Daily Archives: November 18th, 2013

OIC ကိုယ်စားလှယ်အဖွဲ့ မြန်မာသမ္မတနဲ့ တွေ့ဆုံဆွေးနွေး

ဗုဒ္ဓဟူးနေ့ကတည်းက မြန်မာနိုင်ငံမှာရောက်နေတဲ့ OIC ကိုယ်စားလှယ်အဖွဲ့ဟာ သူတို့ခရီးစဉ်အဆုံးမသတ်ခင် တစ်ရက်မှာပဲ သမ္မတဦးသိန်းစိန်နဲ့ တွေ့ဆုံခွင့် ရခဲ့တာပါ။ အဲဒီတွေ့ဆုံပွဲမှာ မြန်မာနိုင်ငံနဲ့ OIC အကြား ဆက်ဆံရေးကိစ္စ၊ ပူးပေါင်းဆောင်ရွက် ရေးကိစ္စနဲ့ တခြားကိစ္စရပ် အများအပြားကို ဆွေးနွေးပြောဆိုခဲ့တယ်လို့ OIC အတွင်းရေးမှူးချုပ်က ဗွီအိုအေကို ပြောပါတယ်။

“ဒုက္ခသည်စခန်းမှာ မနေ့က ကျနော်တို့တွေ့ခဲ့တာနဲ့ပတ်သက်ပြီး ကျနော်တို့ရဲ့ အတွေးစိတ်ကူးကို ပြောပြပါတယ်။ ပုံမှန် အခြေအနေ ပြန်ရောက်အောင် လုပ်နေတဲ့ အစိုးရရဲ့လုပ်ငန်းစဉ်အောင်မြင်စေဖို့ ကျနော်တို့ ဆုတောင်းပေးပါတယ်။ ဒီမိုကရေစီ ပြုပြင်ပြောင်းလဲရေးဟာ အင်မတန်ခက်ခဲပြီး စိတ်ရှည်သည်းခံမှုနဲ့ ဂရုတစိုက်ရှိဖို့ လိုတယ်လို့ ကျနော်တို့ ထင်ပါတယ်။ တစ်ချိန်တည်းမှာပဲ မတူကွဲပြားတဲ့ အစုတွေကြား ဆက်ဆံရေးကို ပုံမှန်ပြန်ဖြစ်အောင် လုပ်ဖို့လိုပါတယ်။ ရခိုင်ပြည်နယ်မှာ ပဋိပက္ခကို ကျော်လွှားနိုင်အောင် ပြည်နယ်တစ်ခုလုံးကို အကူအညီပေးချင်တယ်ဆိုတာ ပြောခဲ့ပါတယ်။

မတူကွဲပြားတဲ့ လူမှု အ၀န်းအ၀ိုင်း နှစ်ခုအကြား ယုံကြည်မှုတည်ဆောက်ဖို့ လိုတယ်ဆိုတာကို ကျနော်တို့ ပြောခဲ့ပါတယ်။ ဒါဟာ အင်မတန် အကျိုးရှိတဲ့ ဆွေးနွေးပွဲဖြစ်ပြီး သိပ်အောင်မြင်တဲ့ခရီးစဉ်လို့ ကျနော်ထင်ပါတယ်။”

သမ္မတဦးသိန်းစိန်က ဘာတွေ ပြန်ပြီး ဆွေးနွေးခဲ့တယ်ဆိုတာကို OIC အတွင်းရေးမှူးချုပ်က မပြောပါဘူး။ သမ္မတရုံးကို ဆက်သွယ်မေးမြန်းတဲ့အခါ တနင်္ဂနွေနေ့မှာ ကြေညာချက် ထုတ်ပြန်မယ်ဆိုတာကိုပဲ ပြောခဲ့ပါတယ်။ OIC ကိုယ်စားလှယ် အဖွဲ့ဟာ ကြာသပတေးနေ့က ရခိုင်ပြည်နယ် စစ်တွေနဲ့ မောင်တောမြို့နယ်တွေက ဒုက္ခသည်စခန်းတွေဆီ သွားရောက်ပြီး နှစ်ဘက်စလုံးက လူပုဂ္ဂိုလ်တွေနဲ့ တွေ့ဆုံခဲ့ပါတယ်။ အဲဒီတွေ့ဆုံမှုတွေကနေ သူတို့သိခဲ့ရတာကို အတွင်းရေးမှူးချုပ်က အခုလိုပြောပါတယ်။

“တကယ့်အစစ်အမှန် ပြဿနာ ဘယ်ကလာတယ်ဆိုတာကို ကျနော်တို့ တွေ့ခဲ့ပါတယ်။ ဒီလူတွေဟာ ရာစုနှစ်ပေါင်းများစွာ ကြာအောင် ငြိမ်းချမ်းစွာနဲ့ လိုက်လျောညီထွေစွာ နေထိုင်ခဲ့ကြတာပါ။ ပြီးခဲ့တဲ့နှစ်က ဖြစ်ခဲ့တဲ့ ရာဇ၀တ်ပြစ်မှုဆိုင်ရာ ကျူးလွန်မှုတွေကနေ အခြေအနေတစ်ခုလုံးဟာ လူမှုအ၀န်းအ၀ိုင်း ပဋိပက္ခဆီ ကူးပြောင်းသွားခဲ့တာပါ။ ကျနော်တို့ နားလည်ချက်အရ ဒါဟာ အစ္စလာမ်တွေ၊ မူဆလင်တွေနဲ့ ဗုဒ္ဓဘာသာဝင်တွေ အကြားမှာဖြစ်တယ်ဆိုတဲ့ အကြောင်းပြချက် ဘာမှမရှိပါဘူး။ အဲဒီဖြစ်ရပ်တွေဟာ တရားရုံးတင် ဖြေရှင်းရမှာဖြစ်ပြီး လူမှုအ၀န်းအ၀ိုင်းနှစ်ခုအကြား နောက်ထပ် အကြမ်းဖက်မှုတွေ မဖြစ်သင့်ပါဘူး။ ဒီလူတွေကြားမှာ ငြိမ်းချမ်းစွာ ပြန်ပြီး အတူယှဉ်တွဲနေထိုင်နိုင်ရေးအတွက် ကျနော်တို့ ကူညီလုပ်ဆောင်သွားဖို့ ဆန္ဒရှိတယ်ဆိုတာ ပြောခဲ့ပါတယ်။”

OIC ကိုယ်စားလှယ်အဖွဲ့ မြန်မာနိုင်ငံဆီ ရောက်မလာသေးခင်မှာရော ရောက်လာပြီးတဲ့နောက်ပိုင်းမှာရော ရန်ကုန်မြို့နဲ့ တခြား နေရာတချို့မှာ OIC ကိုယ်စားလှယ်အဖွဲ့ကို ကန့်ကွက် ဆန္ဒပြတာတွေရှိခဲ့ပါတယ်။ ဒါနဲ့ပတ်သက်ပြီး လူထုရဲ့ ဆန္ဒပြပိုင်ခွင့် ဆန္ဒ ထုတ်ဖော်ပိုင်ခွင့်ကို သူတို့အနေနဲ့ လေးစားတဲ့ အကြောင်းနဲ့ ဒါဟာ ဒီမိုကရေစီနည်းလမ်းမှာ လွတ်လပ်စွာ ထုတ်ဖော်ပိုင်ခွင့်ကို ကျင့်သုံးတာဖြစ်တဲ့အတွက် အရေးကြီးပါတယ်လို့ အတွင်းရေးမှူးချုပ်က ပြောပါတယ်။ OIC ဟာ ဒီမိုကရေစီကို ထောက်ခံအားပေးတဲ့ အဖွဲ့အစည်းဖြစ်ပါတယ်လို့လည်း သူကပြောပါတယ်။

ဆန္ဒပြသူတွေ အဓိက ကန့်ကွက်ကြတဲ့ကိစ္စထဲမှာ အတည်မပြုနိုင်တဲ့ သတင်းတွေပေါ် အခြေခံထားတဲ့ မြန်မာနိုင်ငံမှာ OIC ရုံးခွဲ ဖွင့်လှစ်မယ်ဆိုတာကို အဓိက ကန့်ကွက်ကြတာ ပါဝင်ပါတယ်။ ရုံးဖွင့်ဖို့ကိစ္စဟာ နားလည်လွဲမှု အများအပြားကြောင့် ပြောဆိုရတဲ့ ကိစ္စတစ်ခု ဖြစ်လာတာပါလို့ အတွင်းရေးမှူးချုပ်က ပြောပါတယ်။ တခြားလူတွေကို တိုက်ခိုက်ဖို့အတွက် OIC အဖွဲ့က မူစလင်တွေကို ငွေတွေပေးနေတယ်ဆိုတာမျိုး မှားယွင်းတဲ့ သတင်းတွေကို ယုံကြည်တဲ့လူ အနည်းစု ရှိနေတယ်ဆိုတာကို သူက ထောက်ပြပြီးတော့ သူတို့အနေနဲ့ ငွေတပြားတချပ်မှ ပေးမနေပါဘူးလို့ အခိုင်အမာပြောပြီး လက်ရှိအချိန်မှာ OIC ရုံးခွဲဖွင့်လှစ်ဖို့ မရှိပါဘူးလို့ ဗွီအိုအေကိုပြောပါတယ်။

“လူတွေရဲ့ တောင်းဆိုချက်ကို ကျနော် လေးစားပါတယ်။ အဲဒါကို သူတို့ မလိုချင်ပါဘူး။ လက်ရှိအချိန်မှာ ဘယ်လိုရုံးမျိုးမှ ကျနော်တို့ ဖွင့်ဖို့မရှိပါဘူး။ တစ်ကမ္ဘာလုံးမှာ ကျနော်တို့ရုံးတွေ ရှိပါတယ်၊ နယူးယောက်မှာ ရှိပါတယ်၊ ဂျီနီဗာမှာ ရှိပါတယ်၊ ဘရပ်ဆဲလ်မှာ ရှိပါတယ်။ ကမ္ဘာပေါ်က နေရာအများအပြားမှာ ရှိပါတယ်။ မြန်မာနိုင်ငံမှာ ကျနော်တို့ရုံးခွဲ မရှိသေးဘဲ ဒီ နားလည်လွဲမှားမှုတွေ ကျော်လွန်သွားတဲ့အထိ ကျနော်တို့ စောင့်နိုင်ပါတယ်။”

OIC အဖွဲ့ဝင်ခုနစ်နိုင်ငံက နိုင်ငံခြားရေးဝန်ကြီးနှစ်ဦး၊ ဒုတိယနိုင်ငံခြားရေး ၀န်ကြီးငါးဦးနဲ့ OIC အတွင်းရေးမှူးချုပ်တို့ ပါဝင်တဲ့ ကိုယ်စားလှယ်အဖွဲ့ဟာ ဒေါ်အောင်ဆန်းစုကြည်နဲ့ တွေ့ဆုံခွင့်ရဖို့ မျှော်လင့်ထားခဲ့ပေမဲ့ သူတို့ တွေ့ဆုံပွဲတွေက နေပြည်တော်မှာပဲ ဖြစ်ခဲ့ပြီး အဲဒီအချိန် ဒေါ်အောင်ဆန်းစုကြည်က ရန်ကုန်မြို့မှာ ရှိနေခဲ့တာကြောင့် တွေ့ဆုံဖို့ မဖြစ်ခဲ့ပါဘူးလို့ အတွင်းရေးမှူးချုပ်က ပြောပါတယ်။

သူတို့အဖွဲ့ဟာ တနင်္ဂနွေနေ့မနက်ပိုင်းမှာ ရန်ကုန်လေဆိပ်ကနေ ပြန်လည် ထွက်ခွာမှာဖြစ်ပြီး မထွက်ခွာခင် မနက် ၆ နာရီ ၄၅ မိနစ် မှာ လေဆိပ်မှာပဲ သတင်းစာရှင်းလင်းပွဲလုပ်ဖို့ရှိတယ်လို့ ကိုယ်စားလှယ်အဖွဲ့မှာပါလာတဲ့ OIC ရဲ့ ကုလသမဂ္ဂဆိုင်ရာ အမြဲတမ်း ကိုယ်စားလှယ်အဖွဲ့ခေါင်းဆောင် သံအမတ် အူဖုခ် ဂေါ့က်ဆင်န် (Ufuk Gokcen) က ဗွီအိုအေကို ပြောပါတယ်ခင်ဗျား။

ကျော်ကျော်သိန်း | VOA

ဓာတ်ပုံရှင်းလင်းချက်
» အဖွဲ့ဝင် ၅၇ နိုင်ငံပါ အစ္စလာမ်မစ် ပူးပေါင်းဆောင်ရွက်ရေးအဖွဲ့ ကိုယ်စားလှယ်များရဲ့ မြန်မာပြည်ခရီး (ဓာတ်ပုံ – AP)

မုန်တိုင်းဒဏ်သင့် ပိုင်ရှင်မဲ့ အလောင်း ၄၀၀ခန့်ကို စုပေါင်းမြုပ်နှံ

ဖိလစ်ပိုင်၊ နိုဝင်ဘာ ၁၈။

ဖိလစ်ပိုင်တွင် ကမ္ဘာ့အင်အားအပြင်းဆုံး မုန်တိုင်းတစ်ခုဖြစ်သည့် ဟိုင်ရန်မုန်တိုင်းကြောင့် သေဆုံးသွားသူများအနက် အမည်မသိအလောင်းပေါင်း ၃၉၃လောင်းကို ပလပ်စတစ်အိတ်အမည်းအတွင် ထည့်ကာ စုပေါင်း သဂြိုင်္ဟ်မြုပ်နှံခြင်းများ ပြုလုပ်ခဲ့သည်။

ယခုလုပ်ရပ်သည် ရိုးရာအစဉ်အလာကို ဆန့်ကျင်သော မယဉ်ကျေးသည် အပြုအမူအဖြစ် ဝေဖန်သူ အနည်ငယ်ရှိခဲ့သည်။

ဖိလစ်ပိုင်နိုင်ငံ တက်လိုဘန်တွင် စေတနာ့ဝန်ထမ်းများက ပိုင်ရှင်မဲ့အလောင်းများကို စုပေါင်းမြုပ်နှံရာတွင် အလောင်းပေါင်း ၆၀ ကျော်ခန့်မှာမူ မည်သူမည်ဝါဟု အတည်ပြုနိုင်ခဲ့သည်ဟုလည်း ဆိုသည်။

မုန်တိုင်းကြောင့် သေဆုံးသူအရေအတွက် အမြင့်ဆုံးတစ်သောင်းမှ အနည်းဆုံး ၂၅၀၀ အထိ ရှိမည်ဟု သတင်းအမျိုးမျိုး ထွက်ခဲ့ဖူးသည်။ ယခုအချိန်တွင် ဖိလစ်ပိုင် အာဏာပိုင်များက သေဆုံးသူ
လေးထောင်ကျော်ဟု တရားဝင် ကြေညာထားသည်။

တက်ဘိုဘန်မြို့တော်ဝန် Alfred Romualdez က ကျန်အလောင်းများသည် ဆူနာမီကဲ့သို့သော လှိုင်းများရိုက်ပုတ် ယူဆောင် ခြင်းကြောင့် ပင်လယ်အတွင်း၌ ပျောက်ဆုံးနေဆဲ ဖြစ်သည်ဟု ဆိုသည်။

ထို့ပြင် လူပေါင်း တစ်သိန်းမှ တစ်သိန်း နှစ်သောင်းခန့်သည် နီးစပ်ရာဒေသများသို့ မုန်တိုင်းရှောင်ခြင်း၊ မုန်တိုင်းအပြီး သွားရောက်နေထိုင်ခြင်း ရှိခဲ့ရာမှ ပြန်ရောက်ခြင်း မရှိသေးကြောင်းလည်း ပြောကြားခဲ့သည်။

လက်ရှိအချိ်န်တွင် ရေခဲတိုက်များလည်း မုန်တိုင်းကြောင့် ပျက်စီးခဲ့သဖြင့် ကူးစက်ရောဂါများ ပြန့်ပွားမှု မရှိစရန် အလောင်းများကို အလျင်စလို မြေမြုပ်သဂြိုဟ်ရခြင်း ဖြစ်ကြောင်း သိရသည်။

Ref: Daily Mail

သရက်မြို့က တူရကီ စစ်ဗိမာန် ပြန်လည်ပြုပြင်မည်

နိုဝင်ဘာ- ၁၈ ၂၀၁၃
မြ၀တီ

မကွေးတိုင်း ဒေသကြီး သရက်မြို့ရှိ တူရကီ စစ်ဗိမာန်သည် ယခုအခါ ခြံစည်းရိုး ပျက်စီးခြင်း၊ စစ်သည်မှတ်တိုင်များ ပျက်စီးနေခြင်း၊ ရှေ့၌ ထားရှိသော ကျောက်စာများ ပျက်စီးနေခြင်းတို့ကြောင့် ကိုင်ရို ဆောက်လုပ်ရေးမှ တာဝန်ယူ၍ ပြန်လည်ပြုပြင် တည်ဆောက်မည် ဖြစ်ကြောင်း သိရသည်။

အဆိုပါ တူရကီ စစ်ဗိမာန်ပြန်လည် ပြုပြင်ရာတွင် ခြံစည်းရိုးကာခြင်း၊ အာဇာနည် ဗိမာန်တည်ဆောက်ခြင်း၊ MEMORIOR and Guest House တည်ဆောက်ခြင်း၊ မြက်ခင်း၊ အုတ်ဂူအတွင်း လမ်း သဘာဝ ကျောက်ပြားမြေအောက် လိုဏ်ပြုလုပ်ခြင်း၊ ကွန်ကရစ် လမ်းခင်းခြင်း ၊ ရေမြောင်း ပြုလုပ်ခြင်းများကို ဆောင်ရွက်မည် ဖြစ်သည်။

ယင်းလုပ်ငန်းများနှင့် ပတ်သက်၍ ခွင့်ပြုထားသည့် ပုံစံအတိုင်းအတာ ရောက်သည် အထိ တည်ဆောက်ခြင်းရှိ၊ မရှိကို ကြီးကြပ် ဆောင်ရွက်ရန် မြို့နယ် အထွေထွေ အုပ်ချုပ်ရေး ဦးစီးဌာနမှ ကြီးကြပ်ရေး အဖွဲ့ဝင် ရှစ်ဦးပါဝင်သော အဖွဲ့ကို ဖွဲ့စည်းတာဝန် ပေးအပ်ခဲ့ပြီး အဆိုပါ လုပ်ငန်းများကို သုံးလအတွင်း အပြီး ဆောင်ရွက်မည်ဖြစ်ကြောင်း သိရသည်။

Link=>http://www.myawady.net.mm/allnews/local/item/30585-2013-11-18-12-34-47

အစ္စလာမ်သာသနာကိုတိရိစ္ဆာန်ဝါဒဟုစော်ကားသည့်ကိစ္စ အရေး ယူပေး ရန် အစ္စ လာမ် အဖွဲ့ ကြီးမှ သမ္မတ ထံ စာ ပို့

နိုဝင်ဘာ- ၁၈ ၂၀၁၃
M-Media
KK

မြန်မာအစိုးရ၏ ဖိတ်ကြားချက်ဖြင့် တရားဝင်လာရောက်ခဲ့သော အစ္စလာမ်မစ် ပူးပေါင်းဆောင်ရွက်ေ၇းအဖွဲ့( အိုအိုင်စိ) အား ကန့်ကွက် ဆန္ဒပြသူ အချို့မှ ဆန္ဒပြခြင်းကို အကြောင်းပြုပြီး အစ္စလာမ်သာသနာကို မဟုတ်မမှန် စွပ်စွဲပုတ်ခတ်ကာ စော်ကားရေးသား ပြောဆို ထုတ်ဖော်မှုများပြုခဲ့ကြသည့် အပေါ် တည်ဆဲ တရားဥပဒေများအရ အမြန်ဆုံးအရေးယူပေးဖို့ မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှာ နိုင်ငံတော် သမ္မတ သို့ လိပ်မူပြီး တိုင်ကြားစာ ပေးပို့ထားကြောင်း သတင်းရရှိသည်။

အဆိုပါ တိုင်ကြားစာတွင် ဆန္ဒပြသူများမှ အစ္စလာမ်ကို စော်ကားပုတ်ခတ်ထားသော “သားဖောက်နှုန်းမြန်အစ္စလာမ် တိရိစ္ဆာန်ဝါဒ ဆန့်ကျင်ကြ” ” လူသတ်ဝါဒ၊ မုဒိမ်းကျင့်ဝါဒ ကို လက်ကိုင်ပြုထားသည့် ရှရီးယား(အစ္စလာမ့်ဥပဒေ) အလိုမရှိ။” စသည့် စာသားများကို ဖော်ပြထားပြီး အဆိုပါစွပ်စွဲ ပုတ်ခတ်စော်ကားမှုများမှာ ဖွဲ့စည်းပုံအခြေခံဥပေဒ၊ ပြစ်မှုဆိုင်ရာ ဥပဒေ( ရာဇသတ်ကြီး ) ပြဌာန်းချက်များနှင့် ဆန့်ကျင်နေပြီး အထူးသဖြင့် ကမ္ဘာတဝှမ်းမှ လူမျိုးပေါင်းစုံ ကိုးကွယ်ရာ ကမ္ဘာ့ဘာသာကြီးတစ်ခုကို “တိရိစ္ဆာန်ဝါဒ”ဟု ပုတ်ခတ်စော်ကားခြင်းမှာ ဘာသာဝင်များ၏ စိတ်ကိုနာကျည်းစေရန် တမင် ရည်ရွယ် လုပ်ဆောင်ခြင်းဖြစ်သောကြောင့် အဖွဲ့ကြီးအနေဖြင့် လုံးဝ(လုံးဝ) လက်မခံဟု ထည့်သွင်းရေးသားထားပြီး အဆိုပါ စော်ကား ပုတ်ခတ်မှုကို လုပ်ဆောင်ခဲ့သည့် လူ၊ ပုဂ္ဂိုလ်၊ အဖွဲ့အစည်း အားလုံးကို တရားဥပဒေအရ အမြန်ဆုံး အရေးယူပေးရန် တောင်းဆိုထားသည်။

M-Media Link =>http://www.m-mediagroup.com/news/20592

အစ္စလာမ်ကိုတိရိစ္ဆာန်ဝါဒဟု စော်ကားသည့်ကိစ္စအရေးယူပေးရန် သမ္မတထံစာပို့ (4 photos)