ရန်ကုန်တွင် လူဦးရေ ရှစ်သန်းခန့်ရှိ

ရန်ကုန်− ရန်ကုန်တိုင်းဒေသကြီးတွင် ပြည်လုံးကျွတ်သန်းခေါင်စာရင်းကောက်ယူမှုအရ လူဦးရေ ရှစ်သန်းခန့်နေထိုင်နေကြောင်း ရန်ကုန်တိုင်းဒေသကြီးလူဝင်မှု ကြီးကြပ်ရေးနှင့် ပြည်သူ့အင်အား ဦးစီးဌာနမှသတင်းရရှိသည်။

‘‘မတ်လ ၂၉ ရက် သန်းခေါင်စာရင်း ရည်ညွှန်းချိန်မှာ ရှိနေတဲ့ နိုင်ငံခြားသား၊ ဆွံ့အနားမကြား၊ မသန်စွမ်းသူ၊ ရွှေ့ပြောင်းလုပ်သား၊ ရာသီခွင်အလုပ်သမားအပါအ၀င် သန်းခေါင်စာရင်းနဲ့ အကျုံးဝင်တဲ့ သူတစ်ယောက် မကျန်ကို ရာနှုန်းပြည့်ကောက်ခံ ထားချက်အရ လူဦးရေ စုစုပေါင်း သိန်း ၈၀ (ရှစ်သန်း) နီးပါး ကောက်ခံရရှိထားပါတယ်’’ဟုရန်ကုန်တိုင်းဒေသကြီးတိုင်းညွှန်ကြား ရေးမှူးဦးကြည်လင်းကပြောသည်။

ရန်ကုန်တွင် ယခင်က လူဦးရေ ခြောက်သန်းကျော်ရှိသည်ဟု သမ္မတဦးသိန်းစိန်က မိန့်ခွန်းအချို့၌ ထည့်သွင်းပြောကြားခဲ့သော်လည်း ယခုစာရင်းကောက်ယူမှုအရ ရှစ်သန်းနီးပါးရှိလာပြီဖြစ်သည်။

မြို့တစ်မြို့တွင် လူဦးရေဆယ်သန်းနှင့် အထက်ဖြစ်ပါက Mega City အဆင့်သတ်မှတ်ထားရာ နောင်ဆယ်နှစ်သန်း ခေါင်စာရင်းပြန်ကောက်ခဲ့လျှင် ရန်ကုန်မြို့၌ လူဦးရေ ဆယ်သန်းအထက်တွင်ရှိနေနိုင်ပြီး mega city ဖြစ်သွားနိုင်ကြောင်း ၎င်းကဆက်လက်ပြောကြားသည်။

ရန်ကုန်တွင် လူဦးရေ အပြောင်းအလဲသာမက အိမ်ထောင်စုနှင့် အဆောက်အအုံသစ်များလည်းများစွာတိုးတက်ခဲ့ပြီး ကျန် ပြည်နယ်နှင့် တိုင်းဒေသကြီးတို့ နှင့် နှိုင်းယှဉ်ပါက အများဆုံးဖြစ် နေကြောင်း စာရင်းကောက်ခံမှုကို အခြေခံ၍ ဦးကြည်လင်းကဆိုသည်။

‘‘လူပျိုကြီး၊ အပျိုကြီးတွေ၊ အရွယ်လွန်တွေ၊ အလုပ်လုပ်နိုင်တဲ့ အရွယ်၊ လူငယ်တွေစတဲ့ အရွယ်အစားအလိုက် လူဦးရေ ပိုင်း ခြားမှုကတော့ သတင်းစာရှင်းလင်းပွဲနဲ့ ဗဟိုသန်းခေါင်စာရင်းက အတိအကျထုတ်ပြန်မှာပါ။ တခြားပြည်နယ်နဲ့ တိုင်းတွေကျ တော့ ကျွန်တော်တို့ ပြောခွင့်မရှိ ပါဘူး။ ဒါပေမဲ့ ရန်ကုန်က တိုး တက်လာတယ်တော့ အကြမ်း ဖျင်းဆိုနိုင်တယ်’’ ဟု ၎င်းကဆို သည်။

သန်းခေါင်စာရင်းကောက် ယူမှုများကို မတ်လ ၃၀ မှ ဧပြီ ၁၀ ရက်ဟု သတ်မှတ်ထားသော် လည်း ကျန်ရှိနေသူများကို လက် ကျန်စာရင်းများလိုက်လံကောက် ယူနေသည့်အတွက် နေပြည် တော်နှင့် မန္တလေးတိုင်းဒေသကြီး အပါအ၀င် စာရင်းကောက်ခံမှု အသေးစိတ်ကို ထုတ်ပြန်မပေးနိုင် သေးကြောင်း ဗဟိုသန်းခေါင်စာ ရင်းကော်မရှင်မှ ညွှန်ကြားရေးမှူး ချုပ် ဦးမြင့်ကြိုင်ကပြောသည်။

‘‘စာရင်းပိတ်ပြီး ခြောက်ပတ် ကနေ ရှစ်ပတ်အတွင်း ကျန်သွား တဲ့ သူတွေကို လိုက်ကောက်နေ သေးတယ်။ စာရင်းက သတင်းစာ ရှင်းလင်းပွဲကျမှ ထုတ်ပြန်နိုင်မှာ ဖြစ်တယ်။ အခုထုတ်ပြန်လိုက်ရင် စီမံကိန်းတွေကအစ လွဲသွားမှာ စိုးလို့ပါ’’ဟု ၎င်းကဆိုသည်။

သန်းခေါင်စာရင်းကောက်ယူရာတွင် ပိုင်ဆိုင်မှု၊ နေထိုင်မှုအဆင့်အတန်း၊ လုပ်ငန်းစသည့် ကိုယ်ရေးကိုယ်တာ အချက်အလက်များကို မှန်မှန်ကန်ကန်ဖြေဆိုမှသာ အစိုးရက လိုအပ်နေသော မြို့ပြစီမံကိန်းများ၊ အခြေခံ အဆောက်အအုံများကို တိုးချဲ့ ပေးနိုင်မည်ဖြစ်ကြောင်း ဗဟိုသန်းခေါင်စာရင်းကော်မရှင်က ထုတ်ပြန်ထားသည်။

လက်ရှိဧပြီ ၁၈ ရက်အထိ ကချင်ပြည်နယ်ကေအိုင်အေဌာနချုပ်တစ်ဝိုက်ရှိ ရွာအချို့နှင့် ရခိုင်ပြည်နယ်ရှိ ဘင်္ဂါလီရွာအချို့ကို ကောက်ခံနိုင်မှုမရှိသေးကြောင်း ဦးမြင့်ကြိုင်ကပြောသည်။

မြန်မာနိုင်ငံတွင် လူဦးရေသန်းခြောက်ဆယ်နေထိုင်သည်ဟု အစိုးရကပြောကြားထားပြီး နှစ် ၃၀ ကြာမှ ပြန်လည်ကောက် ယူခဲ့သော သန်းခေါင်စာရင်း ထွက်လာပါက လူဦးရေမှာ ယခုထက်ပိုမိုများပြားသွားနိုင်သည်။

သန်းခေါင်စာရင်းကောက် ယူရာတွင် တစ်နိုင်ငံလုံးအတိုင်း အတာဖြင့် ၉၀ ရာခိုင်နှုန်းစာရင်း ဇယားများရရှိပြီး ဧပြီ ၈ ရက်အထိ ကောက်ယူရရှိသော စာရင်းဇယားများအရ လူဦးရေ ၄၇ သန်းကျော်ကို သန်းခေါင်စာရင်းကောက်ယူပြီးကြောင်း လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးခင်ရီက ဧပြီ ၁၁ ရက် တွင်ပြုလုပ်သော သတင်းစာရှင်းလင်းပွဲ၌ပြောကြားသည်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: