ရခိုင်မှဒုက္ခသည်များအခြေအနေအလွန်စိုးရိမ်ရဟု ကုလ လူ့အခွင့် အရေး ကိုယ်စားလှယ် ပြော

M-Media

– အစွန်းရောက်ဗုဒ္ဓဘာသာဝင်များ၏ တိုက်ခိုက်မှုကြောင့် အိုးအိမ်စွန့်ခွာ ထွက်ပြေးခဲ့ရသော အစ္စလာမ်ဘာသာဝင်အများစုပါဝင်သည့် ရခိုင်ပြည်နယ် ကယ်ဆယ်ရေးစခန်းများရှိ ဒုက္ခသည် တစ်သိန်းကျော်၏ အခြေအနေမှာ အလွန်စိုးရိမ်ဖွယ်ရာ အနေအထားတွင်ရှိနေသည်ဟု မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် ယန်ဟီးလီက ပြောကြားလိုက်သည်။

လေ့လာဆန်းစစ်ရေးအဖြစ် မြန်မာနိုင်ငံသို့ ပထမဆုံးအကြိမ် ၁၀ ရက်ကြာလာရောက်ခဲ့သည့် ခရီးစဉ် အဆုံးသတ်ပြီးနောက် ယမန်နေ့ကထုတ်ပြန်ခဲ့သော ၁၀ မျက်နှာပါ ကြေညာချက်တွင် လီက ယခုကဲ့သို့ ပြောကြားလိုက်ခြင်းဖြစ်ပြီး မြန်မာနိုင်ငံ၏ လူ့အခွင့်အရေးအခြေအနေမှာလည်း ယိုယွင်းပျက်ဆီးနေသည်ဟု ဆိုသည်။

နှစ်ပေါင်း ၅၀ နီးပါးကြာ ဖိနှိပ်ခဲ့သည့် စစ်အုပ်ချုပ်ရေးလက်ထက်မှ ရွေးကောက်တင်မြှောက်ခဲ့သည့် အစိုးရ ၂၀၁၁ ခုနှစ်တွင် တက်လာပြီးကတည်းက ရှည်လျားသည့် ဒီမိုကရေစီခရီး အတွက်   မြန်မာနိုင်ငံအား အားပေးရမည်ဟုလည်း လီကပြောကြားခဲ့သည်။

“နောက်ပြန်လှည့်နိုင်တဲ့ စိုးရိမ်ဖွယ်ရာ လက္ခဏာတွေ ရှိနေပါတယ်။ ဒါတွေကို ဆန်းစစ်မှုမရှိတာက လူ့အခွင့်အရေးကို လေးစားပြီး ကာကွယ်ပေးတဲ့ နိုင်ငံတကာအသိုင်းအ၀ိုင်းမှာ တာဝန်ယူ တတ်တဲ့ အဖွဲ့ဝင်ဖြစ်နိုင်ငံဖြစ်လာရေး ကြိုးပမ်းမှုကို ပျက်စီးစေနိုင်ပါတယ်” ဟု လီက ဆိုသည်။

လီမှာ ရခိုင်ပြည်နယ်ရှိ ဒုက္ခသည်စခန်းများသို့ သွားရောက်ကာ ဒုက္ခသည်များ၏ အခြေအနေကို ကြည့်ရှူခဲ့ပြီး နိုင်ငံရေးခေါင်းဆောင်များ၊ အရပ်ဖက်ခေါင်းဆောင်များနှင့်လည်း တွေ့ဆုံခဲ့သည်။

အဆိုပါစခန်းများရှိ ဒုက္ခသည်များမှာ အခြေလိုအပ်ချက်များကို လုံလုံလောက်လောက် မရဟု ယုံကြည်ရကြောင်း၊ အရေးပေါ် ကျန်းမာရေး စောင့်ရှောက်မှုမရခြင်း၊ နာကျန်းဖြစ်မှုများအား လုံလောက် စွာ ကာကွယ်ပေးမှု မရှိခြင်းနှင့် ကိုယ်ဝန်ဆောင်မှုနှင့် ဆက်စပ်သည့်အခြေအနေများကြောင့် သေဆုံးသူများရှိနေသည်ဟု ကြားသိခဲ့ရကြောင်း လီက ဆိုသည်။ ထို့ပြင် ဒုက္ခသည် များ ၏ အခြေအနေမှာ တုန်လှုပ်ဖွယ်ရာဖြစ်သည်ဟုလည်း ပြောကြားခဲ့သည်။

“သူတို့ရဲ့ ဥဒေဆိုင်ရာ အခြေအနေကြောင့်(နိုင်ငံသားဖြစ်ခြင်းဆိုင်ရာ အကြောင်းကြောင့်) မွတ်စလင်လူ့အဖွဲ့အစည်းဟာ စနစ်တကျ ခွဲခြားဆက်ဆံမှုကို ရင်ဆိုင်ခဲ့ရပြီး ဆက်လက် ရင်ဆိုင်နေ ရပါတယ်။ ဒီခွဲခြားဆက်ဆံမှုတွေထဲမှာ လွတ်လပ်စွာ သွားလာလှုပ်ရှားခွင့် ကန့်သတ်တာ၊မြေယာပိုင်ဆိုင်မှု အစားအသောက်၊ ရေ၊ ကျန်းမာရေးစောင့်ရှောက်မှု စတာတွေကို ကန့်သတ်တာနဲ့ လက် ထပ် ထိမ်းမြားမှု၊ ကလေးမွေးဖွားမှုတွေကို ကန့်သတ်တာတွေလည်း ပါဝင်ပါတယ်” ဟု လီကဆိုသည်။

ထို့ပြင် ငြိမ်းချမ်းစွာ အတူယှဉ်တွဲနေထိုင်ရေး အစိုးရ၏ ရေရှည်စီမံကိန်းက အမြဲတမ်း ဘာသာလူမျိုး ခွဲခြားရေးပုံစံဖြစ်သွားမည်ကိုလည်း စိုးရိမ်မိကြောင်း ပြောကြားခဲ့သည်။

အမုန်းပွားမည့်စကားများအား ပိတ်ပင်သည့် ဥပဒေပြဌာန်းရန်အတွက်လည်း လီက တိုက်တွန်းခဲ့ပြီး မီဒီယာများ၊ အင်တာနက်စာမျက်နှာများတွင် ထိုအမုန်းစကားများ ပြန့်ပွားခြင်းနှင့် အကြမ်း ဖက်ရေး၊ ခွဲခြားရေးနှင့် ရန်လိုမှုများဖြစ်ပေါ်လာစေရန် လှုံ့ဆော်မှုများက အကြမ်းဖက်မှုများ ပိုမိုဖြစ်ပွားရန် မီးထိုးပေးခြင်းနှင့် အစေပျိုးပေးခြင်းတို့ ဖြစ်လာမည်ကို စိုးရိမ်မိသည်ဟု လည်း   ပြောကြား ခဲ့သည်။

ထို့ပြင် မွတ်စလင်လူ့အဖွဲ့အစည်း၏ နိုင်ငံသားအခွင့်အရေးကို ကန်သတ်မည့် အမျိုး၊ ဘာသာ၊ သာသနာ ကာကွယ်စောင့်ရှောက်ရေးဟုခေါ်သည့် ဥပဒေပြဌာန်းရန် ဆောင်ရွက်မှုကို စွန့်လွှတ်ရန် လည်း တိုက်တွန်းခဲ့သည်။

Source: AP

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: