးရလက်ထက် အတွင်းရေးမှူး (၃) ဒု ဗိုလ်ချုပ်ကြီး ၀င်းမြင့်တို့ အပါအ၀င် စစ်ဘက်၊ နယ်ဘက်မှ အရာရှိများလည်း လာရောက်တယ်လို့ သိရပါတယ်။

ဒုတိယ ဗိုလ်ချုပ်မှူးကြီးဟောင်း ဦးမောင်အေးဟာ  ၁၉၅၅ ခုနှစ်က ပထမဆုံး ဖွင့်လှစ်ခဲ့သည့် ကာကွယ်ရေး စစ်တက္ကသိုလ် (Defense Services Academy – DSA) အပတ်စဉ် (၁) ကျောင်းဆင်းတဦး ဖြစ်ပြီး ဒု ဗိုလ်ချုပ်ကြီး ထွန်းကြည်၊ အရှေ့တောင်တိုင်း စစ်ဌာနချုပ် တိုင်းမှူးဟောင်း ဗိုလ်ချုပ် ဉာဏ်လင်း၊ စစ်ဥပဒေ ချုပ်ဟောင်း ဗိုလ်ချုပ် သန်းဦး၊ ထောက်လှမ်းရေး ညွန်ကြားရေးမှူးဟောင်း ဗိုလ်မှူးကြီး အောင်ကိုး၊   နိုင်ငံတော်   ကောင်စီရုံး ညွှန်ကြားရေးမှူးဟောင်း ဗိုလ်မှူးကြီး တင်လှိုင်၊ နိုင်ငံတော် သမ္မတရုံး ညွန်ကြားရေးမှူးဟောင်း ဗိုလ်မှူးကြီး အောင်မြင့်ဘော် တို့နဲ့ တပတ်စဉ်ထဲ ဆင်းခဲ့သူ ဖြစ်ပါတယ်။

၂၀၁၀ ပြည့်နှစ် မတ်လမှာ နိုင်ငံတော် အကြီးအကဲနဲ့ ဒုတိယ တပ်မတော် ကာကွယ်ရေး ဦးစီးချုပ် တာဝန်မှ အနားယူခဲ့ပါတယ်။

အနားယူပြီးတဲ့ နောက်မှာတော့ ရန်ကုန်၊ မန္တလေး မြို့ကြီးတွေ လွတ်လပ်စွာ ခရီးသွားရောက်ခဲ့ပါသေးတယ်။ ဒါပေမယ့် ပြီးခဲ့တဲနှစ် မေလမှာတော့ ရုတ်တရက် လေဖြန်းသွားတဲ့အတွက် စင်ကာပူနိုင်ငံကို သွားရောက် ဆေး ကုခဲ့ရပါတယ်။

ဗိုလ်ချုပ်မှူးကြီးဟောင်း သန်းရွှေကတော့ နေပြည်တော် နေအိမ်မှာပဲ စာဖတ်နေကြောင်း၊ လက်ရှိ   မြန် မာနိုင်ငံရေး   အခြေအနေနဲ့ ပတ်သက်ပြီး သူ စိုးရိမ်တယ်ဆိုတဲ့အကြောင်း ပြီးခဲ့တဲ့ သီတင်းကျွတ်ကာလက သွားရောက်ကန်တော့ခဲ့တဲ့ ပြည်သူ့လွှတ်တော် ဥက္ကဋ္ဌ သူရ ဦးရွှေမန်းကို ပြောဆိုခဲ့ပါသေးတယ်။

အမျိုးသမီးတဦး လက်ထိတ်တန်း လန်းဖြင့် သေဆုံး မှုကြောင့် ဖမ်းထားသည့် ရဲ ၄ ဦးကို ပြန်လွှတ်ပေးပြီ

ဧရာဝတီတိုင်း, ရဲတပ်ဖွဲ့, တရားဥပဒေ

ဧရာဝတီတိုင်း ဒေသကြီး ပုသိမ်မြို့အနီးရှိ င၀န်မြစ်အတွင်း၌ လက်ထိတ် သုံးစုံ ခတ်လျှက်သား အနေအထားဖြင့်   ရေနစ်သေဆုံးခဲ့သူ မသန်းသန်းအေးအမှုနှင့် ပတ်သက်၍ ဖမ်းဆီးထားသည့် မြန်မာနိုင်ငံ ရဲတပ်ဖွဲ့ဝင် ၅ ဦး အနက် ၄ ဦးကို ရာထူးတဆင့်လျှော့၊ ပြစ်ဒဏ်ချ၍ အချုပ်မှ ပြန်လွှတ်ပေးခဲ့ကြောင်း သတင်းရရှိသည်။

လိန်ကုန်း ကျေးရွာအုပ်စု သပြေပင်ကျေးရွာနေ ဦးအုန်းသန်း၊ ဒေါ်မြင့်မြင့်သန်းတို့ နေအိမ်မှ ရွှေ ၁၀ ကျပ်သား   ပျောက်ဆုံးမှုနှင့် ပတ်သတ်၍ သံသယတရားခံ အဖြစ် ဖမ်းဆီးပြီး အမှုစစ်ဆေးနေစဉ် လက်ထိတ် တန်းလန်းဖြင့် ရေထဲခုန်ချပြီး မိမိကိုယ်ကိုယ် အဆုံးစီရင်ခဲ့သူ မသန်းသန်းအေးအတွက် တာဝန်ရှိသည့် တပ်ကြပ်ကြီး ကြည်လင်း၊ တပ်ကြပ် နေထွန်း၊ တပ်ကြပ်ကျော်လင်းနိုင်နှင့် ဒု တပ်ကြပ် ဇော်မင်းထွန်းတို့အား ရာထူးတဆင့်စီ လျှော့ချ၍ ယခုလ ၅ ရက်နေ့က ပြန်လွှတ်ပေးခဲ့ပြီး လက်ရှိတွင် မြန်မာနိုင်ငံရဲတပ်ဖွဲ့တွင် တာဝန် ပြန်လည် ထမ်းဆောင်   နေပြီဖြစ်ကြောင်း ဧရာဝတီတိုင်းဒေသကြီး ရဲတပ်ဖွဲ့မှူးရုံးမှ ထိပ်တန်း အရာရှိတဦးက ဧရာဝတီကို ပြောသည်။

“မသန်းသန်းအေး သေတဲ့ကိစ္စနဲ့ ပတ်သတ်လို့ ၄ ယောက်တော့ အမိန့်ချပြီးပြီ။ တပ်ကြပ်ကြီး ကြည်လင်းကို တပ်ကြပ် လုပ်ပစ်လိုက်တယ်။ တပ်ကြပ် နေထွန်းနဲ့ တပ်ကြပ် ကျော်လင်းနိုင်ကို ဒုတပ်ကြပ်အဆင့်ကို လျှော့ ပစ်လိုက်တယ်။ ဒုတပ်ကြပ်ဇင်မင်းထွန်းကို ရဲတပ်သားအဖြစ် လျှော့ပစ်လိုက်တယ်။ ရာထူးလျှော့တဲ့ အဆင့်ပေါ့။ အခုတော့ ပြန်ခန့်ထားပြီ။ တာဝန် ပြန် ထမ်းဆောင်နေပြီ” ဟု သူက ပြောသည်။

မသန်းသန်းအေး သေဆုံးမှုနှင့် ပတ်သက်၍ ပုသိမ်မြို့တဘက်ကမ်း သင်္ဘောကျင်း ရဲစခန်းမှ ဒု ရဲအုပ် တဦးအပါအ၀င် ရဲတပ်ဖွဲ့ဝင် ၅ ဦးအား ပြီးခဲ့သည့်ဇွန်လ ၂၀ ရက်နေ့က ဧရာဝတီတိုင်း ဒေသကြီး ရဲတပ်ဖွဲ့မှူး အစီအစဉ်ဖြင့် ဖမ်းဆီး ချုပ်နှောင်ထားခြင်း ဖြစ်ပြီး အချိန် ၄ လကျော် အကြာတွင် မြန်မာနိုင်ငံ ရဲချုပ်က အမိန့်ချခဲ့ခြင်း ဖြစ်သည်။

သင်္ဘောကျင်း စခန်းမှူး ရဲအုပ်ကြည်လင်းကိုမူ “လက်အောက် ငယ်သားများအား ကောင်းမွန်စွာ မကွပ်ကဲသည့် အတွက်ပြင်းထန်စွာ ပြစ်တင်ရှုတ်ချကြောင်း” မြန်မာနိုင်ငံ ရဲချုပ်၏ အမိန့်စာတွင် ဖော်ပြထားသည်။

မသန်းသန်းအေး သေဆုံးမှုတွင် အဓိကတာဝန်ရှိသူ အဖွဲ့ခေါင်းဆောင်နှင့် အမှုစစ်ဖြစ်သူ ဒူရဲအုပ်   နိုင်အောင်ကျော်   ကိုမူရဲတရားရုံးဖြင့် စစ်ဆေးပြီးစီးသွားပြီ ဖြစ်ပြီး ရဲချုပ်အမိန့်ကို စောင့် ဆိုင်းနေ ဆဲ   ဖြစ်ကြောင်း၊ ၎င်းမှာ အရာရှိဖြစ်နေသဖြင့် ရဲစည်းကမ်းအရ တခြားအဆင့်များနှင့် ရောနှော အမိန့်ချ၍ မရသည့် အတွက် သီးသန့် အမိန့်ချမည် ဖြစ်ကြောင်း တိုင်း ရဲတပ်ဖွဲ့မှူး ရုံးမှ အရာရှိက ပြောသည်။

လက်ထိတ် နောက်ပြန်ခတ်လျှက် အနေအထားဖြင့် သေဆုံးခဲ့သူ မသန်းသန်းအေးမှာ ပုသိမ်မြို့နယ် လက် ပံကျေး ရွာတွင် ခင်ပွန်းဖြစ်သူ ကိုနန်းဝင်းနှင့်အတူ နေထိုင်သူဖြစ်သည် ရွှေပျောက်မှုနှင့် ပတ်သက်၍ ခင်ပွန်းဖြစ် သူကို သင်္ဘောကျင်း ရဲစခန်းမှ ဒုရဲအုပ် နိုင်အောင်ကျော် ဦးဆောင်သည့် ရဲတပ်ဖွဲ့ဝင်များက ဖမ်းဆီးခဲ့ပြီးနောက် ဇွန်လ ၁၁ ရက်နေ့တွင် မသန်းသန်းအေးအား သံသယ တရားခံအဖြစ် ဆက်လက် ဖမ်းဆီး ခဲ့သည်။

ရဲများက မသန်းသန်းအေးကို ဖမ်းဆီး ခေါ်ဆောင်သွားပြီးနောက် ပုသိမ်မြို့နယ် ရဲတပ်ဖွဲ့မှူးရုံး (မြက်တိုစခန်း)၊ အမှတ် – ၁ (အသည်ကြီးစခန်း) နှင့် ပုသိမ်တဘက်ကမ်း သင်္ဘောကျင်း ရဲစခန်းတို့တွင် ဇွန်လ ၁၁ ရက်နေ့မှ ၁၇ ရက်နေ့အထိ ချုပ်နှောင် စစ်ဆေးခဲ့ပြီး ဇွန်လ ၁၇ ရက်နေ့ ညပိုင်းတွင် တာဝန်ရှိသူရဲများ စောင့်ကြပ်နေသည့် ကြားမှ ရေနစ် သေဆုံးခဲ့ခြင်းဖြစ်သည်။

သပြေပင် ကျေးရွာသို့ သက်သေခံ ရွှေထည်ပစ္စည်းများ လိုက်လံပြသပြီး အပြန် ပုသိမ်မြို့ ကြက်တန်း ကူးတို့ဆိပ် အနီးတွင် ရဲများရှေ့၌ပင် လက်ထိတ်တန်းလန်းဖြင့် ရေထဲသို့ ခုန်ချသွားခြင်း ဖြစ်ကြောင်း လှေပေါ်တွင် အတူစီးနင်း လိုက်ပါခဲ့သူ မျက်မြင်သက်သေ များက ဆိုသည်။

မသန်းသန်းအေးအား ဖမ်းဆီးထားစဉ် ကာလအတွင်း အမှုနှင့် ပတ်သက်၍ ရဲများက နှိပ်စက် ညှဉ်းပန်း မှုများ ပြုလုပ်ခဲ့ကြောင်း၊ ရေနစ်သေဆုံးမှုအား သက်ဆိုင်ရာ ရဲစခန်းမှ မိဘဆွေမျိုးများထံ အကြောင်းမကြားဘဲ ထိန်ချိန်ထားခဲ့ကြောင်း၊ ခင်ပွန်းဖြစ်သူ ကိုနန်းဝင်းကိုလည်း ခိုးမှုကို ၀န်ခံစေရန် ရဲများက ရိုက်နှက်ခြင်း၊   နှိပ်စက်ညှဉ်းပန်းခြင်းများ ပြုလုပ်ခဲ့ကြောင်း မိသားစုဝင်များက ပြောသည်။

“နန်းဝင်းကို ထုပ်တန်းမှာ တွဲလောင်းချည်ပြီး ကန်ကျောက်၊ ရိုက်နှက်တာတွေ လုပ်တော့ အခု သူ့မှာ ရင်ဘတ်တွေ၊ ကျောတွေ အောင့်တယ်။ အသက်ရှူမ၀တာတွေ ခံစားနေရတယ်လို့ ပြောတယ်။ အဒေါ်တို့ လည်း ထောင်ဝင်စာ တွေ့တဲ့အချိန် ဆေးလုံး လေးတွေလောက်ပဲ ပေးနိုင်တယ်။ လိမ်းဆေး ပုလင်းတွေ ဘာတွေ ပေးလို့မရဘူး။ ထောင်ဆရာဝန်နဲ့ ပြတော့လည်းအဆင် မပြေဘူး ပြောတယ်” ဟု ကိုနန်းဝင်း၏ မိခင် ဒေါ်စန်းရီက ပြောသည်။

ကိုနန်းဝင်းအား အချုပ်ခန်းထဲတွင် နှိပ်စက်သူများအနက် သင်္ဘောကျင်း စခန်းမှူး ရဲအုပ်ကြည်လင်း ကိုယ်တိုင် ပါဝင် သော်လည်း ၎င်းအား တစုံတရာ အရေးယူမှုမရှိသည့် အပေါ် ကျေနပ်မှုမရှိကြောင်း၊ ကျူးလွန်ခဲ့ သည့် ပြစ် ဒဏ်အရ  ဥပဒေအတိုင်း အရေးယူ ပေးစေလိုကြောင်း ဒေါ်စန်းရီက ဆက်ပြောသည်။

လက်ရှိတွင် ကိုနန်းဝင်းမှာ ပုသိမ်ထောင်၌ ချုပ်နှောင်ခံနေရပြီး ပုသိမ်မြို့နယ်တရားရုံးတွင် အမှုရင်ဆိုင်   နေရသည်။

ရွှေပျောက်မှုနှင့် ပတ်သက်၍ အဓိက သက်သေခံ ပစ္စည်းများဖြစ်သည့် ရွှေထည်များကို ယနေ့တိုင် ရှာဖွေတွေ့ ရှိခြင်း မရှိသေးသည့် အတွက် တရားရုံးတော်သို့ တင်သွင်းနိုင်ခြင်း မရှိသေးပေ။

မသန်းသန်းအေး မသေဆုံးမီ ဇွန်လ ၁၇ ရက်နေ့ နေ့လယ်ပိုင်းက ဒုရဲအုပ် နိုင်အောင်ကျော် ဦးဆောင်သည့် ရဲတပ်ဖွဲ့ဝင် များသည် မသန်းသန်းအေးကို သပြေပင် ကျေးရွာသို့ ခေါ်ဆောင်သွားပြီး သက်သေခံ ပစ္စည်းများ ထားသည့်နေရာကိုပြသခိုင်း၍ ရှာဖွေသော်လည်း မည်သည့် ရွှေထည်ပစ္စည်းမှ မတွေ့ခဲ့ရကြောင်း သိရသည်။

ရွှေထည်များအား ခိုးယူပါသည်ဟု ကိုနန်းဝင်းက ရဲစခန်း၌ ၀န်ခံထားသော်လည်း ယင်းမှာ ရဲများ၏ ရိုက်နှက်   နှိပ်စက်မှု များကြောင့် ၀န်ခံခဲ့ရခြင်း ဖြစ်ကြောင်း မိသားစုဝင်များက ပြောသည်။ ကိုနန်းဝင်းကို ယခုလ ၁၄ ရက်နေ့တွင် ပုသိမ်မြို့နယ် တရားရုံး၌ ရုံးထုတ် စစ်ဆေးမည် ဖြစ်သည်။

ရမ်းဗြဲ၊ကျောက်ဖြူမြို့နယ်အတွင်းဖြစ်ပွားမီးရှို့ခံရ၍ နစ် နာ ဆုံး ရှုံး ခဲ့ သော ကမန် တိုင်း ရင်း သား များ ၏ အခွင့် အ ရေး ကို အမြန် ဆုံး ညှိ နိုင်း ဖြေ ရှင်း ပေး ရန် သမ္မတ ထံ တင် ပြ ခြင်း

၂၀၁၄ ပြည်လုံးကျွတ်သန်းခေါင်စာရင်းကော်ယူရာတွင် နိုင် ငံ အ နှံ ရောက် ရှိ နေ သော က မန် လူ ဦး ရေ စ ရင်း ထည့် သွင်း ကောက် ခံတင် ပြ ခြင်း