Daily Archives: November 20th, 2013

ကျနော် ငိုခဲ့မိတယ်” ဟု OIC အထွေထွေ အတွင်းရေးမှူး ဆို

ကမ္ဘာ့ အစ္စလမ်နိုင်ငံများ ပေါင်းစည်းထားသည့် အဖွဲ့အစည်း OIC ၏ အထွေထွေအတွင်းရေးမှူးက ကာလရှည်ကြာစွာ ဖိနှိပ်ချုပ်ချယ်ခြင်းခံခဲ့ရ သည့် မြန်မာနိုင်ငံမှ ရခိုင်ပြည်နယ် မြောက်ပိုင်းနေ မွတ်ဆလင် အသိုင်းအ၀ိုင်းနှင့် သွားရောက်တွေ့ဆုံ ခဲ့ရသည့် စိတ်လှုပ်ရှားဖွယ်ရာ ခရီးစဉ်က သူ့ကို မျက်ရည်ကျစေခဲ့ကြောင်း ပြောဆိုလိုက်သည်။

“ဒီလို ခံစားမှုမျိုး ဘယ်တုန်းကမှ ကျနော် မခံစားခဲ့ရပါဘူး” ဟု Ekmeleddin Ihsanoglu က စနေနေ့တွင် ပြောကြား ခဲ့ကြောင်း AP သတင်းတပုဒ် တွင် ဖော်ပြထားသည်။

ရခိုင်ပြည်နယ်မြို့တော် စစ်တွေမြို့ အပြင်ဖက်မှာ ပြန့်ကျဲနေသည့် အမှိုက်ပုံလို ဒုက္ခသည်စခန်းတွေမှာ ဆင်းရဲပင်ပန်းစွာနေ ထိုင်နေရသည့် အရေ အတွက် များပြားလှသည့် ဒုက္ခသည်တွေကို မြင်တွေ့ရသည့် အဖြစ်က စိတ်ကို အထိခိုက်စေဆုံး ဖြစ် သည်ဟု သူက ဆိုသည်။ “ကျနော် ငိုခဲ့မိတယ်” ဟု Ihsanoglu က ပြောသည်။

သူနှင့် OIC မှ ကိုယ်စားလှယ်များသည် မြန်မာနိုင်ငံသို့ ၃ ရက်ကြာ ခရီးစဉ် သွားရောက်ခဲ့ပြီး သမ္မတ၊ ဒုတိယသမ္မတ၊ အစိုးရအဖွဲ့ဝင် ၀န်ကြီးများ၊ ဘာ သာရေး   အဖွဲ့အစည်းများ၊ ကုလသမဂ္ဂ အဖွဲ့များနှင့်လည်း တွေ့ဆုံဆွေးနွေးခဲ့သည်။

ဗုဒ္ဓဘာသာဝင် အများဆုံးဖြစ်သော မြန်မာနိုင်ငံတွင် လူဦးရေ သန်း ၆၀ခ န့် ရှိပြီး ရာစုနှစ်ဝက်မျှ ကြာမြင့်ခဲ့သည့် စစ်အုပ်ချုပ်ရေးလက်အောက်မှ ၂၀၁၁ ခုနှစ်တွင် လွတ်မြောက်လာခဲ့သော်လည်း ဒီမိုကရေစီ အသွင်ကူးပြောင်းရေးသည် လူ ၂၄၀ ကျော် သေဆုံးခဲ့ရပြီး လူပေါင်း ၂၄၀၀၀၀ ခန့် အိုးအိမ်စွန့်ခွာ ထွက်ပြေးခဲ့ရသည့် လူမျိုးရေး ဘာသာရေး ခွဲခြားမှု အဓိကရုဏ်းများကြောင့် ထိခိုက်နစ်နာမှုများ ဖြစ်ခဲ့ရသည်။

အဓိကရုဏ်းများ၏ သားကောင် အများစုမှာ “ရိုဟင်ဂျာ”ခေါ် မွတ်ဆလင်များ ဖြစ်ကြသည်။ ၎င်းတို့ထဲမှာ မိသားစု အများအပြားသည် မြန်မာနိုင်ငံ သို့ ရောက်ရှိခဲ့သည်မှာ မျိုးဆက်နှင့် ချီ၍ ကြာမြင့်ခဲ့ပြီဖြစ်သော်လည်း အစိုးရက နိုင်ငံသားဖြစ်ခွင့်ကို ငြင်းပယ်ခံရသူများလည်း ဖြစ်သည်။

ဒုက္ခသည်စခန်းများမှ ကလေးငယ် အများစုသည် ကျောင်းသို့ သွားနိုင်ခြင်း မရှိသည်မှာ တနှစ်ကျော်ခဲ့ပြီဖြစ်သည်။ ဆေးဝါးကုသမှုခံယူရန်ဖြစ်စေ အခြား အကြောင်းနှင့် ဖြစ်စေ စခန်းမှ ထွက်ခွာလိုလျှင် လာဘ်ငွေ အများအပြား ပေးရသည်။ လူသားချင်း စာနာထောက်ထားမှုဆိုင်ရာ အကူ အညီပေးရေး ၀န်ထမ်း များမှာလည်း မွတ်ဆလင်များကို ပို၍ ဦးစားပေးသည် ဆိုသော စွပ်စွဲချက်ဖြင့် ဗုဒ္ဓဘာသာဝင် ရခိုင်လူမျိုးများ၏ ခြိမ်းခြောက်မှုများနှင့် ရင်ဆိုင်ကြရသည်။

“ကျနော် ခံစားရတာကို ရှင်းပြလို့တောင် မရပါဘူး။ သိပ်စိတ်ထိခိုက်စရာ ကောင်းပါတယ်” ဟု Ihsanoglu က ပြောကြောင်း AP သတင်းက ဆိုသည်။

OIC အဖွဲ့၏ မြန်မာနိုင်ငံခရီးစဉ်ကို ဆန့်ကျင်ကန့်ကွက်သည့် ဆန္ဒပြမှုများ ရှိခဲ့သည်။ ရန်ကုန်မြို့နှင့် စစ်တွေမြို့ များသို့ OIC ကိုယ်စားလှယ်အဖွဲ့   ရောက်ရှိချိန်တွင် လူထောင်ပေါင်းများစွာက “OIC ထွက်သွား” “ ပြည်တွင်းရေးကို စွက်ဖက်ခြင်းကို ရပ်တန့်ပါ” အစရှိသော ဆိုင်းဘုတ်များ ကိုင်ဆောင် ကာ ကြွေးကြော်သံများ အော်ဟစ် ဆန္ဒပြခဲ့ကြသည်။

သို့သော် မြန်မာအစိုးရ၏ ဖိတ်ခေါ်မှုဖြင့် လာရောက်ရသော ခရီးစဉ်သည် အတော်အသင့် အောင်မြင်မှု ရှိခဲ့သည်ဟု ဆိုနိုင်ကြောင်း Ihsanoglu က ပြောသည်။

ရခိုင်ပြည်နယ်ရှိ မွတ်ဆလင်ဒုက္ခသည်များ၏ နိုင်ငံသားဖြစ်ခွင့်ကိစ္စကို ဖြေရှင်းနိုင်ရန် လုပ်ဆောင်နေကြောင်း အစိုးရထံမှ အာမခံချက် ရရှိခဲ့သည် ဟုလည်း သူကပြောသည်။ အသေးစိတ်အချက်များကိုမူ ထုတ်ဖော်ပြောဆိုခြင်း မရှိပေ။

ထို့ပြင် Ihsanoglu က မြန်မာနိုင်ငံမှ မွတ်ဆလင်နှင့် ဗုဒ္ဓဘာသာဝင်များကို ငြိမ်းချမ်းစွာ အတူယှဉ်တွဲနေနိုင်ရေးအတွက် အချင်းချင်း နားလည်ယုံကြည်မှု တည်ဆောက်ကြရန်လည်း တိုက်တွန်းလိုက်သည်။

“OIC အနေနဲ့လည်း အသိုင်းအ၀ိုင်း နှစ်ခုလုံး ငြိမ်းချမ်းစွာနဲ့ ဟန်ချက်ညီညီ အတူတကွ နေထိုင်သွားနိုင်ဖို့ လုပ်ဆောင်သွား ပါမယ်” ဟု သူက ပြောသည်။

မြန်မာနိုင်ငံခြားရေး ၀န်ကြီးနှင့် နယ်စပ်ရေးရာ ၀န်ကြီးတို့ကလည်း မွတ်ဆလင်များ ပြန်လည် နေရာချထားရေးအတွက် အစိုးရ၏ လုပ်ဆောင်မှုများကို OIC အဖွဲ့အား ရှင်းပြခဲ့သည်။ OIC ကိုယ်စားလှယ် အဖွဲ့သည် ခရီးစဉ် အတွင်း ရခိုင်ပြည်နယ် စစ်တွေမြို့နှင့် မောင်တောမြို့ရှိ ဒုက္ခသည်စခန်း ၃ ခုကို သွားရောက်လေ့လာခဲ့သည်။

ရခိုင် ဗုဒ္ဓဘာသာဝင်တွေနှင့် တွေ့ဆုံရာတွင် Ihsanoglu က OIC သည် ဘာသာရေးအဖွဲ့အစည်းတခု မဟုတ်ကြောင်း၊ မြန်မာနိုင်ငံမှာ အစ္စလမ်ဘာသာ ပြန့်ပွားရေးလုပ်ဆောင်ရန် သို့မဟုတ် မွတ်ဆလင်တွေကိုသာ ကူည်ီရန် မဟုတ်ကြောင်း၊ ပဋိပက္ခများတွင် ထိခိုက်ခံစားခဲ့ရသူတွေ အားလုံး ကို ခွဲခြားမှုမရှိဘဲ ကူညီပေးရန် ဖြစ်ကြောင်း ထပ်တလဲလဲ ပြောပြခဲ့သည် ဟု OIC ၏ ကြေညာချက်တွင် ဖော်ပြထားသည်။

Ihsanoglu နှင့် ၀န်ကြီးအဆင့် ကိုယ်စားလှယ် အဖွဲ့ဝင်များသည် သောကြာနေ့က သဗြုချိုင်ကျေးရွာဗလီမှ ၀တ်ပြုပွဲတွင် ပါဝင်ခဲ့ကြပြီး သူတို့နှင့် အတူ လူထောင်ပေါင်းများစွာ တက်ရောက် ၀တ်ပြုခဲ့ကြသည်။ Ihsanoglu က ၎င်းတို့၏ အခက်အခဲ များကို အချိန်ယူနားထောင်ပေးခဲ့ပြီး စာနာမှုဖြင့် အားပေးစကားများ ပြောကြားခဲ့သည်။

ပြန်လည်မထွက်ခွာမီ သမ္မတ ဦးသိန်းစိန်နှင့် နေပြည်တော်၌ စနေနေ့ မနက်ပိုင်းတွင် တွေ့ဆုံခဲ့သေးသည်။ သို့သော် ယင်းအကြောင်း   ပြန်ကြားရေး ဝန်ကြီးဌာနပိုင် မီဒီယာများက မည်သည့်သတင်းမျှ ထုတ်ပြန်ကြေညာခြင်း မရှိဘဲ ကြာသပတေးနေ့က ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်မှု ဖော်ဆောင်ရေး ဗဟိုကော်မတီ ဥက္ကဌ ဒုတိယသမ္မတ ဒေါက်တာစိုင်းမောက်ခမ်း၊ ပြည်သူ့ လွှတ်တော် ဒုတိယ ဥက္ကဌ ဦးနန္ဒကျော်စွာ တို့နှင့် တွေ့ဆုံဆွေးနွေးခဲ့သည့်သတင်းသာ ဖော်ပြခဲ့သည်။

OIC အဖွဲ့ဝင်ခုနစ်နိုင်ငံမှ နိုင်ငံခြားရေးဝန်ကြီးနှစ်ဦး၊ ဒုတိယနိုင်ငံခြားရေး ၀န်ကြီးငါးဦးနှင့် OIC အတွင်းရေးမှူးချုပ်တို့ ပါဝင်သော ကိုယ်စားလှယ် အဖွဲ့သည် ဒေါ်အောင်ဆန်းစုကြည်နှင့်လည်း တွေ့ဆုံခွင့်ရရန် မျှော်လင့်ထားခဲ့သော်လည်း သူတို့၏ တွေ့ဆုံပွဲများ သည် နေပြည်တော် တွင်ဖြစ်ပြီး   ဒေါ်အောင်ဆန်းစုကြည်က ရန်ကုန်မြို့တွင် ရောက်ရှိနေခဲ့သောကြောင့် တွေ့ဆုံရန် အခွင့်မသာဟု Ihsanoglu က ပြောကြောင်း VOA သတင်းဌာနက သတင်းပေးပို့သည်။

တွေ့ဆုံမှုတိုင်းတွင် Ihsanoglu က မြန်မာ အစိုးရက လက်ရှိဆောင်ရွက်နေသော ဒီမိုကရေစီ ဖော်ဆောင်ရေး၊ အမျိုးသားပြန်လည် သင့်မြတ်ရေး၊   ပြုပြင်ပြောင်းလဲရေးနှင့် ရခိုင်ပြည်နယ်အပါအ၀င် ဖြစ်ပွားခဲ့သော ပဋိပက္ခများကို လူ့အခွင့်အရေးနှင့် အခြေခံလွတ်လပ်ခွင့်များကို အပြည့်အ၀ အလေး ထား၍ အဆုံးသတ်နိုင်ရန် အားထုတ်မှုများကို အသိအမှတ်ပြု လေးစားပါကြောင်းလည်း ပြောကြားခဲ့သည်။ ထို့ပြင် OIC ၏ အထွေထွေ အတွင်းရေးမှူး က မြန်မာနိုင်ငံနှင့် ဆွေးနွေးပြောဆိုနိုင်ရေး၊ ဆက်သွယ်နိုင်ရေးအတွက် လမ်းကြောင်းများ ဖွင့်လှစ်ထားရန် ဆန္ဒရှိကြောင်းကိုလည်း ထုတ်ဖော်ပြောကြား ခဲ့သည်။

OIC သည် ဒီမိုကရေစီကို ထောက်ခံသောကြောင့် ဆန္ဒပြသူများ၏ သဘောထားကို လေးစားကြောင်း၊သို့ရာတွင် OIC အဖွဲ့က မွတ်ဆလင်များ ကို ငွေတွေပေးနေသည်ဆိုသော သတင်းမှားများကို ယုံကြည်နေသောသူများကို ထောက်ပြပြီး သူတို့အနေဖြင့် ငွေတပြားတချပ်မှ မပေးဟု အခိုင်အမာပြောကြောင်းနှင့် လက်ရှိအချိန်တွင် OIC ရုံးခွဲဖွင့်လှစ်ရန် မရှိဟု Ihsanoglu က VOA ကို ပြောသည်။

“လူတွေရဲ့ တောင်းဆိုချက်ကို ကျနော် လေးစားပါတယ်။ အဲဒါကို သူတို့ မလိုချင်ပါဘူး။ လက်ရှိအချိန်မှာ ဘယ်လိုရုံးမျိုးမှ ကျနော်တို့ဖွင့်ဖို့မရှိပါဘူး။ တစ်ကမ္ဘာလုံးမှာ ကျနော်တို့ရုံးတွေ ရှိပါတယ်၊ နယူးယောက်မှာရှိပါတယ်၊ ဂျီနီဗာမှာရှိပါတယ်၊ ဘရပ်ဆဲလ်မှာရှိပါတယ်။ ကမ္ဘာပေါ်က နေရာ အများ အပြားမှာ ရှိပါတယ်။ မြန်မာနိုင်ငံမှာ ကျနော်တို့ရုံးခွဲ မရှိသေးဘဲ ဒီ နားလည်လွဲမှားမှုတွေ ကျော်လွန်သွားတဲ့အထိ ကျနော်တို့ စောင့်နိုင်ပါတယ်” ဟု ဆိုသည်။

OIC ကိုယ်စားလှယ် အဖွဲ့က နားလည်မှု လွဲမှားခြင်းများကို ဖြေရှင်းနိုင်ရန်လိုအပ်ကြောင်းလည်း ဆိုပြီး ရခိုင်ပြည်နယ်အပါအ၀င် ပဋိပက္ခတွင် ထိခိုက်ခံစားခဲ့ရသည့် ဒေသများ၊ ပြည်သူများအတွက် လူသားချင်း စာနာ ထောက်ထားမှုနှင့် ပြန်လည်ထူထောင်ရေး အထောက်အကူများ ပေးအပ်ရန် အဆင်သင့်ရှိနေကြောင်း ပြောကြားခဲ့ ကြသည်။

irrawaddy
Advertisements

မြန်မာနိုင်ငံဆိုင်ရာ လူ့အခွင့်အရေးဆုံးဖြတ်ချက် ကုလ အတည်ပြု

မြန်မာနိုင်ငံမှာ မတူကွဲပြားတဲ့ လူမှုအသိုင်းအဝိုင်းတွေကြား ငြိမ်းငြိမ်းချမ်းချမ်း အတူတွဲ နေထိုင်နိုင်ကြဖို့နဲ့ တဘက်ကိုတဘက် သည်းခံနိုင်ကြဖို့အတွက် ဘာသာကွဲတွေကြား ဆွေးနွေးမှုတွေကို အားပေးလုပ်ဖို့ အစိုးရကို ကုလသမဂ္ဂက တိုက်တွန်းလိုက်ပါတယ်။

ကုလသမဂ္ဂ အထွေထွေညီလာခံရဲ့ လူသားချင်းစာနာမှုဆိုင်ရာ တတိယကော်မတီ အစည်းအဝေးမှာ မြန်မာနိုင်ငံက လူ့အခွင့်အရေး ချိုးဖောက်မှုတွေကို ကာကွယ်ဖို့နဲ့ လူ့အခွင့်အရေး အခြေအနေ မြှင့်တင်ဖို့ အဆိုမူကြမ်းကို အင်္ဂါနေ့က တညီတညွတ်တည်း ဆုံးဖြတ်ခဲ့တာဖြစ်ပါတယ်။

အဲဒီဆုံးဖြတ်ချက်ထဲမှာ နိုင်ငံမဲ့ဖြစ်နေတဲ့ ရိုဟင်ဂျာတွေကို အပြည့်အဝ နိုင်ငံသားပေးဖို့ မြန်မာအစိုးရကို တိုက်တွန်းထားပါတယ်။ မြန်မာနိုင်ငံမှာ ဘာသာရေးအရရော လူမျိုးရေးအရပါ အားနည်းသူတွေအပေါ် ခွဲခြားဆက်ဆံနေတာတွေ၊ လူ့အခွင့်အရေး ချိုးဖောက်နေတာတွေ၊ အကြမ်းဖက်နေတာတွေကို အစိုးရက အမြန်ဆုံး ကိုင်တွယ်ဖြေရှင်းဖို့လည်း တိုက်တွန်းပါတယ်။

အစိုးရက နိုင်ငံရေး၊ စီးပွားရေးအရ ပြုပြင်ပြောင်းလဲမှုတွေ ဆက်လုပ်သွားဖို့ သန္ဓိဌာန်ချထားတဲ့အပေါ်မှာလည်း ကုလသမဂ္ဂ ကြိုဆိုထားပါတယ်။ ပုံမှန်အားဖြင့် ဆုံးဖြတ်ချက်မူကြမ်းကို အဖွဲ့ဝင်နိုင်ငံတွေကို ကြိုတင်ဖြန့်ဝေထားပြီး ပြင်ဆင်စရာတွေကို
ပြင်ဆင်ခွင့်ပေးပြီးတော့မှ အများသဘော ဆုံးဖြတ်ချက်ချခဲ့တဲ့ ကုလသမဂ္ဂ တတိယကော်မတီရဲ့ ဆုံးဖြတ်ချက်အပေါ် မြန်မာသံအမတ်ကြီး ဦးကျော်တင်က တုန့်ပြန်မိန့်ခွန်း ပြောကြားခဲ့ပါတယ်။

အဲဒီလို ပြောကြားခဲ့တဲ့ထဲမှာ မြန်မာနိုင်ငံမှာဖြစ်တဲ့ အကြမ်းဖက်မှုတွေဟာ လူ့အသိုင်းအဝိုင်း အချင်းချင်းကြား ဖြစ်ပွားတဲ့ အကြမ်းဖက်မှုတွေသာဖြစ်ပြီး ဆုံးဖြတ်ချက်ထဲမှာ မှားယွင်းဖော်ပြထားသလို ဘာသာတခုအပေါ် တိုက်ခိုက်တာမျိုး မဟုတ်ဘူးလို့ ဆိုခဲ့ပါတယ်။ ရိုဟင်ဂျာဆိုတဲ့ အသုံးအနှုန်းသုံးတဲ့အပေါ်မှာလည်း ကန့်ကွက်ပြောသွားခဲ့ပါတယ်။

မြန်မာအစိုးရအနေနဲ့ လူသားချင်းစာနာမှု အကူအညီတွေကို နိုင်ငံတကာ အသိုင်းအဝိုင်းနဲ့ပေါင်းပြီး ပေးနေသလို ဘာသာရေးခေါင်းဆောင်တွေကြား
ဆွေးနွေးပွဲတွေကိုလည်း အားပေးနေပါတယ်လို့ ကုလသမဂ္ဂဆိုင်ရာ မြန်မာ သံအမတ်ကြီး ဦးကျော်တင်က ပြောကြားခဲ့ပါတယ်။

 
VOA

မဲဇလီဖူး တက်ခူးစဉ် ဓာတ်လိုက်သေဆုံး

ရန်ကုန်တိုင်းတွင် နိုဝင်ဘာ ၁၇ ရက် တန်ဆောင်မုန်းလပြည့်နေ့တွင် သေမှုသေခင်းပေါင်း ခုနစ်ခုထိ ဖြစ်ပွားခဲ့ရာ မဲဇလီဖူးတက်ခူးစဉ် ဓာတ်လိုက်သေ ဆုံးရမှု နှစ်ခုထိ ပါဝင်ခဲ့သည်။

ပထမဖြစ်စဉ်တစ်ခုတွင် လှိုင်သာယာမြို့နယ် စက်မှုဇုန် (၂) တွင် မဲဇလီဖူးတက်ခူးသည့် လူငယ်တစ်ဦး ဓာတ်လိုက် သေဆုံးမှုတစ်ခု နံနက် ၁၀ နာရီ ၅၀ မိ နစ်ခန့်က ဖြစ်ပွားခဲ့သည်။

သေဆုံးသူမှာ စက်မှုဇုန်အတွင်းရှိ ဦးမှိုလမ်းနှင့် ဦးအောင်သူရလမ်းထောင့် စက္ကူဘူးထုတ်လုပ်ရေး စက်ရုံရှေ့တွင်ရှိသော မယ်ဇလီပင်ပေါ်အား မဲဇလီဖူး တက်ခူးရာမှ ဓာတ်လိုက်သေဆုံးခြင်း ဖြစ်သည်။

“နဖူးကို ဓာတ်လိုက်ခံရတယ်ထင်တယ်။ ဒဏ်ရာ တွေ့တယ်။ ဓာတ်လိုက်လို့ အခင်းဖြစ်နေရာမှာပဲ ပွဲ ချင်းပြီး သေဆုံးနေတာကို တွေ့ရတယ်” ဟု သွားရောက်ကြည့် ရှုခဲ့သည့် ကိုရဲကိုနိုင်က  ပြောသည်။

သေဆုံးသူမှာ အောင်သူထွန်း (၁၈)နှစ် (ဘ)ဦးတင်စိုးဖြစ်ပြီး ရေခဲတောင်ရေသန့်စက်ရုံမှ စက်ရုံလုပ် သားတစ်ဦးဖြစ်ပြီး မဲဇလီပင်ပေါ်တက်ရာတွင် စက္ကူထုတ်လုပ်သည့် စက်ရုံအတွင်းသို့ သွယ်တန်းထား သော 11 KV ရှိသော ဓာတ်ကြိုးအား ဆွဲကိုင်မိရာမှ ဓာတ်လိုက် သေဆုံးခဲ့ခြင်းဖြစ်သည်ဟု ရဲတပ်ဖွဲ့က ဆိုထားသည်။

ဒုတိယ လူသေမှုတစ်ခုမှာ နံနက် ၁၀ နာရီ ၂၀ မိနစ်တွင် ဖြစ်ပွားခဲ့ပြီး သာကေတမြို့နယ် ၄/တောင် ရပ်ကွက်၊ ရှုခင်းသာ မြို့ပတ်လမ်းကြီးဘေးရှိ မဲဇလီပင်ပေါ်တွင်ပင် ဓာတ်လိုက်သေဆုံးခံရခြင်း ဖြစ် သည်ဟု တိုင်းရဲတပ်ဖွဲ့က ဆိုထားသည်။

သေဆုံးသူမှာ မျိုးမင်းသိန်း (၃၃)နှစ်၊ ဈေးရောင်းသူတစ်ဦးဖြစ်ပြီး မဲဇလီဖူးခူးရန် သစ်ပင်ပေါ်တက်ရာတွင် သာကေတ ဓာတ်အားပေးစက်ရုံမှ သီတာဓာတ်အားခွဲစက်ရုံသို့ သွယ်တန်းထားသည့် 66 KV ဓာတ်အား ကြိုးလိုင်းအား ထိမိရာမှ ဓာတ်လိုက်သေဆုံးခဲ့ခြင်း ဖြစ်သည်။

ဓာတ်လိုက်မှုကြောင့် ခန္ဓာကိုယ်ပြာနှမ်းပြီး နှာခေါင်းသွေးအနည်းငယ်ထွက်ကာ မဲဇလီပင်ပေါ်မှာပင် ချိတ်တွယ်လျက် သေဆုံးခဲ့သည်။

မိုင် ၁၂၀၀ အထိ သွားရောက်နိုင်သော မောင်းသူမဲ့ တိုက်ခိုက်ရေး လေယာဉ်ကို အီရန်ပြသ

ဒုံးကျည်တပ်ဆင်ထားပြီး အကွာအဝေး ကီလိုမီတာ ၂၀၀၀ (မိုင် ၁၂၀၀) အထိ သွားရောက်နိုင်သော မောင်းသူမဲ့ တိုက်ခိုက်ရေး လေယာဉ်တစ်မျိုးအား အီရန်က နိုဝင်ဘာ ၁၈ ရက်တွင် ပြသခဲ့ကြောင်း နိုင်ငံပိုင် မီဒီယာ IRNA သတင်းအေဂျင်စီက ထုတ်ပြန်ခဲ့သည်။

