ဗိုလ်ချုပ်နဲ့နိုင်ငံသားအခြေပြု မျိုးချစ်စိတ် (ဗိုလ်ချုပ်မွေးနေ့ ဂုဏ်ပြုဆောင်းပါး)

ဗိုလ်ချုပ်ကို စတုတ္ထမြန်မာနိုင်ငံတော် တည်ထောင်သူလို့ အချို့ကဆိုကြပါတယ်။ တချို့ပညာရှင်များကတော့ ဒီအဆိုကို လက်မခံပဲ ဗိုလ်ချုပ်ဟာ ပထမ ပြည်ထောင် စုမြန်မာနိုင်ငံကို ထူထောင်သူသာဖြစ်တယ် လို့ဆိုပါတယ်။ ဆိုလိုတာကတော့ အင်္ဂလိပ်ထံက လွတ်လပ်ရေးယူဖို့ ကြိုးပမ်းချိန်မှာ သက် မှတ်ခဲ့ တဲ့ နိုင်ငံတော် နယ်နမိတ်အတွင်းမှာ ရှေးယခင် ကာလကထဲ ရှိခဲ့ကြတဲ့ ပြည်ထောင်တွေအားလုံး စုပေါင်းထားတဲ့ ပြည်ထောင်စုကို အတင်း အဓမ္မ မဟုတ်ဘဲ အားလုံး သဘောတူညီမူနဲ့ တည်ထောင်ရန် အစပျိုးနိုင်ခဲ့သူ လို့ဆိုတာပါ။

 

ယနေ့ပြည်ထောင်စုနယ်နိမိတ်အတွင်းမှာ နေထိုင်ကြတဲ့လူမျိုးများဟာ ကိုယ့်ထီး၊ ကိုယ့်နန်း၊ ကိုယ့်ကြငှန်း နှင့် နေခဲ့ကြပါတယ်။ ပဒေသရာဇ်ခေတ် ထုံးစံ အတိုင်း စစ်နိုင်သူက သိမ်းပိုက်၊ အင်ပါယာထူထောင်ခဲ့ကြရာမှာ ဗမာဘုရင့်နိုင်ငံတော်ဟာ တခါတရံ အခြား တိုင်းရင်းသားပြည်ထောင်များ ကိုကျော် လွန်ပြီး ယိုးဒယား နယ်ထိ သိမ်းပိုက်နိုင်ပြီး တခါတရံလည်း အခုလက်ရှိ နယ်နိမိတ်အချို့တောင် ဆုံးရှုံးခဲ့ရတာတွေရှိခဲ့ပါတယ်။ အင်္ဂလိပ်ထံက လွတ် လပ်ရေး ရဖို့ ပြင်ဆင်ချိန်မှာတော့ သတ်မှတ်ထားတဲ့ မြန်မာ နယ်နိမိတ် အတွင်းက ပြည်ထောင်စု တိုင်းရင်းသား အားလုံး သာတူညီမျှ ရှိမဲ့ ပြည်ထောင် စုနိုင်ငံတော် ပေါ်ပေါက်ရေး ဗိုလ်ချုပ်ကြိုးပမ်း ခဲ့ပါတယ်။ ဗိုလ်ချုပ်ကြိုးပမ်းခဲ့မှုဟာ တိုင်းရင်းသား လူမျိုးလို့ ယနေ့ခေါ်ဆိုခံရသူများ အတွက် သာမကပါ ဘူး၊ မြန်မာပြည်မှာမွေး၊ မြန်မာ့ရေသောက်သုံးကြသူ အားလုံးကို စုစည်းပေးခဲ့ပါတယ်။ Geo-Politically အရရော စီးပွားရေး လမ်းကြောင်းအရပါ အရေး ပါတဲ့ နေရာမှာရှိတဲ့ မြန်မာပြည်မှာ လူမျိုးပေါင်းစုံ ရှေးယခင်တည်းက နေခဲ့ကြပါတယ်။ ဒပ်ခ်ျ၊ ပေါ်တူဂီ၊ အင်္ဂလိပ်၊ ပြင်သစ်၊ အာရပ်၊ ပါရှား အနွယ်တွေ၊   အိမ်နီး ချင်း အိန္ဒိယ၊ တရုတ်နွယ်ဝင်တွေ ရာစုနှစ်နဲ့ချီ နေထိုင်ခဲ့ကြပါတယ်။ ဗိုလ်ချုပ်ဟာ မြန်မာ နယ်နိမိတ်အတွင်း နေထိုင်သူ အားလုံးပိုင်တဲ့၊ ဆိုင် တဲ့၊ သစ္စာစောင့် သိရမယ့် ပြည်ထောင်စုနိုင်ငံတော်ကို ထူထောင်ဖို့ ခေတ်ရှေ့ပြေးတဲ့ အမျိူးသားရေး စိတ်ဓာတ်၊ မျိုးချစ် စိတ်ဓာတ်ကို ချမှတ်ပေးခဲ့ ပါတယ်။

 

လူ့အဖွဲ့အစည်းတရပ် တိုးတက်ဖို့ အမျိုးသားရေး စိတ်ဓာတ်၊ မျိုးချစ်စိတ်ဓာတ်နဲ့ ကြိုးပမ်းဖို့ အလွန်အရေးကြီးပါတယ်။ ဗိုလ်ချုပ်ဟာ စူးရှထက်မြက်တဲ့ အမျှော်အမြင်နဲ့ နိုင်ငံသားအခြေပြု မျိုးချစ် စိတ်ဓာတ်ကို မျိုးစေ့ချပေးခဲ့ပါတယ်။ Globalization ခေတ်မှာ လူမျိုးအခြေခံ၊ ဘာသာအခြေခံမျိုးချစ်စိတ်နဲ့ တိုင်းပြည် ထူထောင်လို့ မရတော့တဲ့ အတွက် ခေတ်မှီတိုးတက်တဲ့၊ ခေတ်မှီ တိုးတက်လိုတဲ့နိုင်ငံတိုင်းမှာ နိုင်ငံသား အခြေခံ မျိုးချစ်စိတ်ကိုသာ ရှင် သန်အောင် မွေးမြူပေးကြပါတယ်။ လူမျိုးတမျိုး၊ ဘာသာတစ်ခု၊ လူ့အဖွဲ့အစည်း တစ်ရပ် ကြီးပွားတိုးတက်ကောင်းစားရေး အတွက် တခြားလူမျိုး၊ ဘာသာ၊ လူ့အစုအဝေးကို မထိခိုက်ဘဲ ဆောင်ရွက်ခြင်းဟာ ကောင်းတဲ့အလုပ်ပါ။ သို့သော် လူမျိုးစုံ၊ ဘာသာစုံ၊ လူ့အသိုင်းအ၀ိုင်းစုံ ရှိကြတဲ့ ယနေ့ ကမ္ဘာ့ နိုင်ငံတွေမှာ လူမျိုး၊ ဘာသာစွဲ မျိုးချစ်စိတ်နဲ့ တိုင်းပြည် ထူထောင်ဖို့ ကြိုးပမ်းခြင်းဟာ နိုင်ငံသား အချင်းချင်းသွေးကွဲပြီး ညီညွတ်မှု ပျက်ပြား၊ တိုးတက် မှုနှောင့်နှေးစေနိုင်ပါတယ်။

 

ဒါကြောင့် ဗိုလ်ချုပ်ဟာ လွတ်လပ်ရေး တိုက်ပွဲဝင်စဉ် ကြွေးကျော်ခဲ့တဲ့ အမျိုး၊ ဘာသာ၊ သာသနာ ဆိုတာကို ခေတ်မှီစွာ အဓိပ္ပါယ် ဖွင့်ခဲ့ပါတယ်။ မြန်မာနိုင်ငံ အတွက် နိုင်ငံတော် ဘာသာ သာသနာ တစ်ရပ် သတ်မှတ်ဖို့ကို လက်မခံပဲ ပြည်ထောင်စုနေ လူများကိုးကွယ်တဲ့ ဘာသာ သာသနာတိုင်းကို နိုင်ငံတော် အသိမှတ်ပြုတဲ့ ဘာသာ သာသနာ၊ ကာကွယ်စောင့်ရှောက်ပံ့ပိုး ရမယ့် ဘာသာ သာသနာတွေလို့ ဆိုခဲ့ပါတယ်။ ဘာသာစကားနဲ့ ပတ်သက်ပြီးတော့လဲ ပင်လုံ ညီလာခံမှာ လူမျိုး အမျိုးမျိုးရှိပေမယ့် အင်္ဂလိပ်စကားပဲပြောတဲ့ အမေရိကန် နဲ့ ဘာသာစကား အမျိုးမျိုးရှိပေမယ့် လူမျိုးတမျိုးထဲရှိတဲ့ ရုရှားတို့ကို ဥပမာပြပြီး ဘာသာစကား တခုထဲ စွဲလို့မရကြောင်းပြောခဲ့ပါသေးတယ်။ လူမျိုးကို အဓိပ္ပါယ်ဖွင့်ရာမှာလည်း “လူမျိုးဆိုသည်မှ သုခ၊ ဒုက္ခ အတူခံစားကြ၍ နီးနီးစပ်စပ် အကျိုးချင်းထပ်ပြီးလျှင် နှစ်ပရိစ္ဆေ ရေရှည်လျားစွာ တမျိုးတစားတည်းပင်ဟု စိတ်ထားရှိသူများကို တခုတည်းပေါင်း၍ခေါ်ဝေါ်ခြင်းဖြစ်သည်။ အမျိုးအနွယ်၊ ကိုးကွယ်သည့်ဘာသာ၊ ပြောဆိုသည့် စကားတို့ကို အရေးထား ရမည်ဖြစ်သော်လည်း စင်စစ်မှာ အေးအတူ ပူအမျှ ကောင်းတူဆိုးဘက် ပူးပေါင်းနေလိုသောဆန္ဒအပေါ်တွင် ၀ံသာနုရက္ခိတ တရားသည် တည်နေပေသည်။” လို့ အလယ်ပစ္စယံ ညီလာခံမှာ ပြောကြားခဲ့ပါတယ်။ ဆိုလို တာကတော့ မြန်မာ့ နယ်နိမိတ်တွင်းမှာ နေထိုင်တဲ့ လူမျိုးအားလုံး၊ ဘာသာဝင်အားလုံး၊ အယူဝါဒစုံရှိသူ အားလုံးဟာ နိုင်ငံသားဖြစ်မှုခေါင်းစဉ် တစ် ခုအောက် မှာ မျိုးချစ်စိတ် တည်ဆောက်ဖို့ ဖော်ဆောင်ပေးခဲ့ တာပဲဖြစ်ပါတယ်။

 

ဗိုလ်ချုပ်ဘ၀မှာလည်း ဒီအတွေးအခေါ် အယူအဆကို လက်တွေ့ပုံဖေါ်သွားခဲ့ပါတယ်။ ဘာသာ၊ လူမျိုး အစွဲ မထားဘဲ အရည်အချင်းရှိတဲ့၊ တိုင်းပြည် ချစ်စိတ် ရှိသူ မှန်သမျှနဲ့ လက်တွဲလုပ်ဆောင်ခဲ့ပါတယ်။ နောက်ဆုံး လုပ်ကြံခံ ရချိန်မြင်ကွင်းက သူယုံကြည်ရာ နိုင်ငံသား အခြေပြု မျိုးချစ်စိတ်ရဲ့အကြီးဆုံး သက်သေ ပါ။ ဗိုလ်ချုပ်ရဲ့ သွေးဟာ နိုင်ငံတော်ဘာသာ အဆိုတင်သွင်းခဲ့သူ ဗမာလူမျိုး ဗုဒ္ဓဘာသာဝင် ဒီးဒုတ် ဦးဘချိုသွေးနဲ့နှောခဲ့တယ်။ ရှမ်းစော်ဘွား ကြီး စ၀်စံထွန်းနဲ့ ကရင်ခေါင်းဆောင် မန်းဘခိုင်တို့ရဲ့ သွေးနဲ့လည်း နှောခဲ့တယ်။ အိန္ဒိယ-ဗမာ နွယ်ဖွား အစ္စလာမ် ဘာသာဝင် ဦးရာဇတ်သွေး နဲ့လည်း   နှောခဲ့တယ်။ နောက်ဆုံး ဗိုလ်ချုပ် တိုက်ခဲ့တဲ့ အင်္ဂလိပ် လူမျိုးတွေထဲက အိပ်ခ်ျဒဗလျူထရပ်ဝိန်းရဲ့သား ဦးအုန်းမောင်သွေးနဲ့ လည်းနှောပြီး စီးဆင်း ခဲ့ပါ တယ်။

 

အမေရိကန် လို ခေတ်မှီတဲ့ နိုင်ငံကြီးတွေမှာ ကမ္ဘာအနှံ့က လူတော်တွေကိုခေါ်၊ ကိုယ့်နိုင်ငံရဲ့ မျိုးချစ်စိတ်သွင်း Americanization လုပ်ပြီး နိုင်ငံကောင်း စားရေးဆောင်ရွက်နေတဲ့ ခေတ်ကာလမှာ ကျနော်တို့နိုင်ငံတွင်းက ရှိနှင့်ပြီးသား နိုင်ငံသားတွေကို Demyanmarization လုပ်ပြီး ကန်ထုတ်နေတဲ့ လုပ် ရပ်တွေကို ဆင်ခြင်ပြီး ဗိုလ်ချုပ် ချမှတ်ပေးခဲ့တဲ့ နိုင်ငံသား အခြေပြု မျိုးချစ်စိတ်ကို ရှင်သန်ထွန်းကား ပြန့်ပွားအောင်ကြိုးပမ်းရင်း  တိုင်းပြည် ထူထောင်ကြပါ မှ တိုင်းပြည် ငြိမ်းချမ်း တိုးတက်နိုင်မယ်လို့ ဗိုလ်ချုပ်မွေးနေ့မှာ တွေးတောဆင်ခြင်မိကြောင်းပါ။

 

M-Media Link =>http://www.m-mediagroup.com/news/24229

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: