Daily Archives: September 29th, 2014

ဂါဇာပြည်သူများ အပေါ် အစ္စရေးက လူမျိုးတုန်း သတ်ဖြတ်မှု စစ်ပွဲ ဆင်နွှဲနေသည်ဟု ပါလက်စတိုင်း သမ္မတဆို

https://i1.wp.com/www.m-mediagroup.com/wp-content/uploads/2014/09/2014926161343194734_2.jpg

– အစ္စရေးအနေဖြင့် ဂါဇာပြည်သူများအပေါ် လူမျိုးတုန်းသတ်ဖြတ်မှုစစ်ပွဲ ဆင်နွဲနေပြီး ထိုစစ်ရာဇ၀တ်မှုအတွက် အစ္စရေးခေါင်းဆောင်များကို တရား ဥပဒေရှေ့မှောက် ရောက်လာအောင် ဆောင်ရွက် သွားမည်ဟု ပါလက်စတိုင်းသမ္မတ မဟ်မူးဒ်အဘတ်စ်က ကုလသမဂ္ဂ အထွေထွေ ညီလာခံတွင် ပြောကြားလိုက်သည်။

ဇူလိုင်လ အစောပိုင်းမှ သြဂုတ်လနှောင်းပိုင်း အထိ တိုက်ခိုက်ခဲ့သည့် အစ္စရေး၏ ကျူးကျော်စစ်မှာ ၆ နှစ်အတွင်း တတိယမြောက် စစ်ပွဲဖြစ်ပြီး ကလေးငယ်များ၊ သက်ကြီးရွယ်အိုများ အပါအ၀င် လူပေါင်း ၂၁၄၀ သေဆုံးခဲ့သည်။

“ကျွန်တော်တို့ ဘယ်တော့မှ မေ့မှာ မဟုတ်သလို ခွင့်လည်းမလွှတ်ပါဘူး။ ပြီးတော့ စစ်ရာဇ၀တ်ကောင်တွေကို ပြစ်ဒဏ်ကနေပြီး လွတ်မြောက်ခွင့် ပြုမှာ မဟုတ်ပါဘူး။ အစ္စရေးဟာ ပါလက်စတိုင်းပြည်သူတွေ အပေါ် ပြစ်မှုကျူးလွန်ဖို့ လူမျိုးတုန်း သတ်ဖြတ်တဲ့ စစ်ပွဲကို ရွေးချယ်ခဲ့ပါတယ်” ဟု ယမန်နေ့က ပြောကြားခဲ့သော မိန့်ခွန်း၌ အဘတ်စ်က ထည့်သွင်းပြောဆိုသွားခဲ့သည်။

ထိုကဲ့သို့ပြောဆိုမှုမှာ အဘတ်စ်၏ သမ္မတ သက်တမ်းတစ်လျှောက် အပြင်းထန်ဆုံး ပြောကြားမှုလည်းဖြစ်ပြီး၊ အစ္စရေးအား ဥပဒေအရ ရေးယူမှုများပြုလုပ်ရန် နိုင်ငံတကာ ရာဇ၀တ်ခုံရုံးနှင့် ဆက်သွယ်သွားမည်ဟုလည်း ခြိမ်းခြောက်ခဲ့သည်။  အမေရိကန်နှင့် အစ္စရေးတို့ကမူ အဘတ်စ်၏ ထိုစကားအတွက် ဒေါသထွက်ခဲ့ကြသည်။

ထို့ပြင် ၁၉၆၇ ခုနှစ် စစ်ပွဲပြီးနောက်ပိုင်း အစ္စရေးက မတရား သိမ်းပိုက်ထားသည့် ပါလက်စတိုင်း နယ်မြေများမှ ထွက်သွားရေးအတွက် နောက်ဆုံးရက် တစ်ခုသတ်မှတ်ရန် ကုလ၏ ဆုံးဖြတ်ချက်ကို ရယူသွားမည်ဟုလည်း အဘတ်စ်က ထည့်သွင်းပြောဆိုခဲ့သည်။

Agencies

IS အဖွဲ့ကို အမေရိကန် လျှော့တွက်မိခဲ့ဟု အိုဘားမား ဝန်ခံ

အစ္စလာမ်မစ် နိုင်ငံတော် (IS) စစ်သွေးကြွ အဖွဲ့၏ အင်အားစုရုံး တည်ထောင်လာမှုကို အစောပိုင်းက အမေရိကန်အနေဖြင့် လျှော့တွက်ထားမိခဲ့ကြောင်း သမ္မတ ဘာရတ်အိုဘားမားက အသိအမှတ်ပြု ဝန်ခံခဲ့သည်။

ဆီးရီးယားတွင် သမ္မတ ဘာရှာအာဆက်ဒ်ကို တော်လှန်သည့် အဖွဲ့အစည်းတစ်ခုအဖြစ်မှ စတင်ကျယ်ပြန့်လာသည့် IS သည် ယခုအခါ ကမ္ဘာပေါ်တွင် အထင်ရှားဆုံး အကြမ်းဖက်တိုက်ခိုက်ရေး တပ်ဖွဲ့တစ်ခု ဖြစ်လာခဲ့သည်။ အီရတ်တွင် အယ်လ်ကိုင်ဒါ အဖွဲ့ကို ချေမှုန်းရာတွင် အမေရိကန်သည် ဆွန်နီ အစ္စလာမ်မစ် မျိုးနွယ်စုများနှင့် ပူးပေါင်း ဆောင်ရွက်ခဲ့သော်လည်း ထို့နောက်ပိုင်းတွင် ဆီးရီးယား၌ အပြောင်းအလဲများ ဖြစ်ပေါ်လာခြင်းကို အခွင့်ကောင်းယူကာ ဆွန်နီ အစွန်းရောက်များက ISIL ကို အသက်သွင်းခဲ့သည်။ ISIL သည် နောင်တစ်ချိန်တွင် IS ဖြစ်လာခဲ့သည်။

CBS နှင့် အင်တာဗျူးတွင် အိုဘားမားက ဆီးရီးယား၏ ပဋိပက္ခများကို အသုံးချကာ စစ်သွေးကြွများက ၎င်းတို့၏ အင်အားကို ချဲ့ထွင်တည်ဆောက်ရန် ခြေကုပ်နေရာ ရသွားခဲ့ကြောင်း မှတ်ချက်ပေးခဲ့သည်။ ISIL သည် ဆီးရီးယား အစိုးရထံမှ နယ်မြေ အများအပြားကို သိမ်းယူပြီး ထိုမှတစ်ဆင့် အီရတ်မြောက်ပိုင်း ဒေသများကို လျှပ်တပြက် စစ်ဆင် တိုက်ခိုက်သိမ်းသွင်းပြီး အစ္စလာမ်မစ် နိုင်ငံတော်အဖြစ် ထူထောင်ကြေညာကာ အဖွဲ့အစည်း အမည်ကိုလည်း IS အနေဖြင့် ပြောင်းလဲခဲ့ခြင်း ဖြစ်သည်။

“ဆီးရီးယား ပြည်တွင်းစစ်ကြောင့် နိုင်ငံရဲ့ ဒေသအများစုက အစိုးရ အချုပ်အခြာ အာဏာကနေ ကင်းလွတ်သွားတယ်။ အဲဒီအချိန်မှာ စစ်သွေးကြွတွေက ကိုယ်ပိုင်အုပ်ချုပ်ပုံ ဥပဒေတွေ ရေးဆွဲခဲ့တယ်။ ပဋိပက္ခ အခြေအနေတွေကို အကြောင်းပြပြီး နိုင်ငံရပ်ခြားက တိုက်ခိုက်ရေးသမားတွေကို ဆွဲဆောင် သိမ်းသွင်းနိုင်ခဲ့တယ်”ဟု အိုဘားမားက ဆိုသည်။ ထို့အပြင် ဆာဒမ်ဟူစိန်လက်ထက် သစ္စာတော်ခံ အကြွင်းအကျန် သစ္စာခံ အချို့ကိုပါ စုဆောင်းပြီး IS အနေဖြင့် ၎င်းတို့၏ စစ်အင်အားကို တိုးချဲ့နိုင်ခဲ့ကြောင်းလည်း အမေရိကန် သမ္မတက မှတ်ချက်ပြုခဲ့သည်။

အမေရိကန် အနေဖြင့် ၎င်းတို့ လေ့ကျင့်ပေးထားသည့် အီရတ်တပ်ဖွဲ့များအပေါ် လိုသည်ထက် ပိုမို၍ အထင်တကြီး ရှိခဲ့ပြီး IS တပ်ဖွဲ့များအပေါ် လျှော့တွက်ခဲ့ကြောင်း စွပ်စွဲမှုများနှင့် ပတ်သက်ပြီး မေးမြန်းသည့်အခါ အိုဘားမားက “ဒါက အမှန်ပါ။ လုံးဝကို မှန်ကန်တဲ့ ကိစ္စပါပဲ”ဟု ဝန်ခံခဲ့သည်။

လတ်တလောတွင် အမေရိကန်သည် မဟာမိတ် နိုင်ငံအချို့နှင့်အတူ ပူးပေါင်းကာ အီရတ်နှင့် ဆီးရီးယားတို့ရှိ IS ပစ်မှတ်များကို လေကြောင်းမှ တိုက်ခိုက်လျက် ရှိသည်။ အထူးသဖြင့် IS အဖွဲ့၏ ဘဏ္ဍာရေးကို အဓိက အထောက်အပံ့ ဖြစ်စေသည့် ရေနံတွင်းများကို တိုက်လေယာဉ်များက ဗုံးကြဲ ဖျက်ဆီးခဲ့ပြီး ဆီးရီးယားရှိ IS ဗဟိုထိန်းချုပ်ရေး စခန်းတစ်ခုကိုလည်း ပစ်မှတ်ထား တိုက်ခိုက်ခဲ့သည်။

အမေရိကန်သည် IS အဖွဲ့ကို တွန်းလှန် တိုက်ခိုက်နေသည့် အီရတ်စစ်တပ်နှင့် ကာ့ဒ်လူမျိုး တိုက်ခိုက်ရေးသမားများကိုလည်း လက်နက်တပ်ဆင် ထောက်ပံ့ပေးလျက်ရှိသည်။

_Ref: BBC