Daily Archives: September 2nd, 2014

လုပ်ငန်းရှင်ကြီးအချို့နှင့် အဖော်ပြုပေးရန် ကမ်းလှမ်းခံခဲ့ရပြီး တောင်းပန်မှ သရဖူပြန်ပေးမည်ဟု မေမြတ်နိုးပြော……

သရဖူပြန်သိမ်းခံရပြီး နောက် ဒေါ်လာတစ်သိန်းတန် သရဖူယူပြီး ရှောင်တိမ်းနေ ကြောင်း စွပ်စွဲခံနေရသော အာရှပစိဖိတ်မယ် မေမြတ်နိုးက ၎င်းကို အဖွဲ့က လုပ်ငန်းရှင်ကြီးအချို့နှင့် အဖော်ပြုပေးရမည်ဟု ပြောခဲ့ပြီး ထိုအချက်အပါအ၀င် အဓိကအချက်လေးချက်ကြောင့် အိမ်ပြန်ခဲ့ခြင်းဖြစ်ကာ ၎င်းနှင့် နိုင်ငံ့ဂုဏ်သိက္ခာကျဆင်းခဲ့ရမှုများအတွက် Miss Asia Pacific World အဖွဲ့မှ တောင်းပန်ရန် တောင်းဆိုလိုက်သည်။

မေမြတ်နိုးကို ယင်းအဖွဲ့က ခန္ဓာကိုယ် တစ်ကိုယ်လုံးခွဲစိတ် ပြုပြင်ရန် ဖိအားပေးခဲ့သည်ဟု ဆိုပြီး ကိုရီးယားနိုင်ငံသို့ ရောက်
ရှိစဉ် ဂျပန်နိုင်ငံသို့ မိခင်မပါဘဲ သွားရန် ပြောကြားမှုမှာ ဗီဇာတိုးမြှင့်ရန်မှအပ အကြောင်းပြချက် ရေရေရာရာ မပေးနိုင်ခဲ့သလို သီချင်းအယ်လ်ဘမ်အတွက် ထောက်ပံ့ငွေရရှိစေရန် ကုမ္ပဏီလိုအပ်ချက်အရ စီးပွားရေးလုပ်ငန်းရှင်ကြီး အချို့ကို အဖော်ပြုပေးရ မည်ဟု ကမ်းလှမ်းခဲ့ကြောင်း မေမြတ်နိုးက ဖေ့စ်ဘွတ်ခ်တွင် ရေးသားထားပြီး သတင်းစာရှင်းလင်းပွဲတွင်လည်း ပြောကြားသွားခဲ့သည်။

ထို့အပြင် အထက်ပါအဖွဲ့က စွပ်စွဲသကဲ့သို့ ဒေါ်လာတစ်သောင်းတန် ရင်သားခွဲစိတ်မှု ပြုလုပ်ခဲ့သည်ဆိုခြင်းမှာ မဟုတ်မှန်ကြောင်း ငြင်းဆိုလိုက်သည်။

‘‘ကိုရီးယားအဖွဲ့က ဒီလို အသရေဖျက်မှုတွေ၊ မြန်မာနိုင်ငံရဲ့ မကောင်းကြောင်းတွေ၊ လိမ်လည်မှုတွေနဲ့ စွပ်စွဲပြီးတော့ မီဒီယာမှ သရဖူကို ခိုးပြီးတော့ ပြန်သွားပါတယ်ဆိုတဲ့ ဥစ္စာကို ရေးထားတာ မေမြတ်နိုးလို့ ရေးထားတာမဟုတ်ဘဲနဲ့ မြန်မာအလှမယ်ကလို့ ရေးထားတာက မြန်မာနိုင်ငံကို စော်ကားတာနဲ့ အတူတူပါပဲ။ သူတို့ဘက်ကနေပြီးတော့ သူတို့ အမှားက သမီးအမှားပါလို့ ပုံချပြီးတော့ မြန်မာနိုင်ငံကို ရှုတ်ချစေတဲ့ စကားတွေနဲ့ နိုင်ငံတကာကို ဖြန့်တဲ့အတွက် သူတို့ဆီက တောင်းပန်စာလိုချင်ပါတယ်။ သမီးကိုရော မြန်မာနိုင်ငံရဲ့ ဂုဏ်သိက္ခာကို ထိခိုက်စေတဲ့အတွက် တောင်းပန်စာပေးမှ ဒီသရဖူကို မြန်မာနိုင်ငံက သက်ဆိုင်ရာ လူကြီးတွေရှေ့မှာ ပြန်ပေးမယ်လို့ ပြောကြားချင်ပါတယ်ရှင်’’ ဟု စက်တင်ဘာ ၂ ရက် နံနက်တွင် ပြုလုပ်ခဲ့သော သတင်းစာရှင်းလင်းပွဲတွင် မေမြတ်နိုးက ပြောကြားသည်။

သတင်းစာရှင်းလင်းပွဲသို့ ပြည်တွင်းမီဒီယာများအပြင် နိုင်ငံတကာမီဒီယာများလည်း တက်ရောက်ခဲ့ပြီး မေမြတ်နိုးက မြန်မာ၊ အင်္ဂလိပ်နှစ်ဘာသာဖြင့် ရှင်းလင်းပြောကြားသွားခဲ့သည်။

(မေမြတ်နိုး ဖေ့စ်ဘုတ်ခ်တွင် တင်ထားသော ရှင်းလင်းချက် အပြည့်အစုံ)

တောင်ကိုရီးယား နိုင်ငံကနေ အချိန်မတန်ဘဲ ပြန်လာခဲ့တဲ့ ကိစ္စနဲ့ ပတ်သက်လို့ ပြီးခဲ့တဲ့ ရက်ပိုင်းတွေ အတွင်းမှာ ကျွန်မအပေါ် ဆိုးဆိုးဝါးဝါး ပုတ်ခတ် စွပ်စွဲမှုတွေ ရှိခဲ့ပါတယ်။ ကျွန်မရဲ့ ပထမဆုံး တုံ့ပြန်မှုကတော့ ကျွန်မအတွက် ချစ်ခင်စိတ် အပြည့်နဲ့ ထောက်ခံရပ်တည်ပေးသူတွေရယ်၊ မြန်မာနိုင်ငံနဲ့ နိုင်ငံရပ်ခြားကနေ ကျွန်မအတွက် ဆုမွန်ကောင်းတွေ ပေးပို့သူတွေရယ်ကို အလေးအနက် ကျေးဇူးတင်ကြောင်း ပြသချင်တာပါပဲ။ ကျွန်မကို အသရေဖျက်ဖို့ စနစ်တကျ ဇာတ်တိုက်ထားတဲ့ အခုလို အကြံအစည်မျိုးကို တွန်းလှန်နိုင်ရေးမှာ အခုလို ယုံကြည်မှုနဲ့ စာနာမှုတွေက ကျွန်မအတွက် စွမ်းရည်သစ်တွေ ရရှိလာစေမယ့် အဓိက အခြေခံ အကြောင်းရင်း တစ်ရပ် ဖြစ်ပါတယ်။

အချိန်မတန်သေးတဲ့အတွက် ကျွန်မ နှုတ်ဆိတ်နေခဲ့တယ်။ ဒါပေမဲ့ ဒီနေ့မှာတော့ ကျွန်မဟာ အလျှော့ပေးလို့၊ မတုံ့ပြန်ဘဲ ငြိမ်နေလို့ မရတဲ့ အခြေအနေမျိုးမှာ ကျရောက်နေမှန်း သိလာပါပြီ။ ကျွန်မအနေနဲ့ ကိုယ့်နိုင်ငံရဲ့ ဂုဏ်သိက္ခာကို ကာကွယ်ရပ်တည်မှု မရှိဘူးဆိုရင် မျိုးချစ်စိတ် လုံးဝကင်းမဲ့ရာ ရောက်နေပါလိမ့်မယ်။ ကျွန်မအပေါ် စွပ်စွဲသူတွေက ကျွန်မတို့ ပြည်ထောင်စုရဲ့ ဂုဏ်သိက္ခာအပေါ် စတင်ပြီး စော်ကားလာနေပါပြီ။ မြန်မာမိန်းကလေး တစ်ယောက်အနေနဲ့ ကျွန်မ ဝမ်းအနည်းရဆုံး ကိစ္စကတော့ ဒီမှာရှိနေတဲ့ အမျိုးသား ဒါရိုက်တာတွေက မှားယွင်းတဲ့ စွပ်စွဲချက်တွေကို လက်ခံ သဘောတူနေသလိုမျိုး နှုတ်ထွက် ပြောဆိုလာတာ ဖြစ်ပါတယ်။ ပြီးတော့ ကျွန်မတို့ နိုင်ငံရဲ့ ဂုဏ်သိက္ခာ အပေါ်မှာလည်း မေးခွန်းထုတ်လာကြတယ်။

Miss Asia Pacific World အဖွဲ့ကြီးက ကျွန်မအပေါ် စွပ်စွဲထားမှုတွေထဲက တစ်ခုက ကျွန်မကို အောင်ပွဲရ အလှမယ် ဖြစ်လာစေတဲ့ မီဒီယာတွေနဲ့ ပရိသတ်တွေအပေါ် လိမ်ညာခဲ့ပြီး ဘယ်တုန်းကမှ လေးစားမှု မရှိခဲ့ဘူး ဆိုတာပါပဲ။ ဒီအတွက် ကျွန်မ ပြောဖို့လိုတာက သူတို့ စွပ်စွဲထားသလိုမျိုး သတင်းမီဒီယာတွေဘက်ကဖြစ်စေ၊ ပြည်သူလူထုဘက်ကဖြစ်စေ အရေးဆို စောဒကတက်တဲ့ ကိစ္စမျိုး ကျွန်မ တစ်ခါမှ မကြားဖူးဘူး ဆိုတာပါပဲ။ တကယ်တော့ ကျွန်မရဲ့ အေဂျင်စီနဲ့ ချုပ်ဆိုထားတဲ့ စာချုပ်အရ ကျွန်မဟာ အဆိုတော် တစ်ယောက်အနေနဲ့ ကိုရီးယားမှာ (၃)လလောက် အလိုက်အထိုက် နေထိုင်ပေးဖို့ဆိုတဲ့ အချက်လည်း ပါဝင်ပါတယ်။ တကယ်တမ်း ကိုရီးယားကို ရောက်သွားတော့ ဒီအတွက် စီစဉ်ထားတာ ဘာမှ မရှိတဲ့အတွက် ကျွန်မ အံ့ဩ စိတ်ပျက်ခဲ့ရပါတယ်။ အဖွဲ့ကြီးက ဩဂုတ် (၂၉)ရက်နေ့ အထိပဲ နေထိုင်ဖို့ သူတို့ရဲ့ ဖိတ်စာမှာ သတ်မှတ် ထည့်သွင်းထားပေမယ့် ကျွန်မရဲ့ အမေက (၃)လ ဗီဇာကို တရားမဝင် ရယူခဲ့တယ် ဆိုပြီးတော့လည်း စွပ်စွဲထားပါတယ်။

ဒီစွပ်စွဲချက်အတွက် ကျွန်မ သူတို့ကို အထင်ကြီးရမလိုပါပဲ။ သူတို့ရဲ့ ဖိတ်စာမှာ ကန့်သတ်ချက် ထည့်သွင်းထားတယ်ပဲ ယူဆထားဦးတော့၊ ရန်ကုန်မှာ ရှိနေတဲ့ ကိုရီးယား သံရုံးဟာ သူတို့ စံနှုန်းနဲ့ ကိုက်ညီရင် ဘယ်လောက်ကြာအောင် နေမယ်ဆိုပြီး လျှောက်ထားလာတဲ့ ဘယ်သူ့ကိုမဆို ဗီဇာတစ်ရပ် ထုတ်ပေးမှာပဲလေ။ တချို့က ပြောကြပါတယ်။ ကျွန်မက အလှမယ် အဖြစ်က ဖယ်ရှားခံရတဲ့နောက် သရဖူကို ယူဆောင်သွားတယ် ဆိုပြီးတော့ပါ။ ဒါပေမဲ့ ကိုရီးယားက ကျွန်မ ထွက်ခွာလာချိန်ထိ အဖွဲ့ကြီးဆီက ပို့လိုက်တဲ့စာက ကျွန်မဆီ မရောက်သေးပါဘူး။

ကျွန်မကို အိမ်ပြန်စေဖို့ သူတို့ မဲပေးဆုံးဖြတ်လိုက်တယ် ဆိုတာနဲ့ ပတ်သက်ပြီး တကယ်တမ်းဆို ကျွန်မ သိပ်တော့ မအံ့ဩပါဘူး။ သူတို့ရဲ့ ပြောင်ပြောင်တင်းတင်း ကျူးလွန် လုပ်ဆောင်မှုတွေကို ကျွန်မအပေါ် အပြစ်ပုံချလိုက်တာကိုပဲ အံ့ဩမိတာပါ။ နောင်တရချင်စရာ အချက်အလက်တွေ အများကြီး ရှိခဲ့ပါတယ်။ အဲဒီထဲမှာ တချို့က ပညာရပ်ပိုင်း ဆန်ပါတယ်။ အချိန်တွေ ကြာလာလေလေ သူတို့နဲ့ ရှေ့ဆက် လက်တွဲလုပ်ဆောင်ခြင်းဟာ ကျွန်မအနေနဲ့ နုံအရာ ကျလေလေဆိုတာ သဘောပေါက်လာခဲ့တယ်။ ဒါပေမဲ့ အခုတော့ အများပြည်သူ သိသင့်သိထိုက်တာကို ဖော်ထုတ်ပြသင့်တဲ့ အခြေအနေမျိုး ဖြစ်လာပါပြီ။ အိမ်ပြန်ခဲ့တဲ့ ကျွန်မရဲ့ ဆုံးဖြတ်ချက်နဲ့ ပတ်သက်ပြီး အဓိက ကျခဲ့တဲ့ အချက်ကတော့ –

– ကျွန်မက ငြင်းဆန်နေလျက်နဲ့ ခေါင်းအစ ခြေအဆုံး အလှအပ ခွဲစိတ်ပြုပြင်ဖို့ အတင်းအကျပ် ခိုင်းစေခံခဲ့ ရပါတယ်။
– ကျွန်မရဲ့ အမေဟာ ကိုရီးယားမှာ နေထိုင်ဖို့ (၃)လ ဗီဇာ ရထားပေမယ့် ကျွန်မရဲ့ စာချုပ်ကို ဖျက်သိမ်းလိုက်ချိန်မှာ ကိုရီးယားကနေ အတင်းအကျပ် ပြန်ခိုင်းခဲ့ပါတယ်။ တကယ်တော့ စာချုပ်ပါ သတ်မှတ်ချက်တွေအရ ကျွန်မရဲ့ မိသားစုဟာ ကိုရီးယားမှာ လိုက်ပါနေထိုင်ခွင့် ရှိရမှာပါ။
– ကျွန်မဟာ အမေမပါဘဲ ကိုရီးယားကနေ ခဏတာ ထွက်ခွာသွားပြီး ဂျပန်မှာ ရက်ပိုင်းလောက် သွားနေရမယ်လို့ ပြောပါတယ်။ ဒီကိစ္စမှာ ကျွန်မရဲ့ ကိုရီးယား ဗီဇာကို တိုးမြှင့်ဖို့ ဆိုတာကလွဲရင် ရေရေရာရာ အကြောင်းပြချက်မျိုး မပေးနိုင်ပါဘူး။
– ကျွန်မရဲ့ သီချင်း အယ်လ်ဘမ်အတွက် ထောက်ပံ့ငွေ ပိုရစေဖို့အတွက် ကုမ္ပဏီရဲ့ လိုအပ်ချက်အရ စီးပွားရေး လုပ်ငန်းရှင်ကြီး တချို့ကို ကျွန်မက အဖော်ပြုပေးရမယ် ဆိုတာမျိုးလည်း ပြောပါတယ်။

တချို့တွေက ကျွန်မဟာ တန်ဖိုးကြီးမားတဲ့ ပလပ်စတစ် ဆာဂျရီ ခွဲစိတ်မှု တစ်ခုကို အဖွဲ့ကြီးဆီက အထောက်အပံ့ ရရှိစေဖို့အတွက် အလှမယ်ပြိုင်ပွဲ အောင်နိုင်သူ တစ်ဦးဆိုတဲ့ ကျွန်မရဲ့ ပုံရိပ်အပေါ် အလွဲသုံးစား လုပ်ခဲ့တယ်လို့ ပြောကြပါတယ်။ အသရေဖျက်ထားတဲ့ ကိစ္စတစ်ခု အပေါ်မှာ ကျွန်မက ကိုယ့်ကိုယ်ကိုယ် လှပလာအောင် ခွဲစိတ် မခံခဲ့ပါဘူး ဆိုတာကို သက်သေပြနေဖို့ လိုအပ်ဦးမှာလား။ ကျွန်မရဲ့ တစ်ခုတည်းသော နောင်တက အမျိုးသား ဒါရိုက်တာတွေက ကျွန်မအသက်ကို (၁၆)နှစ်ကနေ (၁၈)နှစ်လို့ ပြောင်းလဲခဲ့တဲ့အပေါ် လုံလောက်တဲ့အထိ ခိုင်ခိုင်မာမာ မဆန့်ကျင်မိခဲ့တာပါပဲ။

ဒီထက်ပိုတဲ့ တခြားအသေးစိတ် ရှင်းလင်းပြောဆိုမှုတွေကို မြန်မာ သတင်းမီဒီယာတွေနဲ့ တွေ့ဆုံချိန်မှာ ပြုလုပ်သွားပါမယ်။ ကျွန်မနဲ့ ကျွန်မအမေက ကိုရီးယားက အစီအစဉ်မှူးတွေရယ်၊ သူတို့နဲ့ ဆက်နွယ်နေတဲ့ မြန်မာ အမျိုးသား ဒါရိုက်တာ အဖွဲ့ရယ်နဲ့ ပြောဆို ဆွေးနွေးတဲ့ အခါတွေမှာ မူမမှန်ဘူးလို့ ခံစားမိရင် အသံနဲ့ ဗီဒီယို မှတ်တမ်း သက်သေတွေ ရယူထားနိုင်တဲ့ အတွက်တော့ စိတ်သက်သာရာ ရမိကြောင်း ဝန်ခံရပါမယ်။

နောက်ပြီး ကျွန်မ အနေနဲ့ အလှမယ်ပြိုင်ပွဲ အောင်မြင်သူ တစ်ယောက် အနေနဲ့ မသင့်တော်တဲ့ အပြုအမူမျိုး၊ လုပ်ဆောင်မှုမျိုး ဘယ်တုန်းကမှ မပြုမူခဲ့တာ အခိုင်အမာ ပြောနိုင်ပါတယ်။ ကျွန်မ အနေနဲ့လည်း ဒီလို အဖွဲ့အစည်း တစ်ရပ်က ပေးအပ်တဲ့ သရဖူကို လက်ထဲမှာ ဂုဏ်ယူဝံ့ကြွားစိတ် အပြည့်နဲ့ ကိုင်ဆောင်ထားမှာ မဟုတ်ပါဘူး။ ဒါပေမဲ့ ဒါဟာ ကျွန်မက ဒီပစ္စည်းကို အမျိုးသား ဒါရိုက်တာတွေဆီ လက်လွှတ် ပေးလိုက်တဲ့ သဘောမျိုး မသက်ရောက်စေပါဘူး။ သူတို့ရဲ့ စိတ်နေစိတ်ထားနဲ့ မယုံကြည်ရမှုတွေကြောင့် အနာဂတ်ကာလ အလှမယ် ပြိုင်ပွဲတွေမှာ သူတို့ရဲ့ ပါဝင်ပတ်သက်မှုတိုင်းကို ဆန့်ကျင်ဖို့၊ မဟုတ်ရင်လည်း တားမြစ် ပိတ်ပင်ဖို့ လုပ်ဆောင်သင့်ကြောင်း ကျွန်မ အခိုင်အမာ ယုံကြည်ပါတယ်။

အဖွဲ့ကြီးရဲ့ ဗြောင်ကျကျ မုသားစကား တချို့ရယ်၊ အဖွဲ့ကြီးကလူတွေ ကျေနပ်ရင် ပြီးရောဆိုပြီး ဘာမဆို အရှက်မရှိ လုပ်ရဲတဲ့ ဒါရိုက်တာတွေရယ်ကြောင့် ဒီလို ရွံစရာကောင်းတဲ့ ကိစ္စထဲမှာ ကျွန်မတို့နိုင်ငံရဲ့ ဂုဏ်သိက္ခာက လှောင်ပြောင် သရော်တာတွေ ခံနေရပါပြီ။ ကျွန်မကို သိက္ခာချဖို့ အားထုတ်တဲ့အခါ သူတို့ဟာ မြန်မာ အလှမယ်က သရဖူကို ခိုးယူပြီး အိမ်ပြန်သွားပါတယ် ဆိုတာမျိုး အခြေအနေ တစ်ရပ်ကို သတင်းမီဒီယာတွေ ကနေတစ်ဆင့် ဖန်တီးလိုက်ပါတယ်။ ဒါကြောင့်လည်း သူတို့ လုပ်ရပ်ကြောင့် ကျွန်မနိုင်ငံရဲ့ ဂုဏ်သိက္ခာ ထိခိုက်ခဲ့တာကို ပြန်အဖတ်ဆည်ဖို့ သူတို့ဆီက တောင်းပန်မှု တစ်ရပ်ကို ကျွန်မ တောင်းဆိုတာ သဘာဝ ကျပါတယ်။ သူတို့ဘက်က အမှားကိုသိလို့ ပြန်ပြင်တဲ့ အခြေအနေမျိုး ရှိလာရင် ကျွန်မဘက်ကလည်း သရဖူကို စိတ်ရှင်းရှင်းနဲ့ ပြန်ပေးအပ်သွားဖို့ လိုလားပါတယ်။

ကောင်းပါပြီ။ ကျွန်မအနေနဲ့ ရှင်တို့ရဲ့ အချိန်ကို အများကြီး ယူထားလိုက်တာမျိုး မဖြစ်သင့်ပါဘူး။ ကျွန်မအနေနဲ့ အများပြည်သူရဲ့ စာနာပေးမှုနဲ့ နားလည်မှုတွေအတွက် ကျေးဇူးတင်ကြောင်း ထပ်ပြီး ပြောခွင့်ပြုပါ။

7Day News Journal

အမျိုးသမီးများအခွင့်အရေးတိုက်ပွဲ ဝင် နေ သူ ပြော စကား

 
မဝေဝေနု (Women for Justice)

မဝေဝေနု (Women for Justice)

ဒီတပတ် မြန်မာ့ဒီမိုကရေစီရေးရာ ဆွေးနွေးခန်းအစီအစဉ်မှာ မြန်မာနိုင်ငံက အမျိုးသမီးတွေဟာ အမျိုးသမီးဖြစ်နေတဲ့အတွက် တရားမျှတမှု ရရှိရေးမှာ အားနည်းနေသေးတယ်လို့ Justice for Women အဖွဲ့က မဝေဝေနု က ပြောပါတယ်။ သူတို့အဖွဲ့ဟာ အမျိုးသမီးတွေအတွက် တရားရေးဆိုင်ရာ ဝင်ဆောင်မှုတွေကို အခမဲ့ပေးနေတဲ့အဖွဲ့ ဖြစ်ပါတယ်။ နိုင်ငံရေး၊ လူမှုရေးပိုင်မှာ အမျိုးသမီးတွေ တက်တက်ကြွကြွ ပါဝင်လာဖို့အတွက် စွမ်းရည်မြှင့်တင်မှု အသိပညာပေးမှုတွေ လုပ်ပေးတာဟာ မြန်မာနိုင်ငံရေး အပြောင်းအလဲမှာ အထောက်အကူ ဖြစ်နိုင်တယ်လို့လည်း မဝေဝေနု က ပြောပါတယ်။ သမ္မတဟောင်း Gorge W. Bush ရဲ့  Bush Center က စီစဉ်တဲ့ ဒီနှစ်အတွက် လွတ်လပ်မှုနဲ့ ခေါင်းဆောင်မှု သင်တန်းကို လာရောက်တက်ရောက်ပြီး ဝါရှင်တန်ဒီစီကို လာရောက်လည်ပတ်စဉ် မဝေဝေနု ကို ဗွီအိုအေက တွေ့ဆုံမေးမြန်းထားပါတယ်။

မခင်ဖြူထွေး ။ ။ မဝေဝေနု အခုလို ကျမတို့ ဗွီအိုအေရုံးကို တခုတကလာပြီး အင်တာဗျူးပေးတဲ့အတွက်လည်း အများကြီး ကျေးဇူးတင်ပါတယ်ရှင့်။

မဝေဝေနု ။ ။ အခုလို ဖိတ်ကြားပြီး အင်တာဗျူးပေးတဲ့အတွက်လည်း ကျေးဇူးတင်ပါတယ်။

မခင်ဖြူထွေး ။ ။ မဝေဝေနု က မြန်မာနိုင်ငံမှာ လူ့အခွင့်အရေး၊ အမျိုးသမီးရေး၊ အဓိကထားပြီးတော့ တက်ကြွလှုပ်ရှားနေသူတစ်ဦးလို့ ကျမ သိထားရပါတယ်။ မြန်မာနိုင်ငံမှာ အမျိုးသမီးအခွင့်အရေးနဲ့ ပတ်သက်လာလို့ရှိရင် အမျိုးသမီးတွေဟာ ဘယ်လောက်အထိ အခွင့်အရေး ဆုံးရှုံးနေတယ်လို့ ပြောနိုင်သလဲ။

မဝေဝေနု ။ ။ ဒီအတိုင်း ခြုံကြည့်မယ်ဆိုရင်တော့ အာရှနိုင်ငံတွေထဲမှာ ခြုံကြည့်မယ်ဆိုရင် မြန်မာနိုင်ငံက အမျိုးသမီးတွေဟာ လူ့အခွင့်အရေးနဲ့ ပတ်သက်ပြီး သိပ်ပြီးဆုံးရှုံးခံရတာမျိုး မရှိဘူးလို့ ပြောကြတယ်။ နောက်တခါ ဒီ မိသားစုထဲမှာလည်း မိခင် အမျိုးသမီးဆိုပြီး respect ပေးခံရတယ်။ အလေးထားခံရတယ်ဆိုတာလည်း မှန်ပါတယ်။ ဒါပေမဲ့ တခြားတဖက်က ပြန်ကြည့်မယ်ဆိုလို့ရှိရင် အမျိုးသမီးတွေဟာ အခုအချိန်အထိ အမျိုးသမီးဖြစ်နေလို့၊ ဥပမာ sexual violence လိင်ပိုင်ဆိုင်ရာ စော်ကားခံရတာမျိုးတွေ အများကြီးရှိနေသေးတယ်။ နောက်တခုက အမျိုးသမီးတွေ နိုင်ငံရေးမှာ ပါဝင်မှုတွေလည်း နည်းနည်းလေးပဲ ရှိနေသေးတယ်။ အခုလည်း လူမှုရေး၊ စီးပွားရေးတွေမှာ အမျိုးသမီးတွေ နောက်ကျနေသေးတယ်ဆိုတဲ့ဟာမျိုးတွေ ရှိနေသေးတော့ ဒါဟာ အမျိုးသမီးအခွင့်အရေးနဲ့ သွားပြီးသက်ဆိုင်တယ်လို့ မြင်ပါတယ်။

မခင်ဖြူထွေး ။ ။ ဆိုတော့ မဝေဝေနု ကိုယ်တိုင်က အမျိုးသမီးအခွင့်အရေးကို လှုပ်ရှားတက်ကြွသူတစ်ယောက်အနေနဲ့ အမျိုးသမီးအခွင့်အရေးကို ပြောလာတဲ့အခါကြရင် ဘယ်လို ဒီအပေါ်မှာ ယုံကြည်လက်ခံမှုနဲ့ ဒီလှုပ်ရှားမှုမှာ ပါဝင်ပတ်သက်နေသလဲ။

မဝေဝေနု ။ ။ ကျမအနေနဲ့ ပြောရမယ်ဆိုရင် မှန်တယ် ကျမတို့ အမျိုးသမီးတွေက ဥပမာ ကျမတို့မှာ ဒေါ်အောင်ဆန်းစုကြည်လို လေးစားအားကျရတဲ့ အမျိုးသမီးခေါင်းဆောင်တွေ ရှိတယ်။ ဒါက ကျမတို့ မြန်မာအမျိုးသမီးတွေအတွက် တကယ် ကံကောင်းတဲ့အရာတခုလို ပြောရမှာပေါ့။ ကျမတို့မှာ လေးစားစရာရှိတယ်ပေါ့။ နောက်ပြီးတော့လည်း စီးပွားရေးမှာ တချို့ အပိုင်းမှာ အမျိုးသမီးတွေက တက်တက်ကြွကြွ ပါဝင်လုပ်ဆောင်လာနိုင်တာရှိတယ်။ ဒါပေမဲ့ ကျမတို့ အမျိုးသမီးအခွင့်အရေးကို မြန်မာပြည်မှာ အမျိုးသမီးအခွင့်အရေးလို့ ပြောတဲ့အခါမှာ ကျမတို့က အခုနလို ပါဝင်ခွင့်ရတဲ့ အမျိုးသမီးတစု၊ ဒါမှမဟုတ် ရန်ကုန်မြို့ ၊ မန္တလေးမြို့  တကွက်ကိုပဲ ကြည့်လို့မရဘူးလို့ ကျမမြင်တယ်။ မြန်မာပြည်လို့ ပြောတဲ့အခါမှာ မြန်မာပြည်ထိပ်ဆုံးကနေ အောက်ဆုံးအထိ၊ မြောက်ပိုင်းကနေ တောင်ပိုင်း၊ အရှေ့ ပိုင်းကနေ အနောက်ပိုင်းအထိ မြန်မာပြည်ရဲ့  ဧရီယာအတွင်းမှာ ရှိနေတဲ့ မြန်မာအမျိုးသမီးတွေအားလုံးရဲ့  အခြေအနေနဲ့ ခြုံငုံပြီး တိုင်းတာရမယ်လို့ ထင်တယ်။ အဲဒီလိုဆိုတဲ့အခါကြတော့ ကြည့်လိုက်မယ်ဆိုရင် တခြားဒေသ၊ ရန်ကုန်မြို့ လိုဒေသလို မဟုတ်ဘဲ တခြားတိုင်းရင်းသားဒေသတွေမှာ rural area တွေမှာ အမျိုးသမီးတွေဟာ အများကြီးနောက်ကျနေတယ်။ အခွင့်အလမ်းတွေ မရဘူးပေါ့။ ဆိုတဲ့အခါကြတော့ ကျမက အဲဒါနဲ့ တိုင်းတာပြီးတော့ အမျိုးသမီးအခွင့်အရေးနဲ့ ပတ်သက်ပြီး ယှဉ်ပြီးတော့ ပြောလေ့ရှိတယ်။ လုပ်လေ့ရှိပါတယ်။ အဲဒါကို အဓိက မြှင့်တင်ပေးချင်တာပေါ့။

မခင်ဖြူထွေး ။ ။ ကျေးလက်ဒေသက အမျိုးသမီးတွေရဲ့  အမျိုးသမီးအခွင့်အရေးပိုင်းမှာ ဒီအပေါ်မှာ သိရှိလာဖို့အတွက် အားနည်းမှုတွေ ရှိနေတယ်ဆိုတော့။

မဝေဝေနု ။ ။ အမျိုးသမီးအခွင့်အရေး သိရှိလာဖို့ အားနည်းမှု ရှိတဲ့အပြင်၊ အမျိုးသမီးအခွင့်အရေးပါ ချိုးဖောက်ခံနေရတယ်။ ဥပမာ အမျိုးသမီးဖြစ်လို့ ဥပမာ လိင်ပိုင်ဆိုင်ရာ စော်ကားမှု ခံရတဲ့ဟာမျိုး၊ အမျိုးသမီးဖြစ်လို့ ပညာရေးမှာ နောက်ကျနေတဲ့ဟာမျိုး၊ ပညာရေးမှာ အခွင့်အလမ်း ပိုမရတဲ့ဟာမျိုးတွေ။ အဲဒါမျိုးတွေကလည်း အများကြီး ရှိနေသေးတယ်။

မခင်ဖြူထွေး ။ ။ အမျိုးသမီးတွေကလည်း မဝေနု ထောက်ပြတဲ့ အခြေအနေတွေကို သိရှိနားလည်းကြလား။ သူတို့ သိရှိနားလည်းမှုပိုင်မှာ အားနည်းနေသေးတယ်ဆိုရင် သိလာအောင် ဘာတွေလုပ်ဆောင်ပေးဖို့ လိုသလဲ။

မဝေဝေနု ။ ။ ဘယ်လိုပြောရမလဲ။ အမျိုးသမီးတွေကိုယ်၌ကဆိုတော့ ကျမတို့ အမျိုးသမီးအရေး လှုပ်ရှားနေတဲ့လူတွေ၊ ပညာတတ် အသိုင်းအဝိုင်းကတော့ ဒါကို ပညာတတ်တဲ့ အမျိုးသမီးတွေ၊ နောက်တခုက အမျိုးသမီးအရေးကို ဆောင်ရွက်နေတဲ့လူတွေ တော်တော်များများက သိရှိမယ်လို့ ယုံကြည်ပါတယ်။ ဒါပေမဲ့ စာတတ်မမြောက်မှုနှုန်းက ကျေးလက်ဒေသတွေမှာ နည်းနေသေးတယ်။ တခြားတိုင်းရင်းသားဒေသတွေမှာ နည်းနေသေးတယ် ဆိုတဲ့အခါကြတော့ သာမန်အမျိုးသမီးတွေကတော့ သိပ်ပြီးတော့ ဒါကိုသဘောပေါက်ကြမယ်လို့ သိပ်တော့မထင်ဘူး။ တချို့ က ဒါမလိုဘူးပေါ့။ အမျိုးသမီးတွေက ဒီအတိုင်းလဲ နေလို့ဖြစ်တာပဲဆိုတဲ့ အမြင်မျိုးလည်းရှိတယ်။ ဆိုတော့ ကျမတို့ အမျိုးသမီးထုတခုလုံး၊ တိုင်းပြည်တပြည် ဖွံ့ဖြိုးဖို့ဆိုရင် အမျိုးသမီး၊ အမျိုးသား ဖွံ့ဖြိုးဖို့လိုတယ်။ အမျိုးသမီးတွေက အခုနလို နောက်ကျကျန်ခဲ့မယ်ဆိုရင် ဖွံ့ဖြိုးဖို့ မဖြစ်နိုင်ဘူး။ ဖွံ့ဖြိုးဖို့ အတားအဆီးဖြစ်နိုင်တယ်။ ကျမတို့က မသိတဲ့အမျိုးသမီးတွေကို Awareness တွေ အသိပေး၊ ပညာပေးမှုတွေ လုပ်ပေးဖို့ လိုတယ်လို့ ထင်ပါတယ်။

မခင်ဖြူထွေး ။ ။ မဝေဝေနု ကိုယ်တိုင်က အခု အမျိုးသမီးအဖွဲ့ နှစ်ခုလောက်မှာ ဦးဆောင်မှုအခန်းကဏ္ဍကနေ ပါဝင်နေတယ်။ မဝေဝေနုတို့ အဖွဲ့အစည်းတွေက အမျိုးသမီးစွမ်းရည်မြှင့်တင်ရေးဆိုင်ရာ သင်တန်းတွေ ပို့ချတယ်လို့လည်း သိရပါတယ်။ ဆိုတော့ ဒီလိုမျိုး စောစောကပြောတဲ့ အမျိုးသမီးတွေဖက်မှာ သူတို့ကိုယ်ပိုင်အခွင့်အရေးတွေကို သိဖို့ အားနည်းနေတာတွေရှိတာတွေ၊ နောက် စောစောကပြောတဲ့ လူတွေက စာသိပ်မတတ်ကြတဲ့အခါမှာ စားဝတ်နေရေး ရုန်းကန်ရတဲ့ အခြေအနေမျိုးမှာ ဒီအကြောင်းအရာတွေကို မစဉ်းစားနိုင်တဲ့ အခြေအနေမျိုးတွေ ရှိတယ်ဆိုတော့ မဝေဝေနုတို့ အဖွဲ့အစည်းတွေအနေနဲ့ ဒီအခြေအနေတွေကို ပြောင်းလဲလာအောင် အမျိုးသမီးတွေအနေနဲ့ အခွင့်အရေးတွေ ပိုပြီးရရှိလာအောင် ဘယ်လိုလှုပ်ရှားမှုတွေကို အဓိက လုပ်ဆောင်နေသလဲ။

မဝေဝေနု ။ ။ ကျမအနေနဲ့ ပြောရမယ်ဆိုရင် ကျမအနေနဲ့ အမျိုးသမီးတွေရဲ့  power အင်အားကို ယုံကြည်တယ်။ အမျိုးသမီးတွေကို ယုံကြည်တယ်ဆိုတဲ့အခါကြတော့ ကျမတို့ လုပ်နေတာက အခုနပြောသလို အမျိုးသမီးတွေကို အသိပညာပေးမှုတွေ။ နောက်တခုက အမျိုးသမီးတွေကို အသိပညာပေးတဲ့အခါမှာဆိုရင် Justice for Women အနေနဲ့ဆိုရင် ဥပဒေပိုင်းဆိုင်ရာ အသိပညာပေးမှု။ လိင်ပိုင်ဆိုင်ရာ စော်ကားခံရတယ်ဆိုလို့ရှိရင် ဘယ်လိုမျိုး ဖြေရှင်းမလဲပေါ့။ ဘယ်လိုဆိုရင် လိင်ပိုင်ဆိုင်ရာ စော်ကားခံနေရတာလဲ။ နှုတ်ပိုင်ဆိုင်ရာ၊ ကိုယ်ထိလက်ရောက် စော်ကားခံရတာ၊ နှုတ်နဲ့ စော်ကားခံရတာ စသဖြင့် အဲဒီလိုဟာမျိုးတွေကိုလည်း အသိပေးတယ်။ နောက်ပြီးတော့ အဲဒီလို ဖြစ်လာရင် ဘယ်လိုမျိုး ဖြေရှင်းမလဲပေါ့ အဲဒီလိုမျိုးတွေလည်း အသိပေးတယ်။ နောက် အမျိုးသမီးအခွင့်အရေးဆိုတာ ဘာတွေလဲပေါ့။ အဲဒါမျိုးတွေလည်း ပြောပါတယ်။ နောက်ပြီးတော့ အမျိုးသမီးတွေအနေနဲ့ ကျမတို့ ပြန်ကြည့်မယ်ဆိုလို့ရှိရင် မြန်မာပြည်ထဲမှာ အမျိုးသမီးဖြစ်နေလို့ တရားမျှတမှုရရှိတဲ့ နေရာမှာ အားနည်းနေတာကို တွေ့ရတယ်။ ဘာကြောင့်လဲဆိုတော့ အမျိုးသမီးတွေက တချို့ အမျိုးသမီးတွေဆိုရင် ပြဿနာကြုံလာပြီဆိုရင် အမျိုးသမီးဖြစ်နေလို့ သွားမတိုင်ရဲဘူး။ ဥပမာ နည်းနည်း ရှက်စရာအမှုမျိုး၊ ရှက်စရာလို ယူဆတဲ့အမှုမျိုး၊ ဥပမာ လိင်ပိုင်ဆိုင်ရာ စော်ကားခံရမှုဆိုရင် သူတို့က ရှက်ပြီးတော့ မသွားတဲ့ဟာမျိုး။ ဒါမှမဟုတ် သူတို့က တစ်ယောက်တည်းသွားရမှာ ကြောက်လို့မသွားတဲ့ဟာမျိုး။ မသွားဘူးဆိုတာ တိုင်းဖို့တန်ဖို့ တရားစွဲဖို့ အားနည်းနေတာ။ နောက်တခါ အခုန မိသားစုမှာ ကိုယ်က influence လုပ်ခံလို့။ ဥပမာ ယောက်ျားနဲ့ မိန်းမ ပြဿနာဖြစ်တယ်ဆိုရင်တောင် ယောက်ျားကို ကြောက်ရလို့။ ဒါမှမဟုတ် ပတ်ဝန်းကျင်ကို ကြောက်ရလို့ သွားမတိုင်တဲ့ဟာမျိုးတွေ အမျိုးသမီးဖြစ်နေလို့ တရားမျှတမှု ရရှိမှုမှာ အားနည်းနေတဲ့ဟာတွေကို ကျမတို့ အမျိုးသမီးတွေကို ဥပဒေပိုင်းဆိုင်ရာ ပညာပေးမှု  ဘယ်လို channel တွေက သွားလိုရလဲပေါ့။

မခင်ဖြူထွေး ။ ။ ပညာပေးမှုအပြင် လိုက်ပါကူညီဆောင်ရွက်ပေးတာမျိုးတွေ ရှိပါသလား။

မဝေဝေနု ။ ။ ရှိပါတယ်။ ကျမတို့ဆီမှာ Justice for Women ဆိုရင် ရှေ့ နေအမတွေနဲ့ ထောင်ထားတာ။ ဒီ ရှေ့ နေအမတွေက အရမ်းတော်တယ်။ Free Legal Consultation လိုဟာမျိုးတွေ ပေးပါတယ်။ နောက်ပိုင်းကျရင် Legal Aid အထိပေးဖို့ တရားရေးဆိုင်ရာအကြံဥာဏ် အခမဲ့ ပေးတာမျိုး၊ ဝန်ဆောင်မှု အခမဲ့ပေးတာမျိုးအထိ လုပ်နိုင်ဖို့ ကြိုးစားနေတယ်။ လောလောဆယ်တော့ တရားရေးဆိုင်ရာ ဝန်ဆောင်မှု အခမဲ့ ပေးနေပါတယ်။ နောက်တခုကျတော့ အခုန Women Peace Network ကနေ အထူးသဖြင့်ကတော့ အမျိုးသမီးတွေကို Social Activists တွေ ဖြစ်လာအောင်၊ Political Activists တွေ ဖြစ်လာအောင် Empowerment လုပ်ပေးတယ်။ Capacity ပိုင်း။

မခင်ဖြူထွေး ။ ။ နိုင်ငံရေး၊ လှုမှုရေးအပိုင်းမှာ တက်တက်ကြွကြွ ပါဝင်လာအောင်။

မဝေဝေနု ။ ။ နိုင်ငံရေး၊ လူမှုရေးအပိုင်းမှာ တက်တက်ကြွကြွ ပါလာအောင် စွမ်းရည်မြှင့်တင်မှုတွေ အသိပညာပေးမှုတွေ လုပ်ပေးပါတယ်။ လုပ်ပေးတဲ့အခါ ကျမတို့ ရည်ရွယ်ချက်က ဘာလဲဆိုတော့ အမျိုးသမီးတွေဟာ နိုင်ငံရေး – အခုနပြောတဲ့အထဲမှာ အမျိုးသမီးတွေကို ယုံကြည်တယ်အခါမှာ အမျိးသမီးတွေက ပိုပြီးတော့ ငြိမ်းချမ်းချင်ကြတယ်။ ပိုပြီးတော့ ကိုယ့်ရဲ့  မိသားစုဘဝ သာယာမှုကို လိုချင်ကြတယ်။ ကိုယ့်ရဲ့  သားသမီးတွေကို ကျောင်းကောင်းကောင်း တက်ရတာမျိုး။ ဥပမာ အမေတွေဆိုရင် သားသမီးတွေ အစားအစာ ပိုပြီး ဝဝလင်လင် စားရတာမျိုး၊ ခလေးတွေနဲ့ ပိုပြီးတော့ in touch ပိုရှိတဲ့အခါကြတော့ ပိုပြီးတော့ အလေးထားတယ်။ ဆိုတဲ့အခါကြတော့ သူတို့က ပိုပြီးတော့ ဖွံ့ဖြိုးတိုးတက်မှုကို လိုချင်တယ်။ ငြိမ်းချမ်းတဲ့ တိုင်းပြည်လည်း လိုချင်တယ်။ ကျမတို့ ရည်မှန်းတာ ဘာလဲဆိုတော့ အခုနလို အမျိုးသမီးတွေကို ပညာပေးပြီးတော့၊ စွမ်းရည်မြှင့်တင်မှုတွေ လုပ်ပေးပြီးတော့ ဒီ activities ထဲမှာ ပါလာတယ်ဆိုရင်တော့ ကျမတို့ တိုင်းပြည်အပြောင်းအလဲကာလမှာ အထောက်အကူ ဖြစ်မယ်ပေါ့။ နောက်တခုက ကျမက ရခိုင်ပြည်ကဆိုတော့ ရခိုင်ပြည်မှာရှိတဲ့ ကျမတို့ အမျိုးသမီးတွေက အများကြီးနှိမ့်ကျနေသေးတယ်။ အဲဒီဖက်က အမျိုးသမီးတွေကို စွမ်းရည်မြှင့်တင်ပေးခြင်းအားဖြင့် ရခိုင်ပြည်မှာရှိတဲ့ ကွန်မြူနီတီတစ်ခု လူ့အဖွဲ့အစည်းနှစ်ခုကို အတူတကွ လက်တွဲလုပ်ဆောင်နိုင်ပြီးတော့ ယုံကြည်မှုတည်ဆောက်ပြီးတော့ ငြိမ်းချမ်းရေးတည်ဆောက်နိုင်ဖို့ကိုလည်း ယုံကြည်ပါတယ်။

မခင်ဖြူထွေး ။ ။ အခုလိုမျိုး လှုပ်ရှားတဲ့အခါမှာ ရင်ဆိုင်ရတဲ့ အခက်အခဲတွေ ရှိရင်လည်း ပြောပြပါအုံး။ ကိုယ်က အမျိုးသမီးအရေး လှုပ်ရှားနေသူ ဖြစ်နေတာ၊ ပြီးတော့ ကိုယ်က လူနည်းစုအသိုင်းအဝိုင်း ပုံစံမျိုးက လာတဲ့လူ ဖြစ်တဲ့အခါကြတော့ ရင်ဆိုင်ရတဲ့ အခက်အခဲတွေက ပိုပြီးတော့ များသလား။ ဒါမှမဟုတ် လှုပ်ရှားရတဲ့အပိုင်းမှာ အခက်အခဲတွေ၊ ဘာတွေ အဓိက ကြုံတွေ့နေရသလဲ။

မဝေဝေနု ။ ။ အဓိက အခက်အခဲကတော့ ပြောရမယ်ဆိုလို့ရှိရင်တော့ ရှိပါတယ်။ ဘယ်လိုမျိုးလဲဆိုတော့ အမျိုးသမီးဖြစ်နေတဲ့အတွက်ကြောင့်မို့ ကိုယ်ရဲ့ စကားက တခါတလေ သိပ်ပြီးတော့ အလေးပေးမခံရတာမျိုး။ တခါတလေ အမျိုးသမီးလည်းဖြစ်တယ်။ ငယ်လည်းငယ်တော့ သိပ်ပြီးတော့ အလေးထားမခံရဘူးဟာမျိုးတွေ အဲဒါမျိုးတွေ တွေ့ရတယ်။ Respect တို့၊ Reorganization အသိအမှတ်ပြုခံရတဲ့ အပိုင်းတွေမှာ နည်းတာမျိုးတို့ တွေ့ရတယ်။ ဒါပေမဲ့ ကျမတော့ ဘယ်လိုပဲဖြစ်ဖြစ် အမျိုးသမီးတွေဟာ အရည်အချင်းရှိရင် သူ့နေရာနဲ့သူ တနေ့ရောက်မယ်လို့ ယုံကြည်တယ်။ အဲဒါကတော့ ကျမတို့ Culture concept တစ်ခုလို ဖြစ်နေတာပေါ့။ အမျိုးသမီးတွေ သေချာပါတယ်။ တန်းဖိုးထားကြတာ ဟုတ်တယ်။ ဒါပေမဲ့ တကယ့် decision level ရောက်တဲ့အခါကြရင် အမျိုးသမီးတွေကို သိပ်ပြီးတော့ ဦးစားပေးမခံရဘူး။ သိပ်ပြီး Respect လုပ်မခံရဘူးလို့ ခံစားမိတယ်။ အခုဆိုရင် ကျမတို့ဆီမှာ ထိန်းမြားလက်ထပ်ခွင့် ဥပဒေ Interfaith Marriage Law ဆိုတဲ့ဟာ ဗုဒ္ဓဘာသာအမျိုးသမီးတွေနဲ့ သက်ဆိုင်တဲ့ ထိန်းမြားလက်ထပ်ခွင့်ဥပဒေကို propose လုပ်လာတဲ့အခါကြတော့ အမျိုးသမီးခေါင်းဆောင်တချို့  အမျိုးသမီးရေး လှုပ်ရှားသူတွေက ပူးပေါင်းပြီးတော့ ဒီဟာက မဖြစ်သင့်ပါဘူး။ အမျိုးသမီးတွေရဲ့  ဂုဏ်သိက္ခာတွေကို စော်ကားခံရတဲ့ဟာမျိုးတွေ ဖြစ်တယ်လို့ ပြောလာတဲ့အခါမှာ အဲဒီအမျိုးသမီး ခေါင်းဆောင်တွေကို ခြိမ်းခြောက်တဲ့ဟာမျိုးတွေ၊ စော်ကားတဲ့ဟာမျိုးတွေ အဲဒီလိုမျိုးတွေ ကြုံရတယ်။ လုံခြုံမှုသိပ်မရှိဘူး မရကြဘူးလို့ ထင်တယ်။

မခင်ဖြူထွေး ။ ။ အမျိုးသမီးအရေး လှုပ်ရှားတက်ကြွသူတစ်ယောက်အနေနဲ့ အခုလက်ရှိ ကိုယ်လှုပ်ရှားဖြတ်သန်းခဲ့မှုအရ မြန်မာနိုင်ငံမှာ အမျိုးသမီးအခွင့်အရေးတွေက သိပ်မကြာခင်မှာ ပိုပြီးတော့ ဒီထက်ပိုပြီး ကောင်းမွန်လာမယ်လို့ မျှော်လင့်သလား။ သိပ်မကြာခင်ကာလတစ်ခုအတွက် အမျိုးသမီးအခွင့်အရေး ပတ်သက်ပြီးတော့ ဘယ်လောက်အထိ မျှော်လင့်ထားသလဲ။

မဝေဝေနု ။ ။ ကျမကတော့ မျှော်လင့်ပါတယ်။ အများကြီးမျှော်လင့်တယ်။ ဘယ်လို မျှော်လင့်သလဲဆိုရင် ကျမတို့မှာ အခုဆိုရင် အမျိုးသမီးနဲ့ ပတ်သက်ပြီး နားလည်းလာတဲ့လူတွေ အရမ်းများလာတယ်။ နောက်တခါ အမျိုးသမီးတွေကိုယ်၌က တက်ကြွလှုပ်ရှား ပါဝင်လာတာကို တွေ့ရတယ်။ နောက်တခုက အမျိုးသမီးအဖွဲ့အစည်းတွေလည်း အများကြီး ပေါ်လာတယ်။ အမျိုးသမီးခေါင်းဆောင်တွေလည်း တကယ့်ကို မှန်ကန်တဲ့ value တွေနဲ့ ရှေ့ တိုးလာတဲ့ ခေါင်းဆောင်တွေလည်း အများကြီးပေါ်လာတဲ့အခါကြတော့ ကျမ ယုံကြည်ပါတယ် ကျမတို့ အမျိုးသမီးတွေ ပိုပြီးတော့ နေရာရလာမယ်။ လေးစားခံရမယ်။ အခွင့်အရေးတွေ ပိုရလာမယ်။ အခုနလိုမျိုး လိင်ပိုင်ဆိုင်ရာ စော်ကားမှုတွေ၊ ပညာရေးတွေမှာ တိုးတက်လာမယ်။ နောက် နိုင်ငံရေးမှာ ပိုပြီး ပါဝင်ခွင့်တွေ ရလာမယ်လို့ အဲဒီလို မြင်ပါတယ်။ ကျမတို့လည်း အမျိုးသမီးခေါင်းဆောင်တစ်ယောက် လိုအပ်တယ်လို့ ကျမတို့နိုင်ငံမှာ ယုံကြည်နေတယ်။ အဲဒီလို ဖြစ်လာဖို့ အရမ်းကို မျှော်လင့်ပါတယ်။

မခင်ဖြူထွေး ။ ။ အခုလို အချိန်ပေးပြီး ဖြေကြားပေးတဲ့အတွက် ကျေးဇူးတင်ပါတယ်။

မဝေဝေနု ။ ။ ကျေးဇူးတင်ပါတယ် အမ။

ဘင်္ဂလားဒေရ်ှတွင် ခိုလှုံနေသည့်ှ ရိုဟင်ဂျာ ဒုက္ခသည် ၂ ထောင်ကျော်ကို မြန်မာပြန်လည် လက်ခံမည်။

 

MC10 Omi_18
– ကော့ဘဇားဒေသရှိ ဒုက္ခသည်စခန်းနှစ်ခုမှ ရိုဟင်ဂျာဒုက္ခသည် နှစ်ထောင်ကျော်ကို ပြန်လည် လက်ခံရန်အတွက် မြန်မာနိုင်ငံက သဘောတူညီခဲ့သည်ဟု ဘင်္ဂလားဒေ့ရှ် နိုင်ငံခြားရေးရာဌာန မှ သတင်းထုတ်ပြန်ခဲ့သည်။

ယမန်နေ့ နေ့လည်ပိုင်းက မြန်မာ-ဘင်္ဂလားဒေ့ရှ် ၈ ကြိမ်မြောက် နိုင်ငံခြားရေးရုံး ညှိနှိုင်းဆွေးနွေးပွဲ အတွင်း သဘောတူညီခဲ့ခြင်းဖြစ်သည်ဟု ဘင်္ဂလားဒေ့ရှ် နိုင်ငံခြားရေးဌာနမှ အတွင်းဝန် အမ် ရှဟီဒွလ် ဟာကွီက ဆွေးနွေးပွဲ အပြီးတွင် ပြောကြားခဲ့ခြင်းဖြစ်သည်။

ပြန်လည်ခေါ်ဆောင်မည့် ရိုဟင်ဂျာ  ဒုက္ခသည် အရေအတွက်မှာ စုစုပေါင်း ၂၄၁၅ ဦးဖြစ်ပြီး  ပြန်လည်ခေါ်ဆောင်ရေး လုပ်ငန်းစဉ်များကို နှစ်လအတွင်း စတင်သွားမည်ဖြစ်ကာ ၂၀၀၅ ခုနှစ်နောက်ပိုင်း ပထမဆုံးအကြိမ်အဖြစ် မြန်မာနိုင်ငံမှ ရိုဟင်ဂျာများကို ပြန်လည် လက်ခံခြင်း ဖြစ်သည်။

၈ ကြိမ်မြောက် နိုင်ငံခြားရေးရုံး ညှိနှိုင်းဆွေးနွေးပွဲတွင် ဘင်္ဂလားဒေ့ရ်ှမှ နိုင်ငံခြားရေးရာဌာန အတွင်းဝန် အမ် ရှဟီဒွလ် ဟာကွီဦးဆောင်သည့် အဖွဲ့နှင့် မြန်မာနိုင်ငံမှာ နိုင်ငံခြားရေး ၀န်ကြီးဌာန ဒုတိယ၀န်ကြီး ဦးသန့်ကျော်တို့ ဦးဆောင်သောအဖွဲ့တို့ ပြုလုပ်ကြခြင်းဖြစ်သည်။