လွှတ်တော်ဖွဲ့စည်းပုံ ပြင်ရေး ကော်မတီ က ပုဒ်မ ၄၃၆ ပြင် ဆင် ရန် သဘော တူညီ ဟု ဆို

ဖွဲ့စည်းပုံ အခြေခံဥပဒေ ပြင်ဆင်ရေး, ပုဒ်မ ၄၃၆ , NLD , ၈၈ မျိုးဆက် ကျောင်းသား, လွှတ်တော်, ဦးရွှေမန်း, ပြည်ထောင်စုကြံ့ခိုင်ရေးနှင့်ဖွံ့ဖြိုးရေး, အမျိုးသားဒီမိုကရေစီအဖွဲ့ချုပ်

ပြည်ထောင်စု လွှတ်တော်က ဖွဲ့စည်းထားသော ဖွဲ့စည်းပုံ အခြေခံဥပဒေ ပြင်ဆင်နိုင်ရေး အကောင်အထည်ဖော်မှု ကော်မတီ က ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၄၃၆ ပြင်ဆင်ရန် သဘောတူညီလိုက်ပြီး ပြည်ထောင်စုလွှတ်တော်သို့ တင်ပြကာ အဆုံးအဖြတ်ခံယူတော့မည်ဖြစ်ကြောင်း သတင်းရရှိသည်။

အာဏာရ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ လွှတ်တော်ကိုယ်စားလှယ်များ၊ တပ်မတော်သား လွှတ်တော် ကိုယ်စားလှယ်များ၊ NLD နှင့် တိုင်းရင်းသားလွှတ်တော်ကိုယ်စားလှယ်တချို့ပါဝင်သော အဖွဲ့ဝင် ၃၁ ဦးပါ  ဖွဲ့စည်းပုံ အခြေခံ

ဥပဒေ ပြင်ဆင်နိုင်ရေး အကောင် အထည်ဖော်မှု ကော်မတီက မေလ ၁၉ ရက်နေ့မှစတင်၍ အခြေခံဥပဒေ ပြင်ဆင် ရေး အစည်း အဝေးများ စတင် ပြုလုပ်ခဲ့ပြီး လွှတ်တော်စတင်မည့် မေလ ၂၈ ရက်နေ့အထိ အစည်းအဝေးများ ပြုလုပ်မည် ဖြစ်ကြောင်း သိရှိရသည်။

မေလ ၁၉ ရက်နေ့ နေပြည်တော်တွင် ကျင်းပသော ဖွဲ့စည်းပုံ အခြေခံဥပဒေ ပြင်ဆင်နိုင်ရေး အကောင်အထည်ဖော်မှု ကော်မတီ ၏ အစည်းအဝေးတွင် ၂၀၀၈ ဖွဲ့စည်းပုံ အခြေခံဥပဒေတွင် ပြင်ဆင်ရန် ခက်ခဲနေသော  ပုဒ်မ ၄၃၆ ပြင်ဆင်ရေး  ဖက်ဒရယ် ပြည်ထောင်စု တည်ဆောက်ရေး ၊ တပ်မတော်ကို ဒီမိုကရေစီဘောင်အတွင်း ထည့်သွင်းနိုင်ရေး တို့ကို အကြိတ် အနယ်ဆွေးနွေးခဲ့ပြီး သဘောတူညီချက်များ ရရှိခဲ့ကြောင်း၊ လွှတ်တော်ကော်မတီက ရရှိလာသော သဘောတူညီ ချက် များကို ပြည်ထောင်စုလွှတ်တော်သို့ တင်ပြ၍ အဆုံးအဖြတ်ခံယူသွားမည်ဖြစ်ကြောင်း ဖွဲ့စည်းပုံ အခြေခံဥပဒေ ပြင်ဆင်နိုင် ရေး အကောင် အထည်ဖော်မှု ကော်မတီဝင် ရွှေပြည်သာမြို့နယ် ပြည်သူ့လွှတ်တော်ကိုယ်စားလှယ် ဗိုလ်မှူးကြီးဟောင်း ဦးတင်မောင်ဦးက ဧရာဝတီသို့ ပြောသည်။

“ပုဒ်မ ၄၃၆ ကို ပြင်မှာပါ ။ ကြံခိုင်ရေးက ဦးဆောင် ပြင်မယ်။ အခန်း ၁၂ မှာ ရှိတဲ့ ပုဒ်မ ၄၃၃ ၊ ၄၃၄ ၊ ၄၃၅ ၊ ၄၃၆ စတဲ့ ပုဒ်မ တွေရှိပါတယ်။ ပြင်ဖို့ လုပ်မှာပါ ။ တခု သတိထားဖို့က ကျနော်က ပြင်ဆင်ရေးကော်မတီ မဟုတ်ပါဘူး။ အကြံပြု နိုင် တဲ့ အဆင့်ပဲ ရှိတာပါ ။ မနေ့က အခန်း ၁ ရဲ့ ပုဒ်မ ၉ အထိ ပြီးပါတယ်။ ဒီနေ့ အခန်း ၁ ပုဒ်မ ၁၀ ကနေပြီးတော့ ၁၀ က ၊ ခ ၊ ဂ အထိ ပြီးပါတယ်။ တော်တော်လေး ပြင်ပေးမှာပါ ။ ခေတ်စနစ်နဲ့ အညီပေါ့နော်။ နိုင်ငံတော် အတွက်လည်း စဉ်းစားရ သေး တယ်” ဟု ဦးတင်မောင်ဦးက ဆိုသည်။

ပြည်ထောင်စုလွှတ်တော်နာယက သူရဦးရွှေမန်းက ဖွဲ့စည်းပုံ ပြင်ဆင်ရေး ဆောင်ရွက်ရာတွင် အခြေခံဥပဒေ  အခန်း ၁၂ ကို စတင်ဆွေးနွေးဆောင်ရွက်ရန် အခြေခံမူ ပေးပို့ခဲ့ပြီး လွှတ်တော်ကော်မတီတွင် အကြိတ်အနယ်ဆွေးနွေးကာ ပုဒ်မ ၄၃၆ ကို ပြင်ဆင်ရန် သဘောတူညီလိုက်ခြင်းဖြစ်သည်ဟု ဦးတင်မောင်ဦး၏ ပြောကြားချက်အရ သိရှိရသည်။

ဖွဲ့စည်းပုံ အခြေခံဥပဒေ ပြင်ဆင်နိုင်ရေး အကောင်အထည်ဖော်မှု ကော်မတီဝင်လည်းဖြစ်၊ အမျိုးသားဒီမိုကရေစီအဖွဲ့ချုပ် ၏ မကွေးတိုင်းဒေသကြီး အမျိုးသားလွှတ်တော်ကိုယ်စားလှယ်လည်းဖြစ်သူ ဦးအောင်ကြည်ညွှန့်က  “ကော်မတီကတော့ ပုဒ်မ ၄၃၆ ကို ပြင်ပေးဖို့ သင့်တယ်ဆိုတဲ့ အနေအထားမျိုး ဆုံးဖြတ် ပေးလိုက်တယ်။ ဆက်ပြီးတော့ ဆွေးနွေးစရာတွေ လည်း ရှိပါသေးတယ်။ ကော်မတီမှာ လွတ်လွတ်လပ်လပ် ဆွေးနွေးလို့ရပါတယ်။ တခုတော့ ရှိတာပေါ့ ။ အမြင် သဘော ထားခြင်း မတိုက်ဆိုင်တဲ့အခါ အပြန်အလှန် ပြောဆိုကြတာမျိုးတော့ ရှိပါတယ် ” ဟု ဧရာဝတီသို့  ပြော သည်။

ထို့ပြင် လွှတ်တော်ကော်မတီက  ၂၀၀၈ ဖွဲ့စည်းပုံ အခြေခံဥပဒေ တွင် ပါဝင်သည့် အခြေခံမူများဖြစ်သော စစ်မှန်၍ စည်းကမ်း ပြည့်ဝသော ပါတီစုံဒီမိုကရေစီ ဆိုသောစကားလုံးအစား  ပါတီစုံဒီမိုကရေစီ ဟု ပြင်ဆင်ရန်၊ ဖက်ဒရယ် ပြည်ထောင်စု ဆိုသော စကားရပ်များကိုလည်း ထည့်သွင်းသွားမည်ဖြစ်ကြောင်း သိရှိရသည်။

လွှတ်တော် ကော်မတီက ပြင်ဆင်ရန် သဘောတူညီထားသော အချက်များကို ပြည်ထောင်စုလွှတ်တော်တင်ပြမည်ဖြစ်ရာ ပြည်ထောင်စု လွှတ်တော်က ပြင်ဆင်ရန် သဘောတူညီမှသာ လွှတ်တော်ကော်မတီ၏ ပြင်ဆင်ချက်များ အတည် ဖြစ်လာ မည် ဖြစ်ကြောင်း သိရှိရသည်။

“အပြင်မှာ ပြောနေကြသလို ကြံခိုင်ရေး ပါတီက မလုပ်ဘူးဆိုတဲ့ အမြင်ပျောက်စေချင်တယ်။ ကြံခိုင်ရေးပါတီက လွှတ်တော် ကော်မတီ မှာ ၁၄ ယောက် ပါတဲ့အတွက် ဒီမိုကရေစီနည်းလမ်းအရ လက်ထောင် ဆုံးဖြတ်ရင် ဦးတို့က များ တယ်။ ဦးတို့ ကိုယ်တိုင် ဦးစီးပြီးတော့ ၄၃၆ လို ပုဒ်မမျိုးကို ပြင်ဆင်ပေးခြင်း ဖြစ်ပါတယ် ” ဟု ဦးတင်မောင်ဦးက ပြောသည်။

အမျိုးသား ဒီမိုကရေစီ အဖွဲ့ချုပ်(NLD)နှင့် ၈၈ မျိုးဆက် ကျောင်းသားအဖွဲ့များ ပူးပေါင်း၍ ဖွဲ့စည်းပုံ အခြေခံဥပဒေ ၄၃၆ ပြင်ဆင်ရေးဆိုင်ရာ လူထုဟောပြောပွဲများ ကျင်းပလျက်ရှိသည်။

၂၀၀၈ ဖွဲ့စည်းပုံ အခြေခံဥပဒေ၊ အခန်း ၁၂ ဖွဲ့စည်းပုံ အခြေခံဥပဒေ ပြင်ဆင်ခြင်း ပုဒ်မ ၄၃၆ တွင် ဖွဲ့စည်းပုံ အခြေခံဥပဒေ ပါ တပ်မတော်ကို အထူးအခွင့်အရေးပေးထားသော  ပြဋ္ဌာန်းချက်များ၊ ယခင်အစိုးရ၏ လုပ်ဆောင်ချက်များကို အကာ အကွယ် ပေးထားသော ပြဋ္ဌာန်းချက်များ အပါအ၀င် ယခင်စစ်အစိုးရ စိတ်ကြိုက်ရေးဆွဲခဲ့သော ပြဋ္ဌာန်းချက်များကို ပြင်ဆင် လိုပါက ပြည်ထောင်စုလွှတ်တော်ကိုယ်စားလှယ်အားလုံး၏ ၇၅ ရာခိုင်နှုန်းကျော်က ပြင်ဆင်ရန် သဘောတူညီပြီး ပြည်လုံး ကျွတ် ဆန္ဒခံယူပွဲ ကျင်းပ၍ ဆန္ဒမဲပေးခွင့်ရှိသူအားလုံး၏ ထက်ဝက်ကျော် ဆန္ဒမဲဖြင့် သာ ပြင်ဆင်ရမည်ဟု ပြဋ္ဌာန်း ထားသည်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: