Daily Archives: September 17th, 2014

ဆီးရီးယားတွင် IS တို့ကို လေကြောင်းထိုးစစ် ဆင်နွှဲနေချိန်၌ လက်ရှောင်နေရန် အာဆက်ဒ်ကို အမေရိကန် သတိပေး

ဆီးရီးယားစစ်တပ်မှ စစ်သည်အချို့

အစ္စလာမ်မစ် နိုင်ငံတော် (IS) စစ်သွေးကြွ အဖွဲ့ကို လေကြောင်းမှ ထိုးစစ်ဆင်နေသည့် အမေရိကန် လေယာဉ်များကို ပစ်မှတ်ထား တိုက်ခိုက်လာပါက ဆီးရီးယား၏ စစ်သုံးလက်နက်များကို တုံ့ပြန် ဖျက်ဆီးပစ်မည်ဟု ဆီးရီးယား သမ္မတ ဘာရှာအာဆက်ဒ်ကို ရည်ရွယ်ပြီး အမေရိကန်က သတိပေးလိုက်သည်။

အမေရိကန်သမ္မတ ဘာရတ်အိုဘားမားက IS တို့ကို အီရတ်တွင်သာမက ဆီးရီးယား ပိုင်နက်အတွင်းတွင်ပါ ဗုံးကြဲ တိုက်ခိုက်သွားမည်ဟု ပြီးခဲ့သည့် သီတင်းပတ်အတွင်းက ထုတ်ဖော် ပြောကြားခဲ့သည်။ အကယ်၍ IS အဖွဲ့ကို တိုက်ခိုက်နေသည့် အမေရိကန် တိုက်လေယာဉ်များကို ဆီးရီးယားစစ်တပ်က ကြားဝင် ပစ်ခတ်ခဲ့မည် ဆိုပါက ၎င်းတို့၏ လေယာဉ်ပစ် လက်နက်များ ဖျက်ဆီးခံရလိမ့်မည်ဟု အမေရိကန် စစ်ဘက် ထိပ်တန်း အရာရှိ တစ်ဦးက ပြောကြားခဲ့သည်။

ဝါရှင်တန်ရှိ အမည်ထုတ်ဖော် ပြောဆိုခြင်း မရှိသည့် အဆိုပါ အရာရှိက အမေရိကန် တိုက်လေယာဉ်များသည် ဆီးရီးယားစစ်တပ်၏ လေယာဉ်ပစ် လက်နက်များ ထားရှိသည့် နေရာများကို သိရှိထားပြီးဖြစ်ကြောင်း၊ အကယ်၍ ဆီးရီးယား စစ်တပ်ကသာ အမေရိကန် တိုက်လေယာဉ်များကို ရန်လိုပစ်ခတ်ခဲ့ပါက မိမိကိုယ်ကိုယ် ကာကွယ်သည့် အနေဖြင့် တုံ့ပြန်မည်သာဖြစ်ကြောင်း ဆိုသည်။ IS အဖွဲ့သည် အာဆက်ဒ်ကို တော်လှန်ပုန်ကန်ရင်း အင်အားတောင့်တင်းလာကာ ဆီးရီးယားနှင့် အီရတ်ရှိ နယ်မြေ အများအပြားကို ထိန်းသိမ်းထားသည့် စစ်သွေးကြွများ ဖြစ်ကြသည်။

အိုဘားမားသည် IS တို့ကို ဘုံရန်သူသဖွယ် တိုက်ခိုက်နေသည့်တိုင် အာဆက်ဒ်၏ တပ်ဖွဲ့များနှင့် ပူးပေါင်းရန် အဆိုကို ငြင်းဆန်ထားပြီး ဖြစ်သည်။ အမေရိကန်သည် မဟာမိတ်နိုင်ငံ အများအပြား၏ ထောက်ပံ့မှုကို ရယူမည် ဖြစ်သော်လည်း IS တို့ကို တိုက်ခိုက်ချိန်တွင် ဆီးရီးယားနှင့် သီးခြားစီသာ လှုပ်ရှားမည်ဟု အခိုင်အမာ ရပ်တည် ဆုံးဖြတ်ထားသည်။ အမေရိကန် အစိုးရ အနေဖြင့် အာဆက်ဒ်သည် ဆီးရီးယား ပြည်သူများကို ဖိနှိပ်စစ်ပြုကာ ပြည်တွင်းစစ်ကို စတင်ဖန်တီးသည့် စစ်ရာဇဝတ်သားတစ်ဦးသဖွယ် ရှုမြင်ထားဆဲ ဖြစ်ပြီး အာဆက်ဒ်အနေဖြင့် အာဏာစွန့်သင့်ကြောင်း အစဉ်တစိုက် မှတ်ချက်ပြု ပြောကြားထားသည်။

ဆီးရီးယားစစ်တပ် တိုက်လေယာဉ် တစ်စီးကို IS အဖွဲ့ ပစ်ချ

အစ္စလာမ်မစ် နိုင်ငံတော် (IS) စစ်သွေးကြွအဖွဲ့၏ တိုက်ခိုက်ရေးသမားများက ဆီးရီးယားလေတပ်မှ တိုက်လေယာဉ် တစ်စီးကို ပစ်ချလိုက်ကြောင်း သတင်းရရှိသည်။

လေယာဉ်ပစ် စက်သေနတ်များကို အသုံးပြုကာ တိုက်လေယာဉ် တစ်စီးကို စက်တင်ဘာ (၁၆)ရက်က ပစ်ချလိုက်ခြင်းဟု IS က ကြေညာသည်။ ISIS ဆိုသော အမည်မှ ပြောင်းလဲပြီး အစ္စလာမ်မစ် နိုင်ငံတော် အနေဖြင့် သတ်မှတ် ထူထောင်ပြီးနောက်ပိုင်း IS က ပထမဆုံးအကြိမ်အဖြစ် လေယာဉ်တစ်စီးကို ပစ်ချလိုက်ခြင်း ဖြစ်သည်။

IS အဖွဲ့သည် ဆီးရီးယား အစိုးရကို တော်လှန်ရင်း အင်အားကြီးထွားလာကာ ဆီးရီးယားနှင့် အီရတ်ရှိ နယ်မြေအများအပြားကို သိမ်းပိုက်ထားနိုင်ခဲ့သည်။ ၎င်းတို့ကို ဆီးရီးယား အစိုးရကရော၊ အမေရိကန်ကပါ လေကြောင်းမှ ထိုးစစ်ဆင် တိုက်ခိုက်မှုများ ပြုလုပ်နေသည်။

ပစ်ချခံရသည့် ဆီးရီးယား တိုက်လေယာဉ်သည် ဒမက်စကက်စ်မြို့တော် အရှေ့မြောက်ဘက် ကီလိုမီတာ (၄၀၀)မျှအကွာ၊ ISတို့ အင်အားကြီးမားစွာ တပ်စွဲထားသည့် ရက်ကာမြို့ပြင်သို့ ပျက်ကျခဲ့ကြောင်း သိရသည်။ လေယာဉ်ပျက်ကျမှုသည် မိမိတို့ ပစ်ချခဲ့၍ဖြစ်ကြောင်း IS တို့က အခိုင်အမာ ဆိုသည်။

မြောက်ပိုင်းဒေသ တူရကီနှင့် နယ်စပ်အနီးတွင်မူ IS တို့သည် ကာဒစ်ရှ် တိုက်ခိုက်ရေးသမားများနှင့် တိုက်ပွဲများ ဖြစ်ပွားနေဆဲ ဖြစ်သည်။ ကာဒစ်ရ်ှမြို့ တစ်မြို့ဖြစ်သည့် ကိုဘာနီကို IS တပ်ဖွဲ့က လပေါင်းများစွာ တိုက်ခိုက်နေပြီး ကာဒစ်ရ်ှတို့က ခုခံတွန်းလှန်လျက် ရှိသည်။

ဆီးရီးယားက IS တို့ကို လေကြောင်းမှ တိုက်ခိုက်ရာတွင် ပူးပေါင်းဆောင်ရွက်ရန် အမေရိကန်ကို ကမ်းလှမ်းခဲ့သော်လည်း အိမ်ဖြူတော်က ဆီးရီးယား သမ္မတ ဘာရှာအာဆက်ဒ်နှင့် မည်သည့် လက်တွဲမှုမျှ လုပ်ဆောင်မည် မဟုတ်ဟု ကြေညာထားသည်။

ကျွန်တော်တွေးမိတဲ့ဇဝါရီ၊အလ်ကိုင်ဒါ၊ မြန်မာနိုင်ငံ၊ အရှုံးနဲ့ အမြတ် ဇာတ် လမ်း

piecework_security
အလ်ကိုင်ဒါ ခေါင်းဆောင် အလ်ဇဝါရီရဲ့ အိန္ဒိယတိုက်ငယ် အခြေစိုက် အဖွဲ့ ခွဲတည်ထောင်မှုနဲ့ ပစ်မှတ် နယ်မြေသစ်တွေအဖြစ် အိန္ဒိယ၊ ဘင်္ဂလားဒေ့ရ်ှနဲ့ မြန်မာတွေ ပါဝင်မယ်ဖြစ်ကြောင်း   ကြေငြာချက် ဗီဒီယိုထွက်ပေါ်ကြောင်း ကမ္ဘာ့ သတင်းမီဒီယာကြီးတွေကနေ ဒီနေ့ ထွက်ပေါ်လာပါတယ်။

အလ်ကိုင်ဒါကို လွန်ခဲ့နှစ်တွေကတည်းက နိုင်ငံတကာ မွတ်စလင်ပညာရှင်များအဖွဲ့ (IUMS)၊ OIC နဲ့ မွတ်စလင်မ်ကမ္ဘာတစ်ခုလုံးက ပညာရှင်တွေ၊ အစိုးရတွေနဲ့ လူအသိုင်း အဝန်းတွေက နိုင်ငံတကာအသိုင်းအဝန်းနဲ့ အတူ အကြမ်းဖက်အဖွဲ့အစည်းအဖြစ်၊ အစ္စလာမ့်တရားတော်ရဲ့ ဘောင်အပြင်ကို ရောက်နေတဲ့ အဖွဲ့အစည်းအဖြစ် သတ်မှတ်ထားပြီးသားပါ။

IS နဲ့ အလ်ကိုင်ဒါ

အရှေ့ အလယ်ပိုင်းမှာ ISIS/ ISIL ထွက်ပေါ်လာခဲ့ပြီးနောက်မှာ အလ်ကိုင်ဒါနဲ့ ISIS ကြားမှာ ပါဝင်အားပြိုင်မှု ဖြစ်ခဲ့ပါတယ်။ ISISနဲ့ အလ်ကိုင်ဒါကြားမှာ နည်းဗျူ ဟာရော ပေါ်လစီချင်း ပါကွဲပါတယ်။

ISIS က အီရတ်နဲ့ ဆီးရီးယားတို့ ကိုနယ်မြေစိုးမိုးပြီး နိုင်ငံတစ်ခု အစိုးရတစ်ခုအဖြစ် ရပ်တည်ဖို့ လက်ဦးမှာ ရည်ရွယ်ထားပြီး ပေါ်ပေါ်တင်တင်ကို လှုပ်ရှားတယ်။ IS ခေါင်းဆောင်ရဲ့   ခေလာဖသ် ( မွတ်စလင်မ် ကမ္ဘာရဲ့ ခေါင်းဆောင်) အဖြစ်ကြေငြာလိုက်မှု၊ ရန်သူလို့ သတ်မှတ်ထားတဲ့ သူအပေါ်မှာ မွတ်စလင်မ်တွေ အပါအဝင် လူမျိုးဘာသာမရွေးအပေါ် ရက်စက်မှု၊ ဆီးရီးယားပြည် တွင်းစစ်အတွင်းမှာ လေ့ကျင့်ရေးပိုင်းရော စစ်မြေပြင်လက်တွေ့ ပိုင်းပါ စစ်ရေးပြည့်ဝနေမှုနဲ့ နယ်မြေသိမ်းယူနိုင်မှုတွေက အကြမ်းဖက်ကွန်ရက်တွေအကြား မှာ ပေါ်ပျူလာဖြစ် သွားစေခဲ့ပါတယ်။

အဲ့ဒီ့ အချက်ဟာ ၂၀၁၄ခုနှစ်အစကတည်းက IS ရဲ့ ရက်စက်မှုကို အကြောင်းပြု လမ်းခွဲခဲ့တဲ့ အလ်ကိုင်ဒါအတွက် သြဇာပိုင်းအရ အကြီးအကျယ် ထိုးနှက်မှုဆိုတာက လုံးဝ ငြင်းလို့မရပါ။ အထူးသဖြင့် အရှေ့အလယ်ပိုင်း၊ အာဖရိကနဲ့ အာရှဒေသအချို့ မှာ အလ်ကိုင်ဒါရဲ့ သြဇာသက်ရောက်မှုကို လုံးဝကို ကျဆင်းသွားစေခဲ့ပါတယ်။ အဲ့တော့ သြဇာပြန်ထိန်းဖို့ အတွက် အလ်ဇဝါရီက အိန္ဒိယတိုက်ငယ်အတွင်းက နယ်စည်းတွေကို ဖျက်ပစ်ရမယ်ဆိုပြီး ကြွေးကျော်လာတာလားဆိုတာ စဉ်းစားစရာကောင်းနေပါတယ်။ အဲ့ဒီမှာ ပိုစဉ်းစားစရာကောင်းတာက ဇဝါရီနဲ့ အလ်ကိုင်ဒါက ဘာလို့ အိန္ဒိယတိုက်ငယ်ကို မျက်စိကျတာလဲဆိုတဲ့ အချက်ပါ။

ဘာပဲဖြစ်ဖြစ် အလ်ကိုင်ဒါရဲ့ ကြေငြာမှုအသစ်က မီဒီယာတွေကနေတစ်ဆင့် လူထုဆီကို ရောက်ပြီး အနည်းအများတော့ စိုးရိမ်မှုတွေက ရှိလာမှာပဲလေ။ စောစောက စိတ်ဝင်စားတဲ့ မေးခွန်း ကို ဖြေဖို့ အရင်ဆုံး ISIS ဘယ်လို အရှိန်ရသွားတာလဲဆိုတာကို ကြည့်ကြည့်ရအောင်ပါ။

IS ဘယ်လို ကြီးထွားလားသလဲ

စစ်အာဏာရှင် ဆက်ဒမ်ဟူစိန်ရဲ့ ကျဆုံးခန်း အပြီး  ဒီမိုကရေစီ နာမည်တပ်ထားတဲ့ မာလကီ အစိုးရတက်လာတယ်။ အမေရိကန်က နောက်ခံထားပေးတယ်၊ ရှီအာအစိုးရဖြစ်တဲ့ အပေါ်မှာ ပရိုအီရန်ပေါ့။ ဆက်ဒမ် ခေတ်က ကောင်းစားနေတဲ့ စွန္နီ လူ့အသိုင်းအဝန်း ဒုတိယ တန်းစားနေရာ ရောက်သွားတယ်။ ဒါတင်မက နောက်ပိုင်းမှာ မာလကီရဲ့ စွန္နီလူထုအပေါ်မှာ မမျှတမှုက ပိုကြီးလာတယ်။ နောက်ဆုံးမှာ အမေရိကန်၊ အီရတ်ရဲ့ သြဇာအကြီးဆုံး ရှီအာ ဘာသာရေးခေါင်းဆောင်အလ်စစ်တန်နီ တို့ကပါ ထုတ်ပြီးပြောရတဲ့ အခြေအနေထိရောက်လာတယ်။ ဒါပေမယ့် အဲ့ဒီ့အချိန်က တော်တော်လေး နောက်ကျနေပါပြီ။ အဲ့ဒီ မမျှမတလုပ်ခံနေရတဲ့ နိုင်ငံရေးကွက်လပ်ကို ISISက အမိအရနင်းပြီး အီရတ်ထဲဝင်လာ နယ်မြေတွေသိမ်း နယ်မြေခံတွေရဲ့   ထောက်ခံမှုကို ရခဲ့တာပါ။ IS သန္ဓေတည်ရာ ဆီးရီးယားကို ကြည့်ပြန်ရင်လည်း အာလ်ဝီယာ လူနည်းစု အသိုင်းအဝန်းက လူများစုကြီးဖြစ်တဲ့ စွန္နီမွတ်စလင်မ်တွေကို အာဏာရှင်အုပ်ချုပ်ရေး စနစ်နဲ့ မျိုးဆက်လိုက်အုပ်ချုပ်လာတယ်၊ အာရပ် နွေဦးတော်လှန်ရေးရဲ့ အဖျားခတ်မှုကစပြီး အာဏာရှင် အာဆဒ်က ပြည်သူတွေကို ထောင်ချီသောင်းချီ ရက်ရက်စက်စက် သတ်ဖြတ်ခဲ့တယ်။ မွတ်စလင်မ်ကမ္ဘာနဲ့ အနောက်ကမ္ဘာက အာဏာရှင် အာဆဒ်ကို ဖိအားပေး ဆန့် ကျင်နေချိန်မှာ ရုရှနဲ့ အီရန်က အမာခံကျောထောက်နောက်ခံပေးခဲ့တယ်၊ အခုလည်း ပေးနေဆဲပဲ။ အဲ့ဒီမှာ အမေ၇ိကန်၊ ရုရှ၊ အီရန်ရဲ့ ရှီအာ၊ ဆော်ဒီ ကာတာစတဲ့ စွန္နီစတဲ့ အားပြိုင်မှုတွေ ဒေသတွင်း ပါဝါကစားပွဲတွေကလည်း သက်ဆိုင်ရာ အခန်းကဏ္ဍတွေအနေနဲ့ ပါခဲ့တယ်။

အဲ့တော့ ပြန်အနှစ်ချုပ် သုံးသပ်ကြည့်ရင် အစိုးရတွေရဲ့ မမျှတမှု၊ အုပ်ချုပ်ရေးညံ့ဖျင်းမှု၊ ညီညွတ်ရေး မတည်ဆောက်နိုင်မှု၊ အာဏာတည်မြဲရေးကိုသာ ရှေ့ ရှုမှု၊ နောက်ဆက်တွဲ အနိဌာရုံတွေ၊ ဒေသတွင်း အင်အားစုတွေနဲ့ ကမ္ဘာ့ ပါဝါတွေရဲ့ အားပြိုင်မှု စတာတွေက IS အတွက် ရေခံမြေခံတွေကို ဖန်တီးပေးခဲ့တာပါပဲ။

ဇဝါရီရဲ့ စစ်မျက်နှာသစ်

ဇဝါရီရဲ့ စစ်မျက်နှာ အသစ်ဖွင့်မှုကို ဆက်ပြီးကြည့်ရအောင်ပါ။ ဇဝါရီရဲ့ ပြောထားတဲ့စကားအရ အခု အဖွဲ့ ခွဲသစ်ဟာ အာဖဂန်က တာလီဘန်နဲ့ ပါကစ္စတန်က တိုက်ခိုက်ရေးသမားအချို့ကို အားပြုထားတယ်လို့ ယူဆလို့ရပါတယ်။ အာဖဂန်ရဲ့ မတည်ငြိမ်မှုကတော့ ပြောဖို့ မလိုလောက်ပါဘူး။

ပါကစ္စတန်ကလည်း စစ်အာဏာရှင် မုရှရဖ် ပြုတ်ကျအပြီး လုပ်ကြံခံလိုက်ရတဲ့ အတိုက်အခံခေါင်းဆောင်ဘူတို အရှိန်နဲ့ တက်လာတဲ့ သူ့ ယောက်ျားကလည်း အုပ်ချုပ်ရေးကို ကောင်းကောင်း မဖော်ဆောင်နိုင်ပါဘူး။ လက်ရှိ နာဝဖ်ရှရက်ဖ်အစိုးရကလည်း လာဘ်စားမှုတွေနဲ့ နာမည်ဆိုးကျော်ခဲ့ပြီး လောလောဆယ်ကို ရွေးကောက်ပွဲမှာ မဲသမာမှုတွေနဲ့ ပတ်သက်ပြီး အတိုက်အခံအချို့ ရဲ့ ဆန္ဒပြမှုကို ခံနေရပါတယ်။

တခါ အိန္ဒိယနဲ့ ပါကစ္စတန်က ဒေသတွင်း အင်အားကြီး နိုင်ငံတွေလည်းဖြစ်ပြီး အိန္ဒိယနဲ့ ပါကစ္စတန် အကြားမှာ ကရ်ှမီးယားဒေသ၊ တစ်ဆက်တည်း ချန်ထားလို့ မရတာက ပါကစ္စတန်ရဲ့ မဟာမိတ်ကြီး တရုတ်နဲ့ အိန္ဒိယကြားမှာလည်း တိဘက်ဒေသ ပြဿနာတွေကလည်း ၇ှိနေပြီးသားပါ။
ဘင်္ဂလားဒေ့ရ်ှကတော့ secular ဆန်ဆန်သွားနေတယ်၊ ဒါပေမယ့် နိုင်ငံရေးအရ အိန္ဒိယသြဇာခံပြီး ပါကစ္စတန်နဲ့ ကတော့ ခွဲထွက်ထားတာဆိုတော့ သမိုင်းကြွေးနဲ့ ဆောင်နေတာပဲလေ။

မြန်မာနိုင်ငံ

သူများနိုင်ငံတွေကို ခဏ ထားပြီး ကိုယ့်နိုင်ငံကို ကြည့်ရအောင်။ အကောင်းဆုံးမြင်ပြီးပြော့ကြည့်ရင် စစ်အာဏာရှင်စနစ်ကို ကြားကာလတစ်ခုခံပြီး ဒီမိုကရေစီဆီသွားနေတဲ့ကာလ။   မြန်မာ့ နည်း ဒီမိုကရေစီဆိုပြီး အရပ်ဝတ်လဲထားတဲ့ စစ်ခေါင်းဆောင်တွေ အုပ်ချုပ်နေတဲ့ အစိုးရနဲ့ လွှတ်တော်။ ကြားထဲမှာ ဘာသာရေးနဲ့ လူမျိုးရေးအဓိကရုန်းတွေ ဆက်တိုက်နည်းပါး   ဖြစ်ထားတယ်။

တိုင်းရင်းသားလူနည်းစုတွေကို ထိခိုက်နစ်နာစေတဲ့ ပြည်တွင်းစစ်တွေကလည်း ရှိတယ်။ အကြမ်းဖက်မှုတွေမှာ ထိရောက်ပြီး ပွင့်လင်းမြင်သာတဲ့ အရေးယူမှုတွေက သိသိသာသာမတွေ့ ရဘူး။ အကြမ်းဖက်မှုတွေတိုင်း သမ္မတက ရုပ်သံနဲ့ ရေဒီယိုတွေမှာ နိုင်ငံကို မိန့် ခွန်းတွေပြော ကတိတွေပေးပေမယ့် အကြမ်းဖက်မှုတွေက ဆက်ဖြစ်ခဲ့တယ်။ နောက်ဆုံး လတ်တလော မန္တလေးအကြမ်းဖက်မှုဖြစ်ထားတယ်။

ရခိုင်ပြည်နယ်က ရိုဟင်ဂျာတွေရဲ့ identity ပြဿ နာကလည်း လိပ်ခဲတည်းလဲ။ ကချင်တွေ၊ ရိုဟင်ဂျာတွေ၊ မိထ္ထီလာကမြန်မာမွတ်စလင်မ်တွေ ဒုက္ခသည်တွေ အဖြစ်ရှိနေကြတယ်။ ဒီနေရာမှာ ကချင်အရေးက ဆက်စပ်ပေမယ့် မြန်မာမွတ်စလင်မ်အရေးကို အလေးအနက်ထားပြောရရင် ရိုဟင်ဂျာတွေ မိတ္ထီလာမွတ်စလင်မ်တွေ အခုထိ ဒုက္ခသည်တွေ အဖြစ်ရပ်တည်နေရတုန်း၊ အကြမ်းဖက်ခံတွေထဲမှာ သူတို့ ရှေ့ မှာ မိသားစုဝင် လူမမယ်တွေ သက်ကြီးရွယ်အိုးတွေကို မျက်စိရှေ့မှာရော နောက်ကွယ်မှာပါ ရက်ရက်စက်စက်သတ်ခံထားရတဲ့သူတွေ အများကြီး၊ သူတို့အတွက် တရားမျှတမှုဆိုတာ အကြမ်းဖက်မှုရဲ့ နောက်ကွယ်က မပြောနဲ့ ရှေ့ က လက်သည်တွေကိုတောင် အရေးယူတဲ့ ကိစ္စမှာ နှောင့်နှေးတာ ပွင့်လင်းမြင်သာမှုမ၇ှိတာ အငြင်းပွား စရာတွေ ထိရောက်မှု မရှိတာတွေက အများကြီး၊ အဲ့ဒီအကြမ်းဖက်ခံရမှုမှာ လူတွေတွင်မက ဘာသာတရားရဲ့ အထွတ်အမြတ်နေရာဖြစ်တဲ့ ဝတ်ကျောင်းတော်တွေပါ အကြမ်းဖက်ခံ ခဲ့ရတာ။ နိုင်ငံတကာက ပညာရှင်တွေ ထောက်ပြဝေဖန်နေတဲ့ အဲ့ဒီဘာသာရေးအကြမ်းဖက်မှုတွေရဲ့ အဓိက အခြေခံဖြစ်တဲ့ ဘာသာရေး အမုန်းတရားဖြန့် ဝေမှုတွေက ပြန့် ခဲ့ ပြန့်် ဆဲ။ အရေးယူနိုင်လျက်သားနဲ့ နယ်ရုပ်တွေလောက်ကိုသာ ဆွဲဆွဲစားပြနေတဲ့ စစ်တုရင်ထိုးပွဲတစ်ခုလိုဆိုတော့ အဲ့ဒီ အမုန်းတရားတွေက ဆက်ရှိနေဦးမှာပဲ။

မြန်မာမွတ်စလင်မ်လူ့အသိုင်းအဝန်းက အစ္စလာမ့်သွန်သင်ချက်နဲ့ တစ်ဖက်က ဖွင့်ဆိုသလို မဟုတ်ပါဘူးဆိုတာကို နိုင်ငံသိ ရှင်းပြထားတဲ့ ၇၈၆ကို တန်ပြန်တဲ့ ၉၆၉ လှုပ်ရှားမှုက အချိန်တစ်ခုကြာသွားပြီးမှ မဟာသံဃနာယကအဖွဲ့ က စာထုတ်ကန့် ကွက်ခဲ့ပေမယ့် အရှိန်ကောင်းနေဆဲဖြစ်ပြီး၊ ကန့် ကွက်တဲ့ လူ့အခွင့်အရေးလှုပ်ရှားသူတွေ ခြိမ်းခြောက်ခံခဲ့ရတဲ့ မျိုးစောင့်ဥပဒေ လှုပ်ရှားမှုကနေ တစ်ဆင့် မဘသဆိုတဲ့ အဖွဲ့ ပေါ်လာခဲ့ပြီး နောက်ဆုံးမှာ သမ္မတက အဆိုပါ ဥပဒေကို လွှတ်တော်ထဲ ရောက်ဖို့ နောက်ခံပေးခဲ့ပါတယ်။

အဲ့ဒီအချက်အလက်တွေပေါ်စောင့်ကြည့်ပြီး နိုင်ငံတကာက ပညာရှင်အချို့  က state-sponsored ဆိုတဲ့ စကားလုံးကို တွင်တွင်သုံးလာတာလည်း ရှိခဲ့တယ်။ ဦးသိန်းစိန်ဦးဆောင်တဲ့ အစိုးရနဲ့ အစိုးရနဲ့ နီးစပ်တဲ့ ဘာသာရေးခေါင်းဆောင်ပိုင်းတွေ ပညာရှင်ပိုင်းတွေက ဘယ်လိုပဲ ဘူးခံငြင်းနေ ရှင်းချက်ပေးနေပေမယ့် မြန်မာပြည်က ဘာသာရေးအကြမ်းဖက်မှုတွေနဲ့   ပြည်တွင်း စစ်တွေဟာ ကုလသမဂ္ဂ  ရဲ့ စားပွဲပေါ်က စိုးရိမ်စာရင်းထဲ ချိတ်နေတာကတော့ ကမ္ဘာသိပါ။

တချိန်တည်း ၂၀၁၅ ရွေးကောက်ပွဲအကြို အာဏာရပါတီနဲ့ အတိုက်အခံပါတီ၊ တိုင်းရင်းသားပါတီတွေ ကြားသာမက ခေါင်းဆောင်ပိုင်း တစ်ဦးချင်းကြားမှာလည်း အားပြိုင်မှုတွေ ၇ှိနေတယ် ဆိုတာ ကတော့ ပေါ်လွင်နေပါတယ်။ စစ်အစိုးရလက်ထက်ကစလို့ ယနေ့အထိ သြဇာလွှမ်းမိုးဆဲ အင်အားကြီး တရုတ်နဲ့ အမေရိကန်ဦးဆောင်တဲ့ အနောက်ကမ္ဘာရဲ့ မြန်မာနိုင်ငံအပေါ် အားပြိုင်မှုကလည်း အရှိန်ကောင်းနေဆဲပါ။ အဲ့တော့ အကျဉ်းချုပ်ရရင် တစ်ဖက်သတ်မှု၊ မတရားမမျှတမှု၊ အုပ်ချုပ်ရေးညံ့ဖျင်းမှု၊ နိုင်ငံရေးမတည်ငြိမ်မှု၊ အာဏာရှေ့ ရှုမှု၊ ဒေသတွင်းက အင်အားကြီးနိုင်ငံတွေရဲ့ အချင်းချင်းအားပြိုင်မှု၊ မဟာပါဝါတွေရဲ့ အားပြိုင်မှုတွေ အပြည့်ရှိနေတယ်ဆိုတာပါပဲ။

အရှုံး

အကြမ်းဖက်မှုတွေ ဖြစ်လာရင် ဘယ်သူတွေ နစ်နာပြီး ဘယ်သူတွေ အကျိုးရှိမလဲ။ ပြည်သူတွေဖြစ်တဲ့ ကျွန်တော်တို့ ကတော့ နစ်နာမှာ ရာနှုန်းပြည့်ပါပဲ။ သမိုင်းတစ်လျှောက် အင်္ဂလိပ်ခေတ် က ကုလား-ဗမာအဓိကရုဏ်းကစလို့ ခေတ်အဆက်ဆက် အစိုးရအဆက်ဆက် နိုင်ငံရေးကစားကွက်သားကောင် scapegoat ဖြစ်ခဲ့တဲ့ မြန်မာမွတ်စလင်မ်လူထု အသိုင်းအဝန်းက အနစ်နာဆုံးဖြစ်ပါလိမ့်မယ်။

ထိခိုက်နစ်နာရမယ့်ပြည်သူတွေထဲက ပြည်သူတွေဖြစ်တဲ့ မြန်မာမွတ်စလင်မ်တွေ ထိခိုက်နစ်နာပြီး၊ ဒါ့အပြင် ကစားပွဲတွေအတွက် အကြမ်းဖက်ဆိုတဲ့ ဆိုင်းဘုတ် တစ်ခု အဓမ္မချိတ် ခံရပြီး နိုင်ငံရေး ယဇ်ပူဇော်ခံရဦးမှာပါ။

ဒါပေမယ့် ဂျာအေသူ့ အမေရိုက်တဲ့ သံသရာမို့ မြန်မာမွတ်စလင်မ်ပြည်သူတွေနစ်နာတာက တစ်တိုင်းပြည်လုံးက ပြည်သူတွေအတွက် နစ်နာမှုပါပဲ။ ရခိုင်ပြည်နယ်နဲ့ မြန်မာနိုင်ငံရဲ့ လက်ရှိအခြေအနေတို့ကို ဥပမာ မြင်ကြည့်ရင်တော့ ပိုသိသာမြင်သာပါလိမ့်မယ်။

ရိုဟင်ဂျာတွေကို သတ်လို့ သူတို့ ရွာတွေကိုမီးရှို့ မြို့ ပြင်ထုတ်လို့ ရခိုင်တွေနဲ့ ရခိုင်ပြည်နယ် ဒုတိယအဆင်းရဲဆုံး စာရင်းက မြန်မြန်လွတ်ဖို့ ရှိသွားလား ဘယ်လိုဖြစ်နေတယ်ဆိုတာ စိတ်ကိုဖွင့်ပြီး ကြည့်ရင် ရှင်းရှင်းကြီးမြင်နိုင်ပါတယ်။

အဲ့လိုပါပဲ…တိုင်းရင်းသားလူနည်းစုတွေကို ထိုးစစ်တွေ ဆင်လို့ ခွဲခြားနှိပ်ကွက်လို့ ဘာသာရေး အမုန်းစကားတွေဖြန့် လို့ လူနည်းစုဘာသာဝင်တွေကို ရန်ဆောင်လို့ ကျွန်တော်တို့ရဲ့ အိပ်မက်ဖြစ်တဲ့ ငြိမ်းချမ်းဖွံ့ ဖြိုး တဲ့ မြန်မာဒီမိုကရေစီနိုင်ငံကြီးဆီကို ပိုနီးသွားလား၊ ပိုဝေးသွားလားဆိုတာ စိတ်ရှင်းရှင်းတွေးရင် ထင်းနေတာပါပဲ။

အဲ့တော့ အကြမ်းဖက်မှုတွေက တစ်တိုင်းပြည်လုံးက လူမျိုးဘာသာမရွေး တိုင်းသူပြည်သားအားလုံးကို ထိခိုက်နစ်နာစေပါမယ်။

အမြတ်

ဘယ်သူတွေ အကျိုးရှိမလဲ… ပထမဦးဆုံးကတော့ အလ်ကိုင်ဒါ မဟုတ်ပါဘူး၊ ဇဝါရီ ကိုယ်တိုင်ပါ၊ သူ့ ရဲ့ အကြမ်းဖက်မှု ခေါင်းဆောင်မှုကို ပြနိုင်မယ်လေ။ နောက် ဆက်တွဲကတော့ အကြမ်းဖက် မှု ကွန်ရက်တွေကြား သြဇာပြန်ဆယ်နေတဲ့ အလ်ကိုင်ဒါ ပေါ့။ နောက်ပြီးတော့…။

မြန်မာနိုင်ငံထဲမှာ ဘာသာရေးအကြမ်းဖက်မှုတွေ ဖြစ်စကရော ကြားပေါက်ပါ အထောက်အထား မခိုင်လုံဘဲနဲ့ အကြမ်းဖက်တွေ ဝင်လာပြီ အကြမ်းဖက်ဖွဲ့တွေနဲ့ ဆက်စပ်တယ် ဘာညာဘာဝါဆိုပြီး ရွှေသမင် ထွက်ထွက်နေတဲ့ တာတွေကနေ ထွက်ထွက်လာတာမျိုးတွေ ရှိနေခဲ့ပါတယ်။

အဲ့တုန်းက ISIS ဆိုတာ ကမ္ဘာမှာ ဘယ်သူမှ သတိမထားမသိသေးသလို၊ ဇဝါရီတောင် ဒီအစီအစဉ် သူ့ ခေါင်းထဲရောက်မရောက် အကောင်အထည်ဖော်မဖော် ဘယ်သူမှ တပ်အပ်မပြောနိုင်သေးတဲ့ ကာလပါ။

အဲ့တော့ အဲ့ဒီ ဗေဒင်ဆရာတွေပဲ အဟောတော်တာလား၊ ဖြစ်စေချင်တာတွေ ရမ်းမှန်းရင်း ကြက်ကန်းဆန်အိုးတိုး လက်ခမောင်းခတ်တော့မှာလားတော့ မပြောတတ်ပါ။

တစ်နေ့ က အလ်ဂျဇီရာမှာ နိုက်ဂျီးရီးယားက ဘိုကိုဟရမ်သူပုန်အဖွဲ့ နဲ့ ပတ်သက်ပြီး ရုရှပညာရှင်တစ်ယောက်က သူများတွေ သမရိုးကျ တင်ပြပုံမျိုးကနေ ခွဲထွက်ပြီး နိုင်ငံရေးနဲ့ တြွဲပီး တင်ပြထားတာလေး တော်တော်စိတ်ဝင်စားဖို့ ကောင်းပါတယ်။ lateral thinking တွေးပြထားလို့ စိတ်ဝင်တစား ဖတ်မိပြီး ခေါင်းထဲအတွေးပေါ်လာတာက အာဖရိကရဲ့ သံယံဇာတတွေနဲ့ ချမ်းသာတဲ့ အင်အားကြီး နိုက်ဂျီးရီးယားနိုင်ငံရဲ့ လက်ရှိအစိုးရ၊ ပြီးတော့ ဘိုကိုဟရမ်က အကြမ်းဖက်အဖွဲ့လို့ ကမ္ဘာ့ မွတ်စလင်မ်ထုရော အနောက်ကမ္ဘာကပါ ရှုံ့ချပြီး နိုင်ငံရေး အရ ထောက်ခံမှုပေးတာခံနေရတဲ့ အစိုးရ၊ ဒေသတွင်း အာဖရိကနိုင်ငံတွေစုပေါင်း အဲ့ဒါကို နှိမ်နှင်းဖို့ ဘာညာဆိုပြီး အစည်းအဝေးတွေ ခေါ်ဘာညာလုပ်နေတဲ့ အစိုးရက တလောက ဘိုကိုဟရမ်ကို တိုက်ဖို့ဆိုပြီး လက်နက်မပြည့်မစုံ မကောင်းနဲ့ စစ်တပ်ကို ပို့ လို့ စစ်သားတွေနဲ့ ဇနီးတွေက ကန့် ကွက် ဝေဖန်သံတွေ ဘာလို့ ထွက်ခဲ့ပါလဲပေါ့။

ရုရှပညာရှင်ရဲ့ အမြင်လေးတစ်ခုက အဲ့ဒီပြည်တွင်း ပဋိပက္ခပြဿနာက ရွေးကောက်ပွဲကာလအထိ သက်ဆိုးဆန့် ထားခံရပြီး နိုင်ငံလုံခြုံရေး အရေးပေါ်အခြေအနေ ဘာညာဆိုပြီး   ရွေးကောက် ပွဲ ရွှေ့ဆိုင်းခြင်းများဖြစ်လေမလားတဲ့။

ဒီကြားထဲ ဒေသတွင်းနဲ့ မဟာအင်အားကြီးတွေကလည်း ဘာတွေ အစီအစဉ်တွေရှိ ဘယ်လို အမြတ်ထုတ်မယ်ဆိုတာ မသိနိုင်ပါ။ အမြတ်ထွက်သူတွေကတော့ မရရအောင် လုပ်ယူပြီးတော့ အမြတ်ထုတ်ကြ ထွက်ကြဦးမှာပဲ။ ဘယ်လိုဖြစ်ဖြစ် ကျွန်တော်တို့ ပြည်သူတွေကတော့ ပေ ဖြစ်နေဦးမှာပါ။

နိဂုံး

အဲ့တော့ ဘယ်လိုကြည့်ကြည့် နစ်နာမှုတွေ သယ်လာမယ့် ဇဝါရီနဲ့ အလ်ကေဒါရဲ့ ကြေညာချက်ကို ကျွန်တော်ကတော့ လုံးဝ ရှုံ့ ချကန့် ကွက်ပါတယ်။ ပြည်သူတွေထဲ က မြန်မာ မွတ် စလင်မ် ထု လည်း ကျန်တဲ့ပြည်သူတွေနဲ့ အတူ ပြတ်ပြတ်သားသား ကန့် ကွက်ဖို့ ပါပဲ။ ကျွန်တော်တို့ အမိမြေရဲ့ ငြိမ်းချမ်းရေး၊ ဖွံ့ ဖြိုးရေးနဲ့ စစ်မှန်တဲ့ ဒီမိုကရေစီအတွက် ကျွန်တော့် တို့ ပြည်သူတွေအားလုံး ဘယ်သူတွေ ဘယ်လိုသွေးထိုးထိုး နှောင့်ယှက်လည်း သွေးမကွဲကြဘဲ လက်တွေ ခိုင်ခိုင်မြဲမြဲ တွဲထားကြဖို့ တိုက်တွန်းလိုက်ပါတယ်။။ ။

ပါကစ္စတန်မှတာလီဘန်အဖွဲ့ခွဲတစ်ခုလက်နက်စွန့်ပြီး လူမှုရေး လုပ်ငန်း များ လုပ် ကိုင်တော့ မည်

M-Media
TalibanGroup-Drops-Arms-Shifts-to-Charity
– ပါကစ္စတန်တာလီဘန်အဖွဲ့၏ ပန်ဂျပ်ဒေသ အဖွဲ့ခွဲ ပန်ချာဘီ တာလီဘန်အဖွဲ့မှာ ပါကစ္စတန်တွင် စစ်ရေးအရ တိုက်ခိုက်မှုများကို စွန့်လွှတ်ကာ နယ်လှည် တရားဟောခြင်း၊ လူမှုရေးလုပ်ငန်း များ လုပ်ကိုင်ခြင်း တို့ကိုသာ ပြုလုပ်သွားတော့မည်ဟု ကြေညာလိုက်သည်။

“၀ါဇီရစ္စတန် မြောက်ဘက်ဒေသမှာ ကြီးမားတဲ့တိုက်ခိုက်မှုတွေ မလုပ်ခင် အကြမ်းဖက်မှုတွေကို ရှောင်ရှားဖို့ အဲဒီ အဖွဲ့က အစိုးရနဲ့ စေ့စပ်ခဲ့တာပါ။ အခုလို ကြေညာချက် ထွက်ပေါ်လာတာ ဟာ မပြတ်တမ်း ဆွေးနွေးမှုကနေ ဖြစ်လာတဲ့ ရလဒ်ပါ” ဟု အစ္စလာမ်မာဘတ် အခြေစိုက် လုံခြုံရေးဆိုင်ရာ စောင့်ကြည့် လေ့လာသူ အမီရန် ရာနာက ယမန်နေ့တွင် Anadolu သတင်းဌာနသို့ ပြောကြားခဲ့သည်။

ထိုကြေညာချက်အား ပန်ဂျာဘီတာလီဘန် အဖွဲ့မှ ပြောရေုးဆိုခွင့်ရှိသူ အစ္စမာသွလ္လာဟ် မိုအာဝေယာက ပြီးခဲ့သည့် စနေနေ့တွင် ဗီဒီယိုဖိုင်မှတစ်ဆင့် ကြေညာခဲ့ခြင်းဖြစ်သည်။ အဆိုပါ ဗီဒီယိုဖိုင်တွင် မိုအာဝေယာက မိမိတို့အဖွဲ့မှာ လက်နက်ချကာ စစ်ဘက်ဆိုင်ရာ လှုပ်ရှားမှုများကို စွန့်လွှတ်ရန် ဆုံးဖြတ်ခဲ့သည်ဟု ပြောကြားခဲ့သည်။ သို့သော်လည်း လက်နက်များကို ပါကစ္စတန်လုံခြုံရေး တပ်ဖွဲ့သို့ လွှဲပြောင်းပေးအပ်ခဲ့ခြင်း ရှိ၊ မရှိကို ထည့်သွင်းပြောကြားခဲ့ခြင်း မရှိချေ။

အဆိုပါ ပန်ဂျာဘီ တာလီဘန်အဖွဲ့မှာ ပါကစ္စတန် တာလီဘန်အဖွဲ့ကြီးနှင့် ချိတ်ဆက်ထားသော အဖွဲ့ငယ်များထဲမှ တစ်ခုဖြစ်သည်။

မိုအာဝေယာကမူ ၎င်းတို့အနေဖြင့် အခြားသော မွတ်စလင်ခေါင်းဆောင်များနှင့် တွေ့ဆုံဆွေးနွေး အကြံဥာဏ်များ ရယူပြီးနောက် အင်အားသုံးခြင်းကို ကန့်သတ်သွားမည်ဖြစ်ကြောင်း၊ ရှရီအာဥပဒေ ကျင့်သုံးရေး အားပေးရန်အတွက် အာရုံစိုက် ဆောင်ရွက်သွားမည်ဖြစ်ပြီး၊ အာဖဂန်နစ္စတန်တွင် ဒအ်ဝသ် တဗ်လီးဂ် (နယ်လှည့်တရားဟောခြင်း) လုပ်ငန်းကို လုပ်ဆောင်သွားမည်ဖြစ်ကြောင်း၊ အခြားသော တာလီဘန်အဖွဲ့များအနေဖြင့်လည်း လက်နက်ကိုင်မှုကို စွန့်လွှတ်ရန် တိုက်တွန်းပါကြောင်း ထည့်သွင်းပြောကြားခဲ့သည်။

လက်နက်ကိုစွန့်လွှတ်လိုက်သည့် ပန်ချာဘီတာလီဘန်အဖွဲ့မှာ ရေလွှမ်းမိုးမှုကြောင့် အတိဒုက္ခရောက်နေကြသော ပန်ဂျပ်ပြည်နယ် ခရိုင် ၂၁ ခုရှိ ပါကစ္စတန်ပြည်သူ ၂ သန်းကျော်အား အကူအညီပေးရေး လုပ်ငန်းများတွင် ပါဝင်ဆောင်ရွက်သွားမည်ဟု သိရသည်။

ref_OnIslam & News Agencies