Fotros  Photo : AFP

Fotros မောင်းသူမဲ့ လေယာဉ်သည် အမြင့်ပေ ၂၅၀၀၀ ၀န်းကျင်၌ ပျံသန်းနိုင်ပြီး ၁၆ နာရီမှ နာရီ ၃၀ အထိ ပျံသန်းနိုင်ကြောင်း အီရန်ကာကွယ်ရေးဝန်ကြီး မိုဟာမက် ဒီဂန်၏ ပြောကြားချက်ကို ကိုးကားပြီး IRNA က ဖော်ပြခဲ့သည်။

ယင်းမောင်းသူမဲ့ လေယာဉ်သစ်သည် ထောက်လှမ်းရေး လုပ်ငန်းစဉ်များ သို့မဟုတ် ဝေဟင်မှမြေပြင်သို့ တိုက်ခိုက်ရေး လုပ်ငန်းစဉ်များ ပြုလုပ်နိုင်ကြောင်း၊ ယင်းလေယာဉ်ကို စမ်းသပ်မှုမှာ အောင်မြင်ခဲ့ပြီး ပိတ်ဆို့အရေးယူမှု ခံခဲ့ရသော်လည်း အီရန်ကာကွယ်ရေး ကဏ္ဍတွင် အနှောင့်အယှက် မဖြစ်ဘဲ တိုးတက်နေခဲ့ကြောင်း ဒီဂန်က ပြောကြားခဲ့သည်။

မကြာသေးမီ နှစ်များအတွင်း အီရန်သည် မောင်းသူမဲ့လေယာဉ် စီမံကိန်းများကို တိုးမြှင့်လုပ်ဆောင် ခဲ့သဖြင့် အမေရိကန်နှင့် အနောက်နိုင်ငံများက စိုးရိမ်ခဲ့ကြသည်။

ပြီးခဲ့သော စက်တင်ဘာလတွင် အီရန်တော်လှန်ရေး အစောင့်တပ်က အကွာအဝေး ၁၇၀၀ ကီလိုမီတာ အထိနှင့် ၂၄ နာရီကြာ ပျံသန်းနိုင်သော ဒုံးကျည်ရှစ်ခု သယ်ဆောင်နိုင်သည့် Shahed 129 မောင်းသူမဲ့လေယာဉ်ကို အများအပြား ထုတ်လုပ်နေကြောင်း ကြေညာခဲ့သည်။

ထို့ပြင် အဆိုပါလတွင်ပင် မီတာ ၄၅၀၀ အမြင့်၌ ကီလိုမီတာ ၂၀၀ အထိ ရှစ်နာရီကြာ ပျံသန်းနိုင်သော Yasseer ထောက်လှမ်းရေး မောင်းသူမဲ့ လေယာဉ်တစ်မျိုးကိုလည်း ပြသခဲ့သည်။

Yasseer မောင်းသူမဲ့ လေယာဉ်မှာ ၂၀၁၂ ခုနှစ် ဒီဇင်ဘာလတွင် အီရန်က ဖမ်းဆီးမိခဲ့သည်ဟု ပြောကြားခဲ့သော အမေရိကန်၏ ScanEagle မောင်းသူမဲ့ လေယာဉ်ပုံစံကို အခြေပြုပြီး ပြန်လည်ထုတ်လုပ် ထားခြင်းဖြစ်သည်ဟု သိရသည်။ အီရန်သည် Rad-85 မောင်းသူမဲ့လေယာဉ် ထုတ်လုပ်မှုကိုလည်း မကြာသေးမီက အရှိန်မြှင့်ခဲ့ကြောင်း သိရသည်။

Source : EMG