သမိုင်းဝင်ဝန်ကြီးများရုံးကို နှစ် ၃၀ လုပ် ခွင့် ရ သည့် သတင်း

(သမိုင်းဝင်ဝန်ကြီးများရုံး အဆောက်အအုံအား မေ ၁၉ ရက်က တွေ့ရစဉ်)

သမိုင်းဝင်ဝန်ကြီးများရုံးကို အနော်မာအနုပညာအဖွဲ့က မြေအသုံးချမှု ပရီမီယံကြေးပေးရန်မလိုဘဲ နှစ် ၃၀ လုပ်ခွင့်ရပြီး တင်ဒါပြိုင်စဉ်ကမပါသော ၀န်ဆောင်မှုလုပ်ငန်းများ ထပ်မံထည့် သွင်း လုပ်ကိုင် ရန် စီစဉ်နေ

၁၆ ဧကနီးပါးကျယ်ဝန်းသော မြန်မာနိုင်ငံ၏ အထင်ကရ၀န်ကြီးများရုံးနှင့် မြေကို မြေအသုံးချမှု ပရီမီယံကြေးပေးရန်မလိုဘဲ အနော်မာအနုပညာအဖွဲ့မှ နှစ် ၃၀ အထိ လုပ်ကိုင်ခွင့်ရရှိခဲ့ကြောင်း စုံစမ်းသိရသည်။

၂၀၁၂ ခုနှစ် ဖေဖော်ဝါရီ ၂၂ ရက်က ကျင်းပသည့် မြန်မာနိုင်ငံ ရင်းနှီးမြှုပ်နှံမှုကော်မရှင်၏ ၆/၂၀၁၂ ကြိမ်မြောက်အစည်းအဝေးတွင် ၀န်ကြီးများရုံးကို ပြတိုက်အသွင်ဖြင့် ဆောင်ရွက်ရန် တင်ဒါတင်သွင်းသည့် အဖွဲ့လေးဖွဲ့ထဲမှ အနော်မာအနုပညာအဖွဲ့အား ရွေးချယ်ခဲ့ကြောင်း၊ အဆိုပြုရာတွင်လည်း မြေအသုံးချမှု ပရီမီယံကြေး ပေးသွင်းမည့်ကိစ္စ မပါကြောင်း၊ မြန်မာနိုင်ငံ ရင်းနှီးမြှုပ်နှံမှုကော်မရှင်အနေဖြင့် စတင်ရွေးချယ်စဉ်က သမိုင်းဝင်အဆောက်အအုံကို ထိန်းသိမ်းရန်အဓိကဖြစ်ပြီး လစ်လပ်မြေပေါ်တွင် အဆောက်အအုံများ ဆောက် လုပ်ခွင့်ပြုမည် မဟုတ်သဖြင့် မြေအသုံးချမှု ပရီမီယံကြေးကို တောင်းခံခြင်းမပြုခဲ့ကြောင်း သိရသည်။

အနော်မာအနုပညာအဖွဲ့မှ စတင်အဆိုပြုစဉ်က ၀န်ကြီးများရုံးအား ပြတိုက်များ၊ ရိုးရာအမှတ်တရပစ္စည်းဆိုင်များ၊ မြန်မာ့ရိုးရာပန်း ၁၀ မျိုးပြတိုက်၊ ရှေးဟောင်းပစ္စည်းပြတိုက်များအပြင် စားသောက် ဆိုင်၊ ရုံးခန်း၊ အနုပညာဆိုင်ရာပြပွဲ၊ ကပွဲများကိုလည်း လုပ်ကိုင်ရန် တင်ပြထားခဲ့ကြောင်း သိရသည်။

ဝန်ကြီးများရုံးအား နှစ်စဉ်ငှားရမ်းခအဖြစ် ပြတိုက်များအတွက် ၀င်ငွေစုစုပေါင်း၏ သုံးရာခိုင်နှုန်းမှ ငါးရာခိုင်နှုန်း၊ စားသောက်ဆိုင်များနှင့် ရုံးခန်းများငှားရမ်းခ ရငွေစုစုပေါင်း၏ ၁၅ ရာခိုင်နှုန်း၊ ရိုးရာပစ္စည်းများ အရောင်းဆိုင်နှင့် အမှတ်တရပစ္စည်းဆိုင်များအတွက် ၀င်ငွေ၏ တစ်ရာခိုင်နှုန်း၊ အနုပညာရပ်ဆိုင်ရာကပွဲ၊ ပြပွဲများအတွက် ၀င်ငွေ၏ တစ်ရာခိုင်နှုန်းကို ပေးသွင်းမည်ဟု အဆိုပြုခဲ့ပြီး မြန်မာနိုင်ငံ ရင်းနှီးမြှုပ်နှံမှုကော်မရှင်မှ လက်ခံရွေးချယ်ခဲ့ခြင်းဖြစ်သည်။

တင်ဒါရွေးချယ်ခံရပြီးနောက်တွင် အနော်မာအနုပညာအဖွဲ့မှ စတင်အဆိုပြုစဉ်က လုပ်ငန်းများအပြင် အပန်းဖြေမှုနှင့်ဆိုင်သော ၀န်ဆောင်မှုလုပ်ငန်းများ (Relaxation and Recreation Services) နှင့် Outdoor Convention များ ပြုလုပ်ခြင်းလုပ်ငန်းများကို ထပ်မံဖြည့်စွက်လုပ်ကိုင်ရန် စီစဉ်သည့်အပေါ် ရန်ကုန်တိုင်းဒေသကြီးအစိုးရအဖွဲ့မှ လက်ခံခဲ့ကြောင်းနှင့် မြန်မာနိုင်ငံ ရင်းနှီးမြှုပ်နှံမှုကော်မရှင် MIC တို့ကလည်း ကန့်ကွက်ရန်မရှိ လက်ခံပေးခဲ့ကြောင်း သိရသည်။

ထပ်မံဖြည့်စွက်သည့်လုပ်ငန်းများကို ရန်ကုန်တိုင်းဒေသကြီး အစိုးရအဖွဲ့မှ လက်ခံခဲ့ကြောင်း၊ သို့သော် မြေအသုံးချမှုပရီမီယံကြေးကိုမူ သင့်တင့်သည့်တန်ဖိုး သတ်မှတ်သင့်ကြောင်းကိုမူ MIC သို့ တင်ပြခဲ့သည်ဟု သိရသည်။

အနော်မာအနုပညာအဖွဲ့ကမူ ၀င်ငွေရရှိရေးထက် ရှေးဟောင်းအဆောက်အအုံအား မူလလက်ရာမပျက်တည်ရှိစေပြီး ပြတိုက်အဖြစ်ပြသနိုင်ရေး ရည်ရွယ်ဆောင်ရွက်နေခြင်းဖြစ်သည့် အတွက် မြေအသုံးချမှု ပရီမီယံကြေးပေးဆောင်ခြင်းမှ ကင်းလွတ်ခွင့်ပေးရန်၊ ငှားရမ်းခနှုန်းထားကိုလည်း ညှိနှိုင်းထားသည့်အတိုင်း ပေးဆောင်နိုင်ရေးခွင့်ပြုရန် MIC သို့ ပြန်တင်ပြခဲ့သည်ဟု သိရသည်။

နှစ်ဖက်တင်ပြချက်အရ မြေအသုံးချမှု ပရီမီယံကြေး ကောက်ခံသင့်မသင့်ကို ၂၀၁၄ ခုနှစ် ဧပြီလဆန်းပိုင်းက MIC မှ ပြည်ထောင်စုရှေ့နေချုပ်ရုံးသို့ သဘောထားမှတ်ချက်   တောင်း ခံပေးခဲ့ကြောင်း သိရသည်။

ဝန်ကြီးများရုံးနှင့်ပတ်သက်၍ မြန်မာနိုင်ငံ ရင်းနှီးမြှုပ်နှံမှုကော်မရှင် တာဝန်ရှိသူထံသို့ ၂၀၁၄ ခုနှစ် မေ ၁၇ ရက်က မေးမြန်းရာ ရန်ကုန်တိုင်းဒေသကြီးအစိုးရအဖွဲ့နှင့် အနော်မာ အနုပညာအဖွဲ့တို့၏ နောက်ဆုံးစာချုပ် မရောက်ရှိသေးကြောင်း ပြန်လည်ဖြေကြားခဲ့ရာ ပရီမီယံကြေးကောက်ခံခြင်း၊ မကောက်ခံခြင်းနှင့် ပတ်သက်သည့် နောက်ဆုံး ဆုံးဖြတ်ချက်ကိုမူ အသေးစိတ်မသိရပေ။

စုံစမ်းသိရှိရမှုများအရ ၁၆ ဧကနီးပါးကျယ်ဝန်းသည့် အစိုးရပိုင်မြေနှင့် ၀န်ကြီးများရုံး အဆောက်အအုံအား ငှားရမ်း၍ ပြတိုက်များ၊ ပန်းချီပြခန်းများ ပြသခြင်း၊ တိုင်းရင်းသား ရိုးရာယဉ်ကျေး မှုပစ္စည်း များနှင့် စားသောက်ကုန်ပစ္စည်းများ ပြသရောင်းချသည့်လုပ်ငန်း၊ ကျောက်မျက်ရတနာအရောင်းဆိုင်များ ဖွင့်လှစ်ခြင်းလုပ်ငန်း၊ ပန်း ၁၀ မျိုးပြခန်းများ ပြသခြင်းလုပ်ငန်း၊ မြန်မာ့ရိုးရာ ပစ္စည်း အရောင်းဆိုင်များ ဖွင့်လှစ်ခြင်းလုပ်ငန်း၊ မြန်မာ့ယဉ်ကျေးမှု တူရိယာပစ္စည်းများကို ကျွမ်းကျင်ပညာရှင်များဖြင့် ပြုလုပ် ပြသခြင်းလုပ်ငန်း၊ မြန်မာ့ရိုးရာကပွဲများ ပြသခြင်းလုပ်ငန်း၊ စာကြည့်တိုက် ဖွင့်လှစ်ခြင်းလုပ်ငန်း၊ မြန်မာ့အနုပညာနှင့်သက်ဆိုင်သော သင်တန်းများ ဖွင့်လှစ်ခြင်းလုပ်ငန်း၊ ရုံးခန်းများ ငှားရမ်းခြင်းလုပ်ငန်း၊ အမှတ်တရပစ္စည်း အရောင်း ဆိုင်များ ရောင်းချခြင်းလုပ်ငန်း၊ Relaxation and Recreation Services လုပ်ငန်းများနှင့် Outdoor Convention များ ပြုလုပ်ခြင်းလုပ်ငန်းများ ဆောင်ရွက်မည်ဖြစ်ကြောင်း သိရသည်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: