ဒေါ်အောင်ဆန်းစုကြည်အတွက် အိတ်ဖွင့်ပေးစာတစ်စောင်


လေးစားရပါသော ဒေါ်အောင်ဆန်းစုကြည် ခင်ဗျား…..

နိုဗယ်ဆုရှင်တစ်ယောက် ဒီစာကိုဖတ်ဖို့ထက် တခြားအရေးကြီးတာတွေနဲ့ အလုပ်ရှုတ်နေမှာဖြစ်လို့ အင်တာနက်ကနေပဲ အိတ်ဖွင့်ပေးစာ ရေးသားလိုက်ရပါတယ်။

ပြီးခဲ့တဲ့လက မြန်မာနိုင်ငံမှာ BIMSTEC အစည်းအဝေးကျင်းပတော့ ဘင်္ဂလားဒေ့ရ်ှဝန်ကြီးချုပ် ရှိုတ်ဟာစီနာနဲ့ ဒေါ်စုတို့ တွေ့ဆုံခဲ့ပါတယ်။ ခင်ဗျားတို့နှစ်ယောက်တို့ တွေ့ဆုံတဲ့ပွဲ မှာ   ဆွေးနွေး ခဲ့တာတွေ အများကြီးရှိပါတယ်။ ကျေးလက်နေအမျိုးသမီးတွေအတွက် အသေးစား ငွေချေးလုပ်ငန်းနှင့် ဒေသတွင်း တားမြစ်ဆေး မှောင်ခိုဖြန့်ချိမှု ဟန့်တားရေးစတဲ့ အရေးပါတဲ့အချက်တွေ   ဆွေးနွေးသွား ပါတယ်။ ဒီဒေသတွင်းမှာ ပိုမိုကောင်းမွန်တဲ့ဘက်ကို ဦးတည်တဲ့ ခြေလှမ်းတွေဖြစ်လို့ ကောင်းမြတ်လှပါတယ်။

ဒါပေမယ့် တစ်ခုခု ကျန်ခဲ့သလိုပဲ။ ဟုတ်တယ်၊ မြန်မာနိုင်ငံက ရိုဟင်ဂျာအကျပ်အတည်းကိစ္စ မပြောခဲ့ဘူး။ ခင်ဗျား သူတို့ကို မေ့ထားတာလား။ ခင်ဗျားဟာ အရမ်းအလုပ်များတဲ့သူ မို့ မေးသွား တာ ဖြစ်နိုင်ပါတယ်။

ရှိုတ်ဟစီနာဘက်က ရိုဟင်ဂျာပဋိပက္ခအကြောင်း အစဖော်ပြီးပြောတယ်။ သူမက ဒုက္ခသည်ကိစ္စကို မြန်မာရော ဘင်္ဂလားဒေ့ရ်ှနိုင်ငံကပါ ဖြေရှင်းဖို့ လိုအပ်တယ်လို့ ခင်ဗျားကို ပြောတော့ ခင်ဗျား ဘာမှ မတုန့်ပြန်ခဲ့ဘူး။

ခင်ဗျားနိုင်ငံမှာ ရှိတဲ့ ရိုဟင်ဂျာလူထုကို (ခင်ဗျားဟာ အလုပ်များနေတဲ့အတွက်)လုံးဝမေ့နေပြီလို့ ကျွန်တော်ယူဆထားလို့ သူတို့အကြောင်းကို နည်းနည်းတော့ ခင်ဗျားကို ပြန်ပြောပါရစေ။

သူတို့တွေဟာ မြန်မာနိုင်ငံသားဖြစ်ရမယ့်သူတွေပါ။ `မိတ်ဆွေမဲ့´လို့ ကုလသမဂ္ဂက ညွှန်းဆိုဖော်ပြတဲ့ ကမ္ဘာ့ပေါ်မှာ အဆိုးဝါးဆုံး အဖိနှိပ်အညှင်းပမ်းခံ အသိုင်းအ၀ိုင်းတွေထဲက လူမျိုးစု တစ် စု ပါ။
သူတို့ဟာ အစုလိုက်အပြုံလိုက်သတ်ဖြတ်မခံရဘူးဆိုရင် မြန်မာ့ GDP ကို အကျိုးပြုရလာမယ့်သူတွေပါ။ ဒီနေရာမှာ မှတ်သားရမှာက သူတို့တွေဟာ မြန်မာနိုင်ငံက လူများစု မျိုးနွယ်တွေနဲ့ ကိုး ကွယ် ယုံကြည်တဲ့ ဘာသာမတူတဲ့အတွက် သတ်ဖြတ်ခံနေရတာပါ။

အဲဒီတော့ မြန်မာအစိုးရဟာ သူ့နယ်မြေထဲကနေ ရိုဟင်ဂျာတွေကို ဖယ်ထုတ်ချင်နေပါတယ်။ ဘင်္ဂလားဒေ့ရ်ှကလည်း နိုင်ငံခြားသားဒုက္ခသည် တွေအတွက် သူ့မှာ တာဝန်မရှိဘူးလို့ မှတ်ယူ ထားတယ်။
ရိုဟင်ဂျာတွေ သတ်ဖြတ်ညှင်းပမ်းဖျက်ဆီးခံရတဲ့အတွက် လူအများအပြားကို အပြစ်ဆိုနိုင်ပါတယ်။ ဒါပေမယ့် ဒါတွေဟာ မတူညီတဲ့ နောက်ခံအကြောင်းတွေနဲ့ ဖြစ်ပျက်ခဲ့တာပါ။

ကျွန်တော်မေးချင်တာက ဘာ့ကြောင့် ခင်ဗျား နှုတ်ဆိတ်နေရတာပါလိမ့်။
ကျွန်တော်ကလေးဘ၀တည်းက ခင်ဗျားကို သူရဲကောင်းအဖြစ် အားကျခဲ့တာပါ။ အမျိုးသမီးတစ်ဦးက မြန်မာ့စစ်အာဏာရှင်တွေကို ဘယ်လိုများ ခြိမ်းခြောက်နိုင်သလဲဆိုတာ ကျွန်တော် နားမ လည်နိုင်အောင် ဖြစ်ရတာပေါ့။ သူတို့မှာက သေနတ်တွေ၊ ကျည်ဆံတွေနဲ့။ ဒါပေမယ့် ခင်ဗျားမှာက ပန်းတွေပဲ ရှိတာလေ။ နောက်တော့ ကျွန်တော်နားလည်လိုက်တာက ခင်ဗျားက သူတို့ကို ရုပ်ပိုင်းဆိုင်ရာအရ ခြိမ်းခြောက်နေတာမှမဟုတ်တာ။ ခင်ဗျားရဲ့ နှလုံးသားနဲ့ ၀ိညာဉ်တစ်ခုလုံးက ခုခံတွန်းလှန်မှု သရုပ်သကန်ဖြစ်စေခဲ့တာ။ ဒါကြောင့် ခင်ဗျားနိုင်ငံရဲ့ ဒီမိုကရေစီ လူ့ အ ခွင့်ရေး   ချန်ပီယံအဖြစ် ရပ်တည်နိုင်ခဲ့တယ် မဟုတ်လား။

၂၀၁၀ ခုနှစ်တုန်းက ခင်ဗျား နေအိမ်အကျယ်ချုပ် ကနေ ပြန်လွတ်လာတော့ မြန်မာ့သမိုင်းရဲ့ အလှည့်အပြောင်းလို့တောင် သတ်မှတ်ခဲ့ကြသေးတယ်။
ဒါပေမယ့် ရိုဟင်ဂျာကိစ္စမှာ ခင်ဗျားရဲ့ နှုတ်ဆိတ်နေမှုက အံ့သြတုန်လှုပ်မှုနဲ့အတူ စိတ်ပျက်လက်ပျက်ဖြစ်ခဲ့ရပါတယ်။

ပြည်သူလူထုအတွက် လူ့အခွင်ရေးတိုက်ပွဲဝင်ပေးနေတဲ့ ခင်ဗျားက ကိုယ့်တိုင်းပြည်က လူတွေ သတ်ဖြတ်ခံနေရတာတောင် ဘယ်လိုကြောင့် ဆွံ့အနေပါလိမ့်။
လွတ်လပ်ခွင့်နဲ့ပတ်သက်ပြီး အမှားအမှန်ဝေဖန်ပိုင်ခြားတတ်တဲ့ ခင်ဗျားဟာ ဒီခေတ်ကြီးထဲမှာ လူမျိုးတုန်းသတ်ဖြတ်နေတာကိုတောင် နှုတ်ဆိတ်ပြီး ပွဲကြည့်ရုံပဲလား။

ခင်ဗျားရဲ့ နှုတ်ဆိတ်မှုက အံ့သြရပါတယ်။ ခင်ဗျားနှုတ်ဆိတ်နေတာကို ဘာမှမပြောတဲ့ ကမ္ဘာကြီးကို ပိုပြီး အံ့သြတုန်လှုပ်ရပါတယ်။ ခင်ဗျားကြည့်လေ ဘယ်သူကမှ ခင်ဗျားကို မပျက် သဘောဆောင် တဲ့ အမြင်နဲ့ မကြည့်ချင်ဘူး။ ခင်ဗျားကို `တော်လှန်ရေးခေါင်းဆောင်´ နိုင်ငံရေးသူရဲကောင်းအဖြစ်ပဲ ကိုးကွယ်ခဲ့တာပါ။ မြန်မာပြည်လွတ်မြောက်ဖို့ ခင်ဗျားဦးဆောင်ပြီး တိုက်ပွဲဝင်ရင် အားလုံးက ထောက်ခံကြမှာပါ။ ဒါပေမယ့် ခင်ဗျားရဲ့ မြန်မာပြည်လွတ်မြောက်ရေးအစီအစဉ်မှာ `ရိုဟင်ဂျာ´တွေရဲ့ အခန်းကဏ္ဍမပါဝင်တာကတော့ အလွန်ဆိုးရွားလှပါတယ်။

ရိုဟင်ဂျာတွေအပေါ် ထောက်ခံမှု များများစားစားမရခင်ကတည်းက ခင်ဗျားရဲ့ ရပ်တည်ချက်ဟာ စံထားလောက်စရာမရှိခဲ့ဘူး။ ဒါကြောင့်ပဲ ကျွန်တော် ဒီစာကို ရေးရတာပါ။ ရိုဟင်ဂျာပြဿနာတွေဖြစ်လာကတည်းက ဘင်္ဂလားဒေ့ရ်ှရော မြန်မာအစိုးရကပါ တာဝန်ခံရမယ့်နေရာမှာ အပြန်အလှန် ဘောလီဘောပုတ်နေတာဆိုတော့ နိုင်ငံတကာအသိုင်းအ၀ိုင်းကလည်း ဆိတ်ဆိတ်နေရုံပဲလေ။

တကယ်တော့ ခင်ဗျားဟာ တဘက်မှာ ကြားဝင်ဖျန်ဖြေသူလုပ်နိုင်ပါတယ်။ ဒီပြဿနာကိုဖြေရှင်းဖို့ နှစ်ဘက်တာဝန်ရှိသူတွေကို စားပွဲဝိုင်းပေါ်ရောက်အောင် ဦးဆောင်စီစဉ်ပေးနိုင်တယ်။ နှစ်ဘက်   စေ့စပ်ပြေငြိမ်းရေးရအောင် အားပေးနှစ်သိမ့်နိုင်တယ်။ ဒါပေမယ့် ကံမကောင်းတာပဲလား…. ခင်ဗျား ကြည့်ရတာ အရမ်းအလုပ်များနေတယ်။

ခင်ဗျားသာ ရိုဟင်ဂျာတွေကို ကူညီပေးချင်တဲ့စိတ်ရှိကြောင်း ဖွင့်ဟပြောဆိုမယ်ဆိုရင် နိုင်ငံတကာအသိုင်းအ၀ိုင်းက ခင်ဗျားစကားကို နားထောင်ကြမှာပါ။ ခင်ဗျားရဲ့ ဆောင်ရွက်ချက်က လှိုက် လှိုက် လှဲလှဲဖြစ်ဖို့ပဲ လိုတာပါ။

ခင်ဗျား ထောင်ကလွတ်လာတော့ ဒီကမ္ဘာကြီးဟာ ပြုံးပျော်ခဲ့တယ်။ ဘာကြောင့်လဲ။ ခင်ဗျားက လွတ်လပ်မှုအတွက် တိုက်ပွဲဝင်ခဲ့သူ၊ ခင်ဗျားထောင်ကျတာကိုက တရားမျှတမှုမရခဲ့လို့။ အခုချိန်မှာတော့ ခင်ဗျား တိုင်းပြည်က ရိုဟင်ဂျာတွေဟာ ခင်ဗျားကို အလိုရှိနေကြပါပြီ ဒေါ်စုကြည်။ ခင်ဗျားအနေနဲ့ သူတို့အပေါ်မှာ နိုင်ငံရေးနဲ့ ဂုဏ်သိက္ခာပိုင်းအရ တာဝန်ရှိနေပါ တယ်။ ကျေးဇူးပြုပြီး သူတို့ကို စိတ်ပျက်အားငယ်အောင် မလုပ်ပါနဲ့တော့။

ဆန္ဒမွန်ဖြင့်
Sufyan bin Uzayr

(ဆွဖ်ယန်ဘင် အူဇေးရ် သည် ဆူဖီဝါဒအကြောင်း စာအုပ်ဖြစ်သည့် `Sufism: A Brief History´ကို ရေးသားခဲ့သူဖြစ်ပြီး အင်တာနက်နှင့် ပုံနှိပ်မီဒီယာများတွင် ခေတ်ပြိုင်နိုင်ငံရေး ထိုးထွင်းလေ့လာချက်များအကြောင်း ရေးသားနေသူဖြစ်သည်။)
—Foreign Policy In Focus တွင်ဖော်ပြသော Sufyan bin Uzayr ၏ ` An Open Letter to Aung San Suu Kyi´ကို စိုင်ဖုလ္လာဟ်(မြန်မာမွတ်စလင်မီဒီယာ)က ဆီလျော်အောင် ဘာသာပြန်ဆိုသည်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: