ဘာသာရေး အမျိုးသားရေးနှင့် သူတစ်ပါး အကျိုးစီးပွား ဖျက်စီးခြင်း

 

(၁)

သီရိလင်္ကာနိုင်ငံ အစိုးရအဖွဲ့ဝင်ဟောင်း ဖြစ် သူ Davanesan Nesiah က ‘လူတွေဟာ သူတို့ ဘာသာ မလုံခြုံဘူး။ ပျောက်ကွယ်ပျက်စီးသွားတော့ မယ်ဆိုတဲ့ စိုးရိမ်စိတ်နဲ့ အခြား ဘာသာ အပေါ် နိုင်ထက်စီးနင်းချုပ်ချယ်ခြင်းများ ပြုလုပ်ရန်ကြိုးပမ်းလာခြင်းဖြစ်သည်’ဟု သုံးသပ်ပြောကြားခဲ့သည်။

သီရိလင်္ကာနိုင်ငံ၌ လွန်ခဲ့သော(၅)နှစ်ခန့်မှစ၍ မျိုးစောင့်တပ်ဦးဟု အမည်ခံကာ ဗုဒ္ဓဘာသာ ၀င်အများစု ဖြစ်သည့် ဆင်ဟာလီလူမျိုးစုကြီး၏ အကျိုးစီးပွားအတွက် အခြားဘာသာဝင်များအပေါ် တိုက်ခိုက် အကြမ်းဖက်မှု များ စတင်လာခဲ့သည်။ သက်ဆိုင်ရာ တာဝန်ရှိသူများကလည်း ကြိုးကိုင်လှုပ်ရှားသူများနှင့် ပါဝင်သူများကို သိလျက် ထိရောက်စွာ အရေးယူရန် တုံ့ဆိုင်းနေကြသည်။

အကြမ်းဖက်သူများကို ချက်ချင်းဖော်ထုတ်၍ ထိရောက်စွာ အရေးယူခြင်းမရှိဘဲ ဖင့်နွဲ့နေခြင်း၊ အသံတိတ် နည်းဖြင့် ထိုလုပ်ရပ်ကို လှုံ့ဆော်ပေးနေ ခြင်းဖြစ်သည်ဟု Jehan Perera က ပြောကြား ခဲ့သည်။

(၂)
အင်ဒိုနီးရှားနိုင်ငံဂျာကာတာမြို့ရှိ ဗုဒ္ဓဘာသာ ဘုရားကျောင်းတစ်ကျောင်း၌ ဗုံးပေါက်ကွဲမှုဖြစ်ပွားခဲ့သည်။ ဤပေါက်ကွဲမှုနှင့်စပ်လျဉ်း၍ အင်ဒိုနီးရှား သမ္မတ ဆူဆီလိုဘန်ဘန်း၊ ယူဒိုယူနိုက တရားခံများကို ဖော်ထုတ်ရန် နှင့် နိုင်ငံသားများအကြား ဘာသာလူမျိုးကွဲပြားမှုကို လေးစားရန်လိုအပ်ကြောင်း အလေးအနက်တိုက်တွန်းခဲ့ သည်။ သမ္မတက ပါလီမန် မိန့်ခွန်းတွင်လည်း အင်ဒိုနီးရှားနိုင်ငံသည် ကွဲပြားခြား နားသည့် ဘာသာ၊ လူမျိုးများဖြင့် ဖွဲ့စည်းတည် ရှိသည်ဆိုသည့်အချက်ကို သဘောပေါက် လက်ခံ ဖို့လိုကြောင်း၊ ထိုကွဲပြားခြားနားမှုအပေါ် စုစည်း ခိုင်မာ စည်းလုံးခြင်းဟူသော စိတ်ဓာတ်မျိုးထားရှိပြီး သည်းခံနိုင်မှု စွမ်းပကားမြှင့်တင်ရန် လိုအပ်ပါကြောင်း ပြော ကြားခဲ့သည်။

(၃)
တင်ပြခဲ့သော ဖြစ်ရပ်နှစ်ခုတွင် သီရိလင်္ကာ ဖြစ်ရပ်သည် တာဝန်ရှိသူတို့၏ တာဝန်မဲ့မှုနှင့် တိုင်းပြည်အတွင်း စစ်မီးလျှံကိုတောက်လောင်စေပြီး လူတစ်စု၏အကျိုးစီးပွားကို လိုလားသောဖြစ် ရပ်ဟုရှုမြင်ရပြီး အင်ဒိုနီးရှား ဖြစ်ရပ်သည် တိုင်းပြည်အတွင်း လူမျိုးမတူကွဲပြားမှုကို အကြောင်းပြုပြီး တည်ငြိမ် အေးချမ်းမှုကို မဖျက်ဆီးကြ စေရန် စေတနာထား ဆောင်ရွက်နေကြောင်း ရှုမြင်နားလည်မိပါသည်။

မြန်မာနိုင်ငံတွင်လည်း သီရိလင်္ကာနိုင်ငံကဲ့သို့ ဖြစ်ရပ်မျိုးဖြစ်ပွားခဲ့သည်ဆိုလျှင် မှားမည်မထင်ပါ။ ကြိုးကိုင် သူ မတွေ့ရသည့် လူတစ်စု၏ သွေးထိုးလှုံ့ဆော်မှုကြောင့် မီးဟုန်းဟုန်းတောက်   လောင်နေပါပြီ။ တရားခံရှာပြီးမှ မီးကိုငြှိမ်းသတ်ရမည့် အခြေအနေမဟုတ်။ မီးအမြန်ငြိမ်းမည့် လမ်းကြောင်း ကိုရှာဖွေ၍ မီးကို အမြန်ဆုံးငြှိမ်း သတ်ရန် ကြိုးစားရပေမည်။

မီးကိုအမြန်ဆုံး မည်သို့ ငြှိမ်းသတ်ရမည်နည်း။ လောင်နေသည့်မီး၏ အခြေခံသဘောနှင့် ပါဝင်သည့် ဓာတ် သဘောကို ဦးစွာ သိရန်လိုသည်။ ဒေါသမီးလား၊ လောဘမီးလား၊ အာဃာတမီးလား၊ ပယောဂမီးလား၊ အသိမဲ့ မီးလား၊ စိုးရိမ်လွန်ကဲမီးလား စသည့်အချက်ကို မပိုင်နိုင်ပဲ ငြိမ်းချမ်းအောင် ကူညီ နိုင်မည်မဟုတ်။ ပျောက်နိုးနိုး ဆေးများဖြင့် ရောဂါတိုးစေသကဲ့သို့ အမုန်းမီးလျှံကြား မိမိတို့နိုင်ငံသည် လုံးပါးပါးမည့်အခြေအနေသို့ ဆိုက် ရောက်မည်ကို စိုးရိမ်မိပါသည်။

(၄)
ဘာသာတရားတိုင်းသည် ကမ္ဘာမြေပေါ်တွင် မတူကွဲပြားသော အလှတရားများအဖြစ်ရှိနေမည်။ နိုင်ငံတိုင်း တွင် ဘာသာမတူသူများ အတူယှဉ်တွဲ နေထိုင်သည်။ ဘာသာတရားများကို မည်သည့် နတ်ဒေ၀ါကမျှ မှေးမှိန် အောင် မပြုနိုင်ကြပါ။ မြတ်ဗုဒ္ဓက ဤသို့မိန့်ကြားတော်မူခဲ့သည်။
“ငါဘုရား ခန္ဓာ ပရိနိဗ္ဗာန်ပြုပြီးနောက်ပိုင်း၌ သာသနာတော်ကို မကြည်ညိုသူများ ပေါ်ပေါက်လာလိမ့်မည်။ ဇရပ်၊ တန်ဆောင်၊ ဂူ၊ ကျောင်း၊ ပြဿဒ်တို့ကို ဖျက်ဆီးကြလိမ့်မည်။ ကျောက်စီ၊ ဆည်းလည်း၊ ရိရရွဲ့တို့ ကြေကွဲဖွယ်အဖြစ်သို့ ရောက်ကြလိမ့်မည်။ ဓာတု၊ ဓမ္မ၊ ဥဒိဿနှင့် ပရိဘောဂတစ်ဖြာ စေတီတို့တွင် ပျက်စီး ယိုယွင်း ကြည်ညိုခြင်းမရှိအောင် လုပ်ဆောင်ကြပေလိမ့်မည်။

အကြင်သူသည် ၎င်းပြုလုပ်ကျူးလွန်သော အကုသိုလ်ကံ၏ အကျိုးမပေးလေသမျှ ကာလပတ်လုံး အဟုတ် တွေဟု ထင်မှတ်ကာနေကြလိမ့်မည်။ ငါဘုရား၏ သာသနာတော် ကွယ်ပျောက် ချုပ်ငြိမ်းရန် တစိုက်မတ်မတ် လုပ်ကိုင်ကြပေလိမ့်မည်။
အမှန်စင်စစ် ထိုသို့ ဘုရား၏(၄၅၀ါ)ကာလ ကြာအောင် မနားမနေပင်ပန်းခံဟောကြားခဲ့သော ဓမ္မ၀ိနယတို့ ကို သေးသိမ်မှေးမှိန်အောင်ပြုလုပ်နိုင်ခြင်းငှာ နတ်နှင့်လူ အဘယ်သူမှ မတတ်စွမ်းနိုင်” ဟု အနာဂတံသဉာဏ် တော်ဖြင့် ဟောကြားဆုံးမတော်မူ ခဲ့သည်ကို ပါဠိစာပေကျမ်းဂန်များ၌ လေ့လာဖတ်ရှုရသည်။

တစ်ဖန်အစ္စလာမ်ဘာသာကို လေ့လာကြည့်ရာ ဤသို့တွေ့ရ၏။

အစ္စလာမ်ဘာသာကို ယုံကြည်သဒ္ဓါတရား ကင်းမဲ့သော သူတို့ မနှစ်မြို့ကြသော်လည်း အလ္လာဟ် အရှင်မြတ် သည် မိမိ၏ရောင်ခြည်တော် အစ္စလာမ်သာသနာကို ပြည့်စုံစွာ ဖွံ့ဖြိုးတိုး တက်စေတော်မူခြင်း မှအပ အခြား မည်သည့်တစ်စုံတရာကိုမျှ သဘောတူမည် မဟုတ်ပေ။ သွေဖည် ငြင်းပယ်သူများသည် အစ္စလာမ်တည်းဟူသော အလ္လာဟ်အရှင်မြတ် ၏ ရောင်ခြည်တော် ကို ပါးစပ် ဖြင့် မဟုတ်မဟပ် ၀ါဒဖြန့်၍ ငြှိမ်းသတ်စေလို ကြကုန်၏။ သို့သော် အလ္လာဟ်အရှင်မြတ်က တစ်စုံတစ်ရာကို နှစ်သက် တော်မူလိမ့်မည်မဟုတ်။ (ကုရ်အာန်ကျမ်း ၊ နောင်တ အမှားဝန်ခံခြင်း ကဏ္ဍ)

ဘာသာတရားများ ကွယ်ပျောက်ရခြင်းသည် သက်ဆိုင်ရာ ဘာသာဝင်တို့က ဘာသာတရား၏အဆုံးအမကို ဥပေက္ခာပြု၍ နေထိုင်ခြင်း အယူသီးခြင်း တို့ကြောင့်ဖြစ်သည်။
ကျွန်ုပ်တို့သည် ဘာသာဝင်များကို ဘာသာတရား၏ အဆုံးအမအတိုင်း နေထိုင်ကျင့်ရန်နှင့် မြတ်ဗုဒ္ဓ၏ တရားဓမ္မများကို ဘ၀အလင်းအဖြစ် လိုက်နာခြင်းဖြင့် ဘာသာတရားတိုးတက်ကြီးပွား၍ တိုင်းပြည်အေးချမ်း ပေလိမ့်မည်။

(၅)
မြတ်ဗုဒ္ဓက အစီရ၀တီမြစ်ကမ်းပါး၌ ပျံနေသောဟင်္သာမျက်စိကို ကျောက်စရစ်နှင့် ပစ်ခတ်သော ရဟန်း တစ်ပါးကို အကြောင်းပြု၍ ဤအတိတ် ဇာတ်ကြောင်းကို ဆောင်တော်မူသည်။ ဤ “ကုရုဓမ္မဇာတ်”(ငါးပါးသီလ စောင့်ထိန်းသူများ၏ တိုင်းပြည်)ကို ဟောကြားတော်မူခဲ့သည်။

က္ကုန္ဒပတ္တနဂိုရ်ပြည်၌ ဘုရားလောင်းသည် မင်းသားဖြစ်၍ ခမည်း တော်ကွယ်လွန်သောအခါ မင်းအဖြစ်ကို ရရှိလေသည်။ ထို ဓနဉ္စယကောရဗျ မင်းသည် မင်းကျင့်တရားဆယ်ပါးနှင့်အညီ တိုင်းပြည်ကို အုပ်ချုပ်၍ ကုရုဓမ္မ (ပဉ္စသီလ)နှင့်လည်းပြည့်စုံသည်။ ထိုမင်းကဲ့သို့ပင် မယ်တော်မိဘုရားကြီး၊ ညီတော် အိမ်ရှေ့မင်း၊ ပုရောဟိတ် အမတ်၊ မြေတိုင်းအမတ်၊ ကုလားထိန်း၊ သူဌေး၊ တံခါးမှူး၊ ပြည့်တန်ဆာမတို့သည်လည်း ပဉ္စသီလနှင့် ပြည့်စုံကြ လေသည်။ မင်းကြီးသည် အလှူပေးမှု၌လည်း ရက်ရောသူဖြစ်၍ မြို့တံခါးလေးမျက်နှာ၊ မြို့လယ်၊ နန်းတော်တံခါး ဤ ခြောက်နေရာတို့၌ မဏ္ဍပ်ကြီးများဆောက်လုပ်၍ နေ့စဉ် အသပြာငွေခြောက်သိန်း ပေးလှူလေ့ရှိသည်။

ထိုအချိန်တွင် ကာလိင်္ဂတိုင်း ဒန္တပူရပြည်၌ မိုးခေါင်ခြင်းကြောင့် ကာလိင်္ဂမင်းသည် ရှေးထုံး အတိုင်း မိုးရွာစေ ရန် အလှူပေး၊ သီလဆောက်တည်၍ အသရေရှိသော တိုက်ခန်း၌ မြေဇာမြက်ခင်း ကို ခင်း၍ အိပ်ခြင်းအမှုကိုပြု သော်လည်း မိုးမရွာသဖြင့် အမတ်တို့က ကောရဗျမင်း၏ အဉ္စန၀ဏ္ဏ မည်သော မင်္ဂလာဆင်တော်ကို ယူ၍ရခဲ့ သည်ရှိသော် မိုးရွာပါလိမ့်မည်ဟု လျှောက်ရာ ကာလိင်္ဂမင်းသည် ပုဏ္ဏားရှစ်ယောက်တို့အား မင်္ဂလာ ဆင်တော် ကို အလှူခံရန် စေလွှတ်လိုက်သည်။ ကောရဗျမင်းလည်း ဆင်တော်ကို လှူလိုက်သည်။ ထိုသို့ပြုလုပ်သည့်တိုင် မိုးမရွာသေးပေ။ ကာလိင်္ဂမင်းသည် ကောရဗျမင်း၏ ကုရုဓမ္မတရား၌သာတည်ခြင်းကြောင့် ထိုမင်း၏ တိုင်း ပြည်၌ တစ်လလျှင် တစ်ကြိမ်၊ ဆယ်ရက်လျှင် တစ်ကြိမ် မိုးရွာကြောင်းသိရှိသဖြင့် မင်္ဂလာဆင်တော်ကိုလည်း ပြန်ပို့စေကာ ကုရုဓမ္မကို ရွှေဒင်္ဂါးပြား၌ ကူးယူလာစေရန် အမတ်ကြီးနှင့်ပုဏ္ဏားတို့အား စေလွှတ်လိုက်ပြန်သည်။ အမတ်ကြီးနှင့် ပုဏ္ဏားတို့   ရွှေပြားဖြင့်   ရေးကူးဆက်သခဲ့သော ကုရုဓမ္မကိုကာလင်္ဂမင်း၊ မင်းမှုထမ်းများနှင့် တိုင်းသူ ပြည်သားများက စောင့်ထိန်းရာ ထိုခဏ၌ပင် တိုင်းပြည်၌မိုးရွာသဖြင့် ဘေးသုံးပါးတို့ သည်လည်း ငြိမ်းအေးသွား ခဲ့ရာ နိုင်ငံသည်လည်း သာယာဝပြော လာသည်။ (၅၅၀ နိပါတ်တော် – ကုရုဓမ္မဇာတ်)

(၆)
ဘဂ္ဂဒတ်နေပြည်တော်ကြီး၌ Umar Bin Abdulaziz ဆိုသော သမ္မတကြီးတစ်ပါးအုပ်ချုပ် စိုးစံခဲ့သည်။ သမ္မတကြီးသည် မင်းကျင့်တရား ဆယ်ပါးနှင့်အညီ တရားဓမ္မကိုလည်း လေးစား ကြည်ညိုစွာဖြင့် တိုင်းသူ ပြည်သားများကို ကျောသား ရင်သားမခွဲခြားဘဲ မျှတစွာ အုပ်ချုပ်သည်။
သမ္မတကြီး၏ တရားမျှတမှုကြောင့် တိုင်း ပြည် အေးချမ်းသာယာဝပြောသည်မျှမက တိုင်းပြည်အတွင်းမှီတင်း နေထိုင်ကြသော သတ္တ၀ါများပင် တစ်ကောင်နှင့်တစ်ကောင် ရန်မမူကြ။ မျိုးမတူရန်ဖက်များသည်ပင် ချစ်ကြည် ရင်းနှီးစွာ အတူနေ ထိုင်လေ့ရှိကြသည်။

သမ္မတကြီးအုပ်ချုပ်စဉ် Kirman မြို့အနီး တစ်ဝိုက်ရှိ တောထဲတွင် ဆိတ်ကျောင်းသားများနှင့် နွားကျောင်း သားများသည် သူတို့၏သတ္တ၀ါများကို လွှတ်ကျောင်းထားကြရာ သစ်ရိပ်ဝါးရိပ်အောက်တွင် တရားရှုမှတ်နေကြ သည်။ ဆိတ်နှင့် ၀ံပုလွေတို့လည်း အတူ ဆော့ကစားကြလေသည်။ တစ်နေ့ တောထဲ တွင် ၀ံပုလွေတစ်ကောင်က စိတ်ရိုင်းဝင်ကာ ဆိတ်တစ်ကောင်ကို ကိုက်သတ်လိုက်သည်ကို မြင်တွေ့ရသဖြင့် မူဆာဆိုသည့် ဆိတ်ကျောင်း သားလေးက မြို့သို့ပြေးပြီး သမ္မတကြီး Umar နတ်ရွာစံသွားပြီဟု သတင်းပို့သည်။ ထိုအခါမြို့သား တို့က “ငါတို့ မြို့က လူတွေတောင် သတင်းမရဘဲ မင်းက တောထဲကနေ ဘယ်လို သတင်းရသလဲ”ဟု မေးမြန်းရာ ဆိတ် ကျောင်းသားလေးက ဖြစ်ကြောင်း ကုန်စင် ပြောပြလိုက်သည်။ မြို့သားတို့လည်း စုံစမ်းကြည့်ရာ သမ္မတကြီး အမှန်တကယ် ကွယ်လွန်သွားကြောင်း သိရလေသည်။ (TABKAT-IBNIU SAD)

(၇)
တိုင်းပြည်တည်ငြိမ်အေးချမ်းလိုလျှင် ဗုဒ္ဓဘာသာဝင်များအနေဖြင့် မြတ်ဗုဒ္ဓ၏တရားတော်များကို လေ့လာ ဆောက်တည်ပွားများရန် ကြိုးစားရမည်။ ဓမ္မတရားတော်ကို လူသားတိုင်း   လေ့လာသိရှိမြတ်နိုးနိုင်ရန် နူးညံ့ သိမ်မွေ့စွာ မိတ်ဆက်ပေးရမည်။ “ဗုဒ္ဓဘာသာပြန့်ပွားရေး”ဟုဆို၍ သီရိလင်္ကာနိုင်ငံ စစ်သွေးကြွများကို စံမပြု သင့်သကဲ့သုိ့ အစ္စလာမ်ဘာသာဝင်များ အနေဖြင့် လည်း အစ္စလာမ်ဘာသာကို မြတ်နိုးလျှင် တမန်တော် မုဟမ္မဒ် ၏သြ၀ါဒတော်များ၊ ကုရ်အာန်ကျမ်းအတိုင်း ဘ၀တည်ဆောက်၍ ငြိမ်းချမ်းမှုကို လက်တွေ့ကျင့်မူရမည်။ တာလီဘန်-အလ်ကိုင်ဒါများကို စံမပြုသင့်ပါ။

မျိုးချစ်စိတ်ဟူသည် ကိုယ့်အမျိုးကြီးပွား တိုးတက်ရေး၊ ကမ္ဘာ့အလယ် ဂုဏ်ဝင့်ထည်ရေးအတွက် ကြိုးစား ခြင်းမည်၏။ ကိုယ့်အမျိုးသားများက မကောင်းမှုပြုနေခြင်းကို ကူညီခြင်းသည် မျိုးချစ်စိတ် မဟုတ်။ လောကီဒုက္ခ ကို သေးငယ်သည်ဟုဆို၍ တမလွန် ၀ဋ်ဆင်းရဲထဲသို့ တွန်းပို့သူနှင့် ပမာတူသည်။ အမျိုးသားရေးဟူသည် ကိုယ့်အမျိုးသားရေး ခေါင်းစဉ်ဖြင့် မဟုတ်မဟပ် လုပ်ဆောင်နေ သည်ကို ငါ့လူလုပ် တာအမှန်ဟူသော ဆင်ခြင် တုံတရား ကင်းမဲ့စွာ ထောက်ခံအားပေးခြင်းမျိုးကို ခေါ်ဆိုသည်မဟုတ်။ ပြဿနာတိုင်းကို မျှတစွာ ဆုံးဖြတ် ချက်ပေး၍ ဦးဆောင်နိုင်သူကိုသာ အမျိုးသားရေး ခေါင်းဆောင် ဟု ခေါ်ဆိုနိုင်သည်။ အဒေါ့ဖ်ဟစ်တလာ သည် ဂျာမန် အမျိုးသားခေါင်းဆောင်ဟု ခေါ်ဆိုနိုင်သော်လည်း ဂျူးများကို လူမျိုးတုန်းသတ်ဖြတ်ခဲ့သည့်အတွက် ဘ၀နိဂုံး ချုပ်မလှဖြစ်ခဲ့ရသည်။

ဆဒမ်သည် အီရတ်အမျိုးသားရေး ခေါင်းဆောင်အဖြစ်သို့ ရောက်ရှိခဲ့သော နိုင်ငံတိုးတက်ရေးအတွက် ကိုယ်စွမ်းဉာဏ်စွမ်းရှိသမျှ ကြိုးစားခဲ့သည်။ ကုလသမဂ္ဂကလည်း အသိအမှတ်ပြုခဲ့သည်။ သို့သော် ကူဝိတ်နိုင်ငံ သားတို့ကို လူသားချင်းစာနာမှု စိတ်ကင်းမဲ့ပြီး တိုက်ခိုက်ကျူးကျော်မှုကြောင့် ၎င်း၏ဘ၀ကို ကြိုးစင်ပေါ်၌ နိဂုံး ချုပ်ခဲ့ရသည်။

မိမိဘာသာဝင်များနှင့် မိမိအမျိုးသားများ အပေါ်သာ ကောင်းပြီး ဘာသာခြားလူမျိုးခြားများကို နှိပ်ကွပ်ခြင်း သည် မြင့်မြတ်သော လူ့ဂုဏ်သိက္ခာကို ထိပါးစော်ကားခြင်းဖြစ်သဖြင့် ကံကြမ္မာဒဏ် ခတ်ခြင်း ကို ခံစားရပေမည်။

အမျိုးသားရေးဟူသည် အမျိုးသားထုကြီးပွားရေးမှသည် ကမ္ဘာ့လူသားထုကို အကျိုးပြုသည်အထိ ရည်ရွယ် ရပါသည်။ တစ်နည်း အမျိုးသားတိုးတက်ရေးမှ လူသားထုတစ်ရပ်လုံး တိုးတက်ရေး သို့ ရှေ့ရှုမှသာ စစ်မှန်သော အမျိုးသားရေး၊ ကမ္ဘာက လေးစားသော အမျိုးသားရေးဖြစ်မည်။ အမျိုးသားရေးသည် ဘာသာခြား နှိမ်နှင်းရေး၊ လူမျိုးခြား ခွဲခြားရေး လုပ်ငန်းကိုသာ အဓိကထားပြီး   လောဘမီး၊ ဒေါသမီး၊ အာဃာတမီးများကို မငြိမ်းသတ်ပေးဘဲ လုပ်ဆောင်နေလျှင် မိမိကြောင့် ဘာသာတရား၏ အဆုံးအမနှင့် အညီ ကျင့်ကြံမှုမရှိသဖြင့် ဘာသာတရား၏ အနှစ်သာရကို မခံစားရတော့ပေ။ ဟင်းအိုးများ၌ ကျင်လည်ရသော်လည်း အရသာကို မခံစားရသော ယောက်မ ပမာဖြစ်သည်။

ဤသည်ပင်လျှင် အမျိုးသားရေး၊ မျိုးချစ်စိတ်ဟု သတ်မှတ်မိလျှင် လောကီစစ်ပွဲ လူ့ငရဲအဖြစ်နှင့် စစ်ပွဲများကိုသာ ဦးတည်ပြီး အဇ္ဈတ္တမီးများက ဗဟိန္ဒမီးများကို ကူးလောင်မြိုက်စေပြီး စစ်မီးလျှံ၏ တရား ခံဖြစ်သွားတတ်သည်။

တိုင်းပြည်အတွင်း အတူယှဉ်တွဲနေထိုင်ကြသည့် ဘာသာဝင်အသီးသီးက ဘာသာတရား၏ ငြိမ်းချမ်းရေး တရားကို စံမပြုဘဲ အမျိုးဘာသာသာသနာ ကာကွယ်စောင့်ရှောက်ရေး၊ ဘာသာခြားအန္တရာယ်၊ လူမျိုးခြား အန္တရာယ် ကာကွယ်ရေးဟုဆိုကာ စိုးရိမ်စိတ် လွန်ကဲပြီး ရန်ဘက်ပြုတုံ့ပြန်ရမည်၊ ဓာတ်တူချင်းမှ အသုံးတည့်မည်ဟု မမှတ်ယူသင့်ပါ။ ။

ဆောင်းပါးရှင်- မေတ္တာဖြူ (ရွှေကျွန်းမြေ)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: