Daily Archives: December 20th, 2014

ဇေယျကျော်ထင် ဗိုလ်မှူးကြီးဘရှင် (၁၉၁၄-၁၉၇၀)

“ဇေယျကျော်ထင်ဗိုလ်မှူးကြီးဘရှင်” B.A(Hons),M.R.A.S,M.R.N.S

Written by ပါမောက္ခ ဒေါက်တာ အောင်ဇော်

တော်ဝင်သမိုင်းပညာရှင် ဇေယျကျော်ထင် ဗိုလ်မှူးကြီးဘရှင် B.A (HONS), M.R.A.S, M.R.N.S

ဆရာ့ကို ပျဉ်းမနားမြို့ရွာကောက်ရပ် ကျောင်းအုပ်ဆရာကြီးဦးဟိန်၊ ဒေါ်စောရင်တို့မှ (၂၇-၁၂-၁၉၁၄)ခုတွင်ဖွားမြင်သည်။

အစ်မကြီး(၂)ဦးနှင့်ညီမငယ် (၂)ဦးရှိသည်။ ဆရာသည် ငယ်စဉ်ကပင်ပညာထူးချွန်သည်။

(၁၉၃၅)ခု ကျောင်းသားဘ၀ ကတည်းက စာပေလောကနှင့် နီးစပ်ထိတွေ့ခဲ့သူဖြစ်သည်။ မြန်မာ့အလင်းနှင့်သူရိယသတင်းစာတို့၏ ယုဒသန်   ကော လိပ်   သတင်းထောက်အဖြစ် (၁၉၃၅)ခုမှ(၁၉၄၁)ခုအထိ ဆောင်ရွက်ခဲ့ပြီး သတင်းအများ အပြားကိုရေးခဲ့သည်။

တက္ကသိုလ်ကျောင်းသားဘ၀မှာပင် ကျေးလက် တောရွာပြုပြင်ရေး လုပ်ငန်းအတွက်Socrates of Schoolအမည်ရှိ စာအုပ် ကိုပြုပြင် ဘာသာပြန် သည့်   ခေတ်သစ်မာဃအမည်ရှိစာအုပ်ကို(၁၉၃၇) ခုနှစ်၌ရေးသားထုတ်ဝေခဲ့သည်။

ယုဒသန်မဂ္ဂဇင်းအတွက်လည်း ဆောင်းပါး များရေးခဲ့ပြီး မြန်မာစာအယ်ဒီတာအဖြစ်ဆောင်ရွက်ခဲ့သည်။

ခြင် အမည်ရှိ လက်ရေးမဂ္ဂဇင်း၏ အယ်ဒီတာအဖြစ်လည်း တစ်နှစ်တာ ဆောင်ရွက်ခဲ့ သေးသည်။

(၁၉၃၈)ခုတွင် ဂျပ်ဆင်ကောလိပ်မှ အရှေ့တိုင်းရာဇ၀င်ဖြင့်ဝိဇ္ဇာ ဂုဏ်ထူးဘွဲ့ရခဲ့သည်။

(၁၉၃၈-၃၉)ပညာသင်နှစ်တွင် ရန်ကုန်တက္ကသိုလ် မွတ်စ်လင်မ်အသင်း ဥက္ကဋ္ဌအဖြစ်တာဝန်ယူခဲ့သည်။

(၁၉၃၉)ခုနှစ်တွင် ဒေါက်တာဦးသာဆိုင်၊ဒေါက်တာအန်ဒရပ်တို့နှင့်အတူ မြန်မာနိုင်ငံကျေး လက် ပြုပြင်ရေး စာတမ်းကို ရေးသားထုတ်ဝေ ခဲ့သည်။ ယုဒသန်   ကောလိပ် ကျေး လက်ပြုပြင်ရေးအဖွဲ့၏ ဥက္ကဋ္ဌလည်းဖြစ်သည်။

ဂျပန်ခေတ်တွင် အာရှ လူငယ်အစည်းရုံး၏ ဉာဏဗလမှူးအဖြစ်လည်းကောင်း၊တပ်မတော် ပညာရေးအရာရှိအဖြစ်လည်းကောင်းဆောင်ရွက်ခဲ့သည်။
အာရှလူငယ်များ အစည်းအရုံးဌာနချုပ်လက်ရွေးစင်ကျောင်း၊ အာရှလုလင်ကျောင်း၊ ပဲခူးစံပြ တပ်ရင်းနှင့် မင်္ဂလာဒုံဗိုလ် သင်တန်းကျောင်းတို့ တွင်  မြန်မာ နိုင်ငံ သမိုင်းနှင့် အရှေ့တိုင်းနိုင်ငံ့သမိုင်းဘာသာရပ်များပို့ချသင်ကြားပေးခဲ့သည်။
(၁၉၄၄)ခု နှစ်တွင် အာရှလူငယ်စာစဉ်(၁)အဖြစ် အရှေ့အာရှ စစ်ကြီးနှင့် သာတူညီမျှ အကျိုးခံစားရေးစနစ်ကို ထုတ်ဝေသည်။

အဆိုပါ စာအုပ် မိတ်ဆက်တွင် ထုတ်ဝေသူနှင့် ပြန်ကြားရေးတာဝန်ခံက –
“ရန်ကုန်တက္ကသိုလ်ယုဒသန်ကောလိပ်မှ ဦးဘရှင်ဆိုလျှင်တက္ကသိုလ် ကျောင်း၊ သမိုင်းဘာသာ၊ လိုက်စားဝါသနာပါသူများနှင့် ယုဒသန်   ကောလိပ်   ကျေး လက်ပြုပြင်ရေးသမားများ၏ နယ်ပယ်တွင် အထူး ထင်ရှားလူသိများခဲ့လေသည်”ဟုလည်းကောင်း၊

“ကျေးလက်တောရွာပြုပြင်ရေး၌လည်း အထူးစိတ်ဝင်စားသည့် အလျောက် ယုဒသန်ကောလိပ်ကျေးလက်ပြုပြင်ရေးအဖွဲ့၏ ဥက္ကဋ္ဌ အဖြစ် ကိုယ်တိုင် ပါဝင်ပြီး လက်တွေ့ ကျေးလက် ပြုပြင်ရေး လုပ်ငန်းကိုလည်းဆောင်ရွက်ခဲ့သေးသည်။ ကျေးလက်ပြုပြင်ရေးနှင့် သက်ဆိုင်သော ခေတ်သစ် မာဃနှင့် “မြန်မာပြည် ကျေးလက်ပြုပြင်ရေး” စာတမ်းကို လည်းရေးသားခဲ့ သူဖြစ်သည်။”
ဟုလည်းကောင်း အရှေ့အာရှတိုက် လူငယ်အစည်းအရုံး(ဗမာနိုင်ငံ)၏ ဗဟိုအမှုဆောင် အဖွဲ့၌ ဉာဏဗလတာဝန်ခံဟူ၍ အမှုဆောင် တစ်နေရာထား ရှိ လေရာ ၎င်းင်းနေရာနှင့် အသင့်တော်ဆုံးဟု ယူဆကြပြီး ဦးဘရှင် အား ဉာဏဗလ တာဝန်ခံအဖြစ် ရွေးချယ်ခန့်ထားလိုက်သည်။

ဉာဏဗလတာဝန်ခံအဖြစ် အစည်းအရုံး၏ ဉာဏဗလတာဝန်ခံ လုပ်ငန်းများနှင့် စာကြည့်တိုက်ဌာနကို ကြီးကြပ်အုပ်ချုပ်သည့် အပြင် နေပြည်တော်
လက်ရွေးစင်ကျောင်းတွင်လည်း အရှေ့ အာရှတိုက်တိုင်းပြည်များ၏ သမိုင်းပညာများကို သင်ကြားပို့ချ လျက် ရှိပေသည်။

ဉာဏဗလ တာဝန်ခံ ဦးဘရှင်အဖြစ်နှင့်ကား အာရှလူငယ်များ၏နယ်တွင် အတော်ပင် လူသိများနေလေပြီ” ဟုလည်းကောင်း မိတ်ဆက်ဖော်ပြ ထား သည်။

ဖက်ဆစ်တော်လှန်ရေးတွင် တိုင်း(၄)ရဲဘော်တစ်ဦးအဖြစ် တိုင်း(၄) သတင်းစာကို ဦးစီးထုတ်ဝေခဲ့သည်။

တော်လှန်ရေးရဲဘော်များအတွက် အရင်းရှင်စနစ်ပေါ်ပေါက်လာပုံ အကြောင်းဖြစ်သောဥရောပစီးပွားရေးသမိုင်း အမည်ရှိ ကျမ်းတစ်စောင် ကိုရေး သား ထုတ်ဝေသည်။

စစ်ပြီးကာလ (၁၉၄၅)ခုနှစ်တွင် ဗမာမွတ်စ်လင်မ်အဖွဲ့အစည်း ဟောင်းများ ပြန်လည်တည်ထောင်စဉ် အောက်မြန်မာနိုင်ငံမှ လူငယ်များကို   ခေါင်း   ဆောင်    ပါဝင်ခဲ့သည်။

တိုင်းပြည်၏ လက်ရှိအခြေအနေတွင် လုပ်သင့် လုပ်ထိုက်သည်များကို ညှိနှိုင်း၍ကျွန်ုပ်တို့ဖြစ်စေလိုသော ဗမာမွတ်စ်လင်မ်များဟူသောစာတမ်း ကို   ရေး သားထုတ်ပြန်ခဲ့သည်။ ထုတ်ပြီးမကြာမီ တပ်မတော်သို့ဝင်ရောက်ခဲ့သည်။

စစ်မှတ်တမ်း တပ်မှူးအဖြစ်လည်းကောင်း၊ ဗြိတိန်နိုင်ငံဆိုင်ရာမြန်မာစစ်သံမှူး (ဗိုလ်မှူးကြီးအဆင့်)အဖြစ် လည်းကောင်း ဆောင်ရွက်သည်။

မြန်မာနိုင်ငံ လွတ်လပ်ရေးရပြီးနောက် စာပေနှင့်သမိုင်းရေးရာ သုတေသီလုပ်ငန်းဘက်တွင် ပိုမိုအားစိုက်ပြန်သည်။

(၁၉၄၈)ခုနှစ်တွင် မြန်မာနိုင်ငံတော်သမိုင်းကို ရေးသားပြုစုထုတ်ဝေခဲ့သည်။

နောင်သော် ထိုစာအုပ်ကို တက္ကသိုလ်ဝင်တန်း ကျောင်းသုံးစာအုပ်အဖြစ် နှစ်အတန်ကြာ ပြဋ္ဌာန်းသုံးစွဲခဲ့သည်။

မြန်မာနိုင်ငံတော်သမိုင်းစာအုပ်တွင် ရှေးဟောင်းခေတ် မြန်မာနိုင်ငံ၊ မြို့စားရွာစား ဘုရင်ခေတ်၊ အရင်းရှင်စနစ်ဝင်ခေတ်၊ ပြည်ထောင်စု မြန်မာ နိုင် ငံ   တော်ခေတ်ဟူ၍ အခန်းကြီး (၄)ခန်းခွဲကာ တင်ပြထားသည်။

ရာဇ၀င် ဝေါဟာရအစား(၁၉၃၇ခုနှစ်က ကောလိပ်ကျောင်းအုပ်ကြီး ဦးဖေမောင်တင် နှင့်၊ဂျပန်ခေတ်ကပါမောက္ခဦးဘညွန့်တို့ အသုံးပြုဖူးသော) သမိုင်းဝေါဟာရ နေရာမှန်ရစေရန်ဖွင့်ဆိုကြိုးပမ်းမှုအတွက်လည်းကောင်း၊ ထူးခြားခေတ်မီ သော သမိုင်းအမြင်အတွက် လည်းကောင်း ထင်ရှားသည်။

ကျမ်းဦးတွင် ပါမောက္ခလုစ်၊ မြန်မာစာပါမောက္ခ ဦးသက်တင်၊ ဗိုလ်မှူးကြီးကျော်ဇောနှင့် သခင်နုတို့၏ ချီးကျူးဂုဏ်ပြုဆိုမိန့်ထားမှုများတွေ့ရသည်။

ဗိုလ်မှူး ဘရှင်၊ ဦးဘိုကေ၊ ဦးဝန် (ဆရာ မင်းသုဝဏ်)၊ မစ္စတာ လု(ခ်)မြန်မာစာပြုစုရေးနှင့် ဘာသာပြန်ကော်မရှင်ဖွဲ့သောအခါ အဖွဲ့ဝင် အဖြစ်ပါ ၀င် သည်။

တပ်မတော်တွင် အမှုထမ်းနေစဉ်အတွင်း စစ်နှလုံးဂျာနယ်နှင့် မြ၀တီမဂ္ဂဇင်းတို့တွင် ယဉ်ကျေးမှုသမိုင်းနှင့် စစ်ရေးဆိုင်ရာ ဆောင်းပါး အများရေး ခဲ့ သည်။ ထို့ပြင် ခလေးဂျာနယ်၊ ဗမာ့ခေတ်သတင်းစာနှင့် မြန်မာ့အလင်းသတင်းစာတို့တွင် ကလေးသူငယ်များအတွက် ဆောင်းပါး များရေးခဲ့သည်။ စစ် ပညာဂျာနယ်တွင် စစ်ရေးဆောင်းပါးများကို အလျဉ် မပြတ်ရေးခဲ့သည်။

(၁၉၅၂)ခုနှစ် ရန်ကုန်မြို့လုံးဆိုင်ရာ တမန်တော်နေ့ကျင်းပရေး ကော်မတီတွင် ဥက္ကဋ္ဌအဖြစ် တာဝန်ယူသည်။

မြန်မာ့အသံမှ အသံလွှင့် ခွင့်ကို ကော်မတီက စတင်တာဝန်ယူလိုက်သည်။

(၁၉၅၄)ခုနှစ်စက်တင်ဘာလ(၅)ရက်နေ့တွင်ဖွဲ့စည်းသော မြန်မာ မွတ်စ်လင်မ်ကလောင်ရှင်များအဖွဲ့က နာယကအဖြစ် တင်မြှောက်သည်။

(၁၉၅၄)ခုနှစ်တွင် နိုင်ငံတော်အစိုးရ တိုက်တွန်းအားပေးမှုဖြင့် အစ္စလာမ်သာသနာရေး သက်သက်ဆောင်ရွက်နိုင်ရန် ပြည်ထောင်စု   မြန်မာနိုင်ငံ အစ္စလာမ် သာသနာရေးရာကောင်စီဌာနချုပ် ဖွဲ့စည်းတည်ထောင် သောအခါ ဗဟိုအမှုဆောင်အဖြစ်ပါဝင်သည်။ ကျမ်းပြုကော်မတီ အဖွဲ့ဝင် လည်း ဖြစ် သည်။

(၁၉၅၆)ခုနှစ်တွင် မိတ္ထီလာမြို့တွင် ကျင်းပသော ပထမအကြိမ် အစ္စလာမ်သာသနာရေးရာ ကောင်စီ ပြည်လုံးကျွတ် ညီလာခံကြီးက အတွင်းရေး မှူး ချုပ် အဖြစ် ရွေးကောက်တင်မြှောက်ခဲ့သည်။ ပြဿနာအရပ်ရပ်ကို ရင်ဆိုင်ဖြေရှင်းပြီး ကွယ်လွန်ချိန်အထိ အစ္စလာမ်သာသနာရေးရာ   ကောင်စီ အတွင်းရေးမှူးချုပ်တာဝန်ကို အောင်မြင်စွာ ဆောင်ရွက်ခဲ့သည်။

(၁၉၅၆)ခုနှစ်တွင် တပ်မတော်မှ အငြိမ်းစားယူပြီးသည့် နောက်တွင် မြန်မာနိုင်ငံသမိုင်း ကော်မရှင်၌ ကျမ်းပြုအရာရှိ အဖြစ် အမှုထမ်းခဲ့သည်။ အရှေ့ ဖျားနှင့် မြန်မာ့သမိုင်းကထိကအဖြစ်လည်း (၁၉၅၉မှ၆၀ထိ) ရန်ကုန် တက္ကသိုလ်၌ အမှုထမ်းခဲ့သည်။

သမိုင်းကော်မရှင်၌ ကျမ်းပြုအရာရှိအဖြစ် ဆောင်ရွက်နေစဉ် သမိုင်းတံခွန်ဂျာနယ်တွင် အင်္ဂလိပ်-မြန်မာနှစ်ဘာသာတို့ဖြင့် သုတေသန စာတမ်းများ ကို ရေးခဲ့သည်။

အစောဆုံး ပုဂံယဉ်ကျေးမှုနှင့် မြန်မာစာ အကြောင်းကိုဖော်ပြသော လောကထိပ်ပန် စာအုပ်ကို အင်္ဂလိပ်ဘာသာ ဖြင့်ရေးခဲ့သည်။

“သုတေသနတန်ဖိုးအများကြီးရှိသည့် တင်ပြချက်ဖြစ်လို့ အားရနှစ်သက်စရာရှိပါတယ်”ဟုလည်းကောင်း၊

“နံရံဆေးရေးကားတွေကမြန်မာစာ၊ မွန်စာတွေကို အသေးစိတ် ရှင်းလင်းပြီး မြန်မာစာပေရဲ့ အစကို ဖော်ထုတ်ပေးတယ်။

မြန်မာ့ သမိုင်းအဖွဲ့ရဲ့ ပထမတစ်အုပ်ပဲလို့ ဂုဏ်ယူနိုင်လောက်အောင် ပထမစွဲတဲ့စာအုပ်ဖြစ်ပါတယ်”ဟုလည်းကောင်း   ခေတ်ပြိုင် မြန်မာသမိုင်း ပညာ ရှင် တို့က လှိုက်လှိုက်လှဲလှဲ ချီးကျူးခံရသည့် စာအုပ်ဖြစ်ပါသည်။

ပုဂံရှေးဟောင်းမင်စာများအကြောင်း ဖော်ပြသော ပုဂံမင် စာစု သုတေသနခရီး အစီရင်ခံစာ အမည်ရှိစာအုပ်ကိုလည်း ရေးသားပြုစုသည်။ အဆိုပါ မင်စာနှင့် ပတ်သက်သည့် စာအုပ်နှစ်အုပ်ကို သမိုင်းကော်မရှင်မှ ပုံနှိပ်ထုတ်ဝေခဲ့ခြင်းဖြစ်သည်။

မြန်မာ့စွယ်စုံကျမ်း (အတွဲ ၁ မှ ၁၁၊ ကအက္ခရာမှ ရ အက္ခရာ)၌ လည်း ကချင်ပြည်နယ်၊ ကချင်လူမျိုး၊ ကယားပြည်နယ်၊ကယားလူမျိုး၊ ကရင်ပြည်နယ်၊ ကရင်လူမျိုး အစရှိသဖြင့် တိုင်းရင်းသားလူမျိုးများ အကြောင်း၊ တိုင်းနှင့်ပြည်နယ်ဆိုင်ရာ အကြောင်းများနှင့် ကင်းထောက်၊ ကင်းထောက် အမျိုးသမီး ကဲ့သို့ လူမှုရေးဆိုင်ရာ အကြောင်းများနှင့် ပျူလူမျိုး၊ ကပ္ပလီကျွန်း အစရှိသည့် သမိုင်းဆိုင်ရာ အကြောင်းရပ်များကို ဓာတ်ပုံမြေပုံ အထောက် အထား များ ဝေေ၀ဆာဆာဖြင့် ရေးသားခဲ့သည်။

တက္ကသိုလ်များအုပ်ချုပ်ရေးရုံးမှ ကြီးမှူးထုတ်ဝေသော ပညာ ပဒေသာစာစောင်၊ ၀ိဇ္ဇာနှင့်သိပ္ပံတက္ကသိုလ် မြန်မာစာအသင်း၊ သတ္တဗေဒ အသင်း၊ မွတ်စလင်ကျောင်းသူကျောင်းသားများအသင်း စသည်တို့မှ ထုတ်ဝေသော မဂ္ဂဇင်းများနှင့် ငွေတာရီ၊ မြ၀တီ၊ ရှုမ၀၊ မိုးဝေ၊ စစ်ပြန်၊ စစ်ပညာဂျာနယ်၊ ပညာတန်ဆောင်၊ ပညာလောက၊ ယဉ်ကျေးမှုစာစောင်၊ သမိုင်းတံခွန်၊ကမ္ဘာ့အလင်းစာစောင်၊ အစ္စလာမ်စာစောင်၊လုပ်သားပြည်သူ့ နေစဉ် အင်္ဂလိပ်နှင့် မြန်မာသတင်းစာတို့၌ ဆောင်းပါးများ ရေးခဲ့သည်။

ဆောင်းပါးများရေးရာ၌ ဗိုလ်မှူးဘရှင်၊ ဦးဘရှင်ဟူသော ကလောင်အမည်များအပြင် စံအောင်၊ ဗိုလ်မှူးဉာဏ၊ မောင်ပင်တည်၊ သုတေသီ၊ တိုင်း(၄) ရဲဘော်ဟောင်း၊ ကင်းထောက်မောင်၊ ၀ရီးစံ ဟူသော ကလောင်အမည်ခွဲများဖြင့်လည်း ရေးသားခဲ့သည်။

အစ္စလာမ်စာစောင်တွင် ကလေးများအတွက် ပုံပြင်ရေးရာ၌ ဒါဝတ်ဟိန်း အမည်ကိုသုံးခဲ့သည်။ ဆရာသည် မြန်မာနိုင်ငံရှိ သွေးရင်း သားရင်း လူ မျိုးနွယ် များ၏   ဘာသာစကားကို တတ်ကျွမ်းသည်။ မွန်ခမာအုပ်စု တိဗက်မြန်မာအုပ်စု ထိုင်း သို့မဟုတ် တရုတ်ဘာသာစကားများကို တတ်ကျွမ်း သည်။
ထိုမျှမက အိန္ဒိယဘာသာစကား အများအပြားကိုလည်း လေ့လာထားသည်။

အင်္ဂလိပ်ဘာသာစကားကိုကား အရေးရော အပြောပါ ကျွမ်းကျင်သည်။ ထိုသို့ကျွမ်းခြင်းကြောင့်လည်း နိုင်ငံတကာ သုတေသီတို့အလယ်တွင် ၀င် ဆံ့နိုင် သည်။

ရှေးဟောင်းမြန်မာစာနှင့် ရှေးမွန်စာတို့တွင်လည်း တကယ် အားထား ကိုးစားရသူဖြစ်သည်။ ပါဠိဘာသာကို ကောင်းစွာ ကျွမ်းသည်။ ဗုဒ္ဓဘာသာ ပါဠိ ကျမ်းစာများတွင် နှံ့စပ်သည်။

ဆရာသည် စာဖတ်အားကောင်းသည်။ ခရီးလည်းအလွန် ထွက် နိုင်သည်။ သိပ္ပံနည်းကျ သုတေသနကို အားသန်သည်။ ပြည်တွင်းမှာ သာမက နိုင်ငံ ရပ်ခြားမှာပါ သမိုင်းအရင်းအမြစ်များကို စုဆောင်းပေး နိုင်သူလည်းဖြစ်ပါသည်။

ဆရာသည် အစောပိုင်းမြန်မာနိုင်ငံသမိုင်းကျမ်းကို ပြုစုနေစဉ် (၁၉၇၀)ခု၊ဇန်န၀ါရီ(၇)ရက်၊ညနေ(၅)နာရီ၊မိနစ်(၅၀)တွင်နှလုံးရောဂါဖြင့် အလ္လာဟ် အရှင် အမိန့်တော်ခံယူခဲ့သည်။

မကွယ်လွန်မီ“အနော်ရထာ့ အရင် ကမြန်မာနိုင်ငံ”စာအုပ်ကိုလက်စသတ်ခဲ့သည်။

ကွယ်လွန်ချိန်၌ ဗိုလ်မှူး ဘရှင်တွင်ဇနီးသတ္တဗေဒဌာန ကထိကဒေါ်ခင်မေကြီးနှင့် သားမောင်ဉာဏ်ထိန်၊သမီး မဉာဏ်သစ်၊ မနီလာ၊ မအေးအေး၊ မထွေးထွေးတို့ ကျန်ရစ်သည်။

ဆရာ ကွယ်လွန်သည်ဟု သတင်းကြားသည်နှင့် ဆရာကို ချစ်သူ၊ လေးစားသူ၊တန်ဖိုးထားသူအများအပြား လာရောက် မေးမြန်းကြည့်ရှု ဂါရ၀ ပြုကြ သည်။

ဘာသာရေး၊ လူမှုရေးအသင်းအဖွဲ့များ၊ ဌာနဆိုင်ရာများ၊ လုပ်ဖော်ကိုင်ဖက်များ၊ တပည့်တပန်းများ အထူးသဖြင့် ရန်ကုန်တိုင်း အတွင်းရှိ အစ္စလာမ်   ကောင် စီခွဲများသာမက နယ်အသီးသီးမှ သတင်းကြား ကြားချင်း ရောက်ရှိလာကြသူများဖြင့် စည်ကားလှသည်။

ပြည်လမ်း၊ရွှေဟင်္သာလမ်းနေအိမ်မှရုပ်ကလာပ်မြှုပ်နှံရာ တာမွေသို့ ပို့ဆောင်ရာလိုက်ပါပို့ဆောင်သောကားတန်းကြီးမှာ ပြည်လမ်း၊ တက္ကသိုလ် ရိပ် သာ လမ်းတစ်လျောက် ရှုလေရှုလေ မျက်ခြည်ဝေမျှ ရှည်လျားများပြား သည်။

ကားခေါင်းတွင် ပြည်ထောင်စုမြန်မာနိုင်ငံအလံ၊ “အလ္လာဟ်ဟု အတ်ကဗရ်”စာတန်းပါ အစ္စလာမ်ကောင်စီအလံတို့ တဖျပ်ဖျပ် လူးလွင့်နေ သဖြင့် တစ် လမ်း လုံး အနီရောင် ပိတ်တန်းကြီး ဆက်နေသည်။

တာမွေ သုသာန်သို့ ကြိုရောက်နှင့်သူတို့မှာလည်း တိုးမပေါက်အောင်ရှိ နေသည်။ ထာဝရခွဲခွာသွားပြီးဖြစ်သော ဗိုလ်မှူးကို မြေမြှုပ်နှံခြင်းမပြုမီ တွင်းဝ သို့ တရွေ့ရွေ့တိုး၍ နောက်ဆုံးဂါရ၀ပြုလိုသူ အများအပြားမှာ လူအုပ်ကြီး နောက်တွင်ကျစ်ရစ်ရှာသော်လည်းပညာရေးဝန်ကြီးဌာနမှ အရာရှိကြီးများ၊ အမျိုးသားစာဆို ဆရာကြီးဇော်ဂျီနှင့် သမိုင်းကော်မရှင် အဖွဲ့ဝင်များ၊ တက္ကသိုလ် အသိုင်းအ၀ိုင်းမှ ပုဂ္ဂိုလ်များသည်တွင်းနှုတ်ခမ်းဝနားတွင်ရင်တွင်း စကား အမှာအထားများ ပြောကြားနေသယောင် မတ်ရပ် အနေအထား ရှိနေကြသည်ကို တွေ့ရသည်။ ဗိုလ်မှူးကို အသေစော၍ နှမြောကြသည်။

မြန်မာစာပါမောက္ခဦးမောင်မောင်ကြီး (တက္ကသိုလ်မောင်မောင်ကြီး) က ရင်းနှီးသော သက်တူရောင်းရင်းအဖြစ်-

“ကျောက်စာအကူးတွင် ကိုဘရှင်ကား ကျွန်တော့် ရောင်းရင်းနည်းပြဆရာပါပေ။ ထို့ကြောင့်လည်း သူ့ကို ခင်မင်ခဲ့ခြင်း ဖြစ်ပေသည်။

ရုံးပိတ်ရက်များတွင် သူနှင့် ကျွန်တော်သည် ဗဟန်း ရေတာရှည်လမ်းရှိ တရုတ်ဘုန်းကြီးကျောင်းများသို့ သွားလေ့ ရှိပါသည်။

မုတ်ဆိတ်ကြင်စွယ်ရှည်ရှည်မျောမျော ဖြူဖြူ ဖွေးဖွေးရှိသော တရုတ်ဆရာကြီးထံ တရုတ်စာကိုသူသင် ပါသည်။ ကျွန်တော်က အဖော်လိုက် သွားခြင်း ဖြစ် ပါ သည်။ ဆရာတပည့်ပြောကြသော ကွိကွိကွကွတို့ကို ကျွန်တော်နား မလည်ပါ။
ဆရာကြီးထံကအပြန်တွင် ၂၁လမ်း၊ တောင်ဘက်ရှိ တရုတ် စာအုပ်ဆိုင်သို့ ၀င်ကြပါသည်။ ဆိုင်ရှင်သည် သူ့ကို သိနေပါသည်။

သူလိုချင်သော စာအုပ်များကိုရောင်းပါသည်။ သူကား တရုတ်ဘာသာဖြင့် ရေးသားသောသမိုင်းကို ဆည်းပူး လေ့လာနေကြောင်း   နောက်မှသိ ရပါ သည် ။ သူ့ကို အားကျ၍ တရုတ်စာကိုတရုတ်မလေးတစ်ဦးထံမှ ကျွန်တော်သင်ယူဖူး ပါသည်။

ငေါ်စောင်ကျိဝါ့စီဗျယ်က မတက်ခဲ့ပါ။ သူနှင့် ကျွန်တော် နှစ်နှစ်ခန့်အတူတွဲခဲ့ပါသည်။ သူသည် ကျောက်စာ တရုတ်စာတို့ကို ကြိုးကြိုးစားစား ဆည်းပူး သူဟူ၍ ကျွန်တော် လေးစားခဲ့ပါသည်။ သို့ရာတွင် တနင်္ဂနွေနေ့တိုင်းလိုလိုပင် ကျေးလက်တောရွာပြုပြင်ရေးလုပ်ငန်းများကို စိတ်ပါလက်ပါ   ဆောင် ရွက်သူဖြစ်ကြောင်းသိရသောအခါပို၍လေးစားခဲ့ပါသည်”ဟု (၁၉၇၀)ပြည့်နှစ်၊မတ်လထုတ် ငွေတာရီမဂ္ဂဇင်းတွင် ဂုဏ်ပြု ရေးသားပါသည်။

အလားတူပင်လုပ်ဖော်ကိုင်ဖက်တစ်ဦးဖြစ်သူ ဒေါက်တာနိုင်ပန်းလှ က-

“၁၉၇၀-ပြည့်နှစ်၊ ဇန်န၀ါရီ ၇-ရက်နေ့တွင် ဗိုလ်မှူးဘရှင် ကွယ်လွန်သွားခြင်းကား မြန်မာတစ်မျိုးသား လုံးအတွက် သာမက ကမ္ဘာတစ်ဝန်းရှိ သုတေ သီ များ အဖို့ရာပါ ကြီးမားလှသော ဆုံးရှုံးမှုတစ်ရပ်ဖြစ်ပါသည်။

သူကား ပညာအရာဝယ် ထူးချွန် ထက်မြက်လွန်းလှပေရာ ဆရာအဖြစ်လည်းကောင်း၊ စာရေးဆရာအဖြစ်လည်း ကောင်း၊ ဘာသာရေးခေါင်းဆောင် အဖြစ်လည်းကောင်း၊ ရုပ်ပွားဆင်းတုတော်များ လေ့လာသူ သမိုင်းပညာရှင်အဖြစ် လည်းကောင်း၊ ကျောက်စာကပ္ပည်းစာ လေ့လာသူအဖြစ် လည်း   ကောင်း   ဘက်စုံ ကျော်ကြားသူပင် ဖြစ်သည်။

သူသည် အလုပ်ကို မဆုတ်မနစ်ဝါယမစိုက်ထုတ်လုပ်တတ်ပြီးသတ္တိနှင့် ခံယူချက်အပြည့်ရှိသူဖြစ်ပါသည်။ဟု (၁၉၇၂)ခု ဒီဇင်ဘာလထုတ်မြန် မာနိုင်ငံ သုတေသန အသင်း ဂျာနယ်တွင် အမှတ်ရရဖော်ကျူးထားသည်။

ဆရာကားကွယ်လွန်ခဲ့ပြီ။

ဆရာ၏စွမ်းဆောင်ချက်များကား ထာဝစဉ်အကျိုးပြုနေဦးမည်ဖြစ်ပါသည်။

နိုင်ငံချစ်စိတ် မျိုးချစ်စိတ် ပုံရိပ်များထင်ရှားနေဦးမည်ဖြစ်ပါသည်။

(ပါမောက္ခ ဒေါက်တာအောင်ဇော် ရေးသားပြုစုသော “တိုင်းရင်းမွတ်စ်လင်မ်စာပြုစာဆိုပုဂ္ဂိုလ်ကျော်များ”အတွဲ-၂မှ ကူးယူဖော်ပြ ခြင်းဖြစ်ပါသည်။)

Photo Ref :http://iracmyanmar.org/

ကြံရည်ကြိုက်သူများသတိထား၊ဓာတုပစ္စည်းများနှင့် ဘက်တီးရီးယားပိုး မြောက် များ စွာ ပါ ၀င်

ကြံရည်မှာ လူကိုအန္တရာယ် ဖြစ်စေနိုင်သော ဓာတုပစ္စည်းများ စွာသာမက ဘက်တီးရီးယားပိုး မြောက်များစွာပါဝင်တာကို စင်္ကာပူ နိုင်ငံ MOH မှ investigation လုပ်ရာမှာ တွေ့ရှိခဲ့ပါတယ်။

စင်္ကာပူ နိုင်ငံ စားသောက်ဆိုင် တွေဟာ ကမ္ဘာက စံထားရလောက်အောင် သန့်ရှင်းပါတယ် ။ ဆိုင်တွေကိုလည်း ကြပ်ကြပ်မတ်မတ် စီစစ်လေ့ရှိပြီး Grade A , Grade B စသဖြင့် သန့်ရှင်းသပ်ရပ်မှုကို ခွဲခြား ထားပေးလေ့ရှိပါတယ်။

ကြံရည်မှာ ဘက်တီးရီးယားပိုး များစွာပါဝင်ကြောင်း တိုင်တန်းမှုများပြုလုပ်လာ တဲ့အခါ မှာ MOH မှ ကွင်းဆင်းစစ်ဆေးကြပါတယ်။ သူတို့ လုပ်ပုံကိုင် ပုံ ကို မှတ်တမ်းပြုလေ့လာပါတယ် ။ ဘက်တီးရီးယားပိုး ပါဝင်ရလောက်အောင် ညစ်ညမ်းစွာ ကိုင်တွယ် ခြင်းကိုမတွေ့ခဲ့ရပါဘူး။ ကြံရည်ကို စစ်ကြည့် တဲ့ ခါမှာ တကယ်ဘဲဘက်တီးရီးယားပိုး မြောက်များစွာသာမက မလိုလားအပ်သော chemicals များစွာပါဝင်နေတာကို ဆိုင်တဆိုင် မှာတွေ့ ရှိခဲ့ ပါ တယ်။
စဉ်းစားမရဖြစ်နေတာက food handling ပိုင်းမှာ hygiene အလွန်ကောင်းရဲ့နဲ့ ကြံရည်ဟာညစ်ညမ်းနေသလဲ ဆိုတာပါဘဲ။ အမှန်တော့   ဖြတ် ပီးကြံ   ချောင်း များကို ဒေါင်လိုက် ထောင်ထားခြင်း က ပတ်ဝန်းကျင်ရှိ ရေ သာမကဘဲ ကြောင်သေး ကြွက်သေး ဆိုင်ဆေး သော chemicals များကိုပါ ကြံက စုပ်ယူ ထားလိုက်တာကြောင့်ပါ။ ငယ်ငယ် က လူကြီးတွေပြောတာ မိုးဗြဲဒယ်နဲ့ချက်သော ပွဲဟင်းကြီးများ ဆားထည့်လွန်သွားလျှင် ကြံ တချောင်း   လောက်ပစ်ထည့်ထား လျှင် ဆားတွေကို စုပ်ယူသွားတယ်ဆိုပါတယ်။ ကြံက အဲ့ဒီလောက်စုပ်အားကောင်းပါတယ်။

တနေ့မှာ ကြံရည်အလွန်ကြိုက်သော ကိုယ်ဝန်သည်အမျိုးသမီး ယောက်ဟာ ကိုယ်ဝန် ခုနှစ်လမှာပျက်ကျပါတယ် ။ ကလေးကို autopsy လုက် ကြည့် တဲ့အခါမှာ ကြောင်သေး နဲ့တူသော ဓာတုပစ္စည်းများ ကို ကလေးကိုယ်ထဲမှာတွေ့ရှိရပါတယ်။

ကြံရည်သောက်သူများ သတိပြုကြစေဖို့ . .
============
WeCare

Credit to: April Maung Maung

ကမ္ဘာပေါ်မှာ(၁၃)ရာခိုင်နှုန်းသောဘယ်သန်ထဲတွင် အထင်ကရ ပုဂ္ဂိုလ် တွေလို့ ဂုဏ် ယူ တယ်

ကမ္ဘာပေါ်မှာ ရှိတဲ့ လူသား သန်းပေါင်းများစွာ ရှိတဲ့ အထဲမှာ ၁၃ ရာခိုင်နှုန်းသော သူတွေဟာ ဘယ်သန်တွေ ဖြစ်ကြပါတယ်တဲ့။

အဲဒီ ၁၃ ရာခိုင်နှုန်းမှာ ထင်ရှားကျော်ကြားသူတစ်ချို့ကို ထုတ်နှုတ်ပြရမယ် ဆိုရင် လက်ရှိ အမေရိကန်သမ္မတ ဘားရက်အိုဘားမားဟာလည်း ဘယ် သန် တစ်ယောက်ပဲဖြစ်ပါတယ်။ ထိုအတူအမေရိကန် သမ္မတဟောင်း ဘီကလင်တန်ဟာလည်း ဘယ်သန်သူပဲ ဖြစ်ပါတယ်။

အခြားသော ထင်ရှားကျော်ကြားသူများစွာ ရှိပြီး အနုပညာရှင်များတွင် လီယိုနာဒို ဒါဗင်ချီ ၊ တွမ်ခရုဖ် ၊ ပီးရောဘရွတ်နန်း ၊ အင်ဂျာလီနာဂျိုလီ အပါ အ၀င် များစွာသော အနုပညာရှင်များဟာလည်း ဘယ်သန်များဖြစ်ပါတယ်။

ဒါကြောင့် သင့်အနေနဲ့ ဘယ်သန်တစ်ယောက်ဖြစ်နေမယ်ဆိုရင် ဒါဟာ ကမ္ဘာလူဦးရေရဲ့ ၁၃ရာခိုင်နှုန်းထဲမှာပါဝင်တဲ့သူတစ်ယောက်အဖြစ်နဲ့သာမက ဘယ်သန်သော ထင်ရှားကျော်ကြားသူများလို ဖြစ်နိုင်သလို ဘယ်သန် ဖြစ် နေခြင်းကို ဂုဏ်ယူလိုက်ပါ။

Ref : theguardian

ရေနံသိုလှောင်ကန် ဖျက်ဆီးမှု လက်ဘနွန်အား လျော်ကြေး ဒေါ်လာ သန်း ၈၅၀ အစ္စရေး ပေးရန် ကုလ ဆုံးဖြတ်


M-Media
– ၂၀၀၆ ခုနှစ်တွင် ဟစ်ဇဘိုလာအား အစ္စရေးက လေကြောင်းမှ တိုက်ခိုက်မှု အတွင်း လက်ဘနွန်ပိုင် ရေနံသိုလှောင်ကန် ပျက်ဆီးမှုအတွက် လျော်ကြေး ကန်ဒေါ်လာ သန်း ၈၅၀ ကျော် ပေးဆောင် ရန် တောင်းဆိုထားသည့် ဆုံးဖြတ်ချက်တစ်ခုကို ကုလသမဂ္ဂ အထွေထွေညီလာခံက အတည်ပြုခဲ့သည်ဟု သိရသည်။

အဆိုပါ ဆုံးဖြတ်ချက်ကို ဒီဇင်ဘာ ၁၉ ရက်နေ့နှောင်းပိုင်းက အတည်ပြု ခဲ့ခြင်းဖြစ်ပြီး သိုလှောင်ကန် ပျက်ဆီးမှုမှ ယိုစိမ့်ထွက်ပေါ်လာသည့် ရေနံများမှာ လက်ဘနွန်ကမ်းရိုးတန်းနှင့် ဆီးရီးယား ကမ်းရိုးတန်းအထိ ပြန့်နှံ့ခဲ့ကာ ဆိုးရွားသည့် ရေထုညစ်ညမ်းမှုကို ဖြစ်စေခဲ့သည်ဟု ဖော်ပြထားသည်။

ထိုအဖြစ်အပျက်အတွက် နစ်နာကြေးပေးရန် ကုလက အစ္စရေးအား ယခင် ကတည်းက တောင်းဆိုခဲ့ပြီး ယခု ပထမဆုံးအကြိမ်အဖြစ် လျော်ကြေး ပမာဏအတိအကျကို ထုတ်ပြန်ခဲ့ခြင်းဖြစ်သည်။

ထိုဆုံးဖြတ်ချက်ကို နိုင်ငံပေါင်း ၁၇၀ က ထောက်ခံမဲပေးခဲ့ပြီး အစ္စရေး၊ အမေရိကန်၊ ကနေဒါ၊ မိုက်ခရိုနီးရှားနှင့် မာရှယ်ကျွန်းတို့က ကန့်ကွက်ခဲ့ကြသည်။

အစ္စရေးမှာ ပါလက်စတိုင်းအပါအ၀င် ပတ်ဝန်းကျင်ရှိ အာရပ်နိုင်ငံများအား အကြောင်းအမျိုးမျိုးပြကာ ကျူးကျော်တိုက်ခိုက်မှုများရှိပြီး အများပြည်သူနှင့် သက်ဆိုင်သောနေရာများ အများဆုံးပျက်ဆီးခဲ့ရသည်။

AP

http://www.m-mediagroup.com/news/35526

ကမ္ဘာ့အကြီးဆုံး လေယာဉ် – Antonov An-225

ကမ္ဘာ့အလေးဆုံး လေယာဉ်ပျံလို့ စံချိန်ချိုးထားနိုင် တဲ့ လေယာဉ်ကတော့ ယူကရိန်းနိုင်ငံမှ Antonov An-225 Mriya ဖြစ်ပါတယ်။

အတိုကောက်အနေနဲ့ An-225 လို့လည်း အများခေါ်တဲ့ ယင်းလေယာဉ်ဟာ အလေးချိန်အားဖြင့် တန် ၆၄၀ (ပေါင် ၁၄သိန်း ၁သောင်း) အလေးချိန်ရှိပါတယ်။ ယင်းလေယာဉ် ကို ၁၉၈၀နောင်းပိုင်း ဆိုဗီယက်ခေတ်က တည်ဆောက် ခဲ့ခြင်း ဖြစ်ပြီး ၁၉၉၁ နောင်းပိုင်း ဆိုဗီယက်ပြိုကွဲချိန် မှာတော့ ယူကရိန်း ပိုင်လေယာဉ်အဖြစ် သို့ ရောက်ရှိသွားပါ တယ်။

တည်ဆောက်တဲ့ရည်ရွယ်ချက်က ဆိုဗီယက်အာကာသ အစီအစဉ် အတွက်ဖြစ် ပါတယ်။ Buran Orbiter အမည်ရ အာကာသ ဒုံးပျံနှင့် ယာဉ်များကို သယ်ဆောင်ဖို့ ရည်ရွယ်ပြီး တည်ဆောက်ထားတဲ့ ဧရာမလေယာဉ်ကြီး ဖြစ်ပါတယ်။ ပထမဆုံး ပျံသန်း နိုင်ချိန်ကတော့ ၁၉၈၈ခုနှစ် ဒီဇင်ဘာလ မှာ ဖြစ်ပါတယ်။

သူတင်ဆောင်နိုင်တဲ့ အများဆုံး ကုန်ချိန်ကတော့ အတွင်းမှာ တင်ရင် ပေါင် ၅သိန်း၅သောင်း၊ ကျော်ပေါ်မှာ တင်ဆောင် မယ်ဆိုရင် ပေါင် ၄သိန်း ၄သောင်းဖြစ်ပါ တယ်။ ကျောပေါ် မှာတော့ လေယာဉ်များ၊ ဒုံးပျံများ၊ ရော့ကတ်များ တင်ဆောင်ပေးနိုင်မှာ ဖြစ်ပါတယ်။

လေထဲ အမြန်ဆုံးပျံသန်းနိုင်အားကတော့ တစ်နာရီ မိုင် ၅၃၀ ဖြစ်ပါ တယ်။ မြေပြင်မှာ အရှိန်ယူတဲ့ အမြန်ဆုံး Speed ကတော့ တစ်နာရီ မိုင် ၅၀၀ အထိရှိပါတယ်။ အရှည် ၂၅၇.၆ပေ၊ ဘေးတောင်ပံပါ အကျယ် ၂၉၀ပေ ၂လက်မ၊ အမြင့် ၅၉.၃ပေ၊ အထိ အတိုင်းအတာရှိပါတယ်။ အမြင့် ဆုံးမောင်နှင်း ပျံသန်းနိုင်စွမ်းကတော့ ကုန်အပြည့်တင် ချိန် မြေပြင်အထက် ပေ ၁၁၅၀၀ အထိပျံသန်းနိုင် မှာ ဖြစ်ပါတယ်။ လေယာဉ်မှူး ၆ဦး ပါဝင်မောင်းနှင်ရမယ့် ဧရာမ လေယာဉ်ဖြစ်ပါတယ်။ မြေပြင်မှာ ဆင်းသက်ဖို့ အတွက် ဘီး ၃၂ လုံးပါဝင်ပါတယ်။

လေယာဉ်ကို ပျံသန်းစေမယ့် အင်ဂျင်ကတော့ သာမန်လေ ယာဉ်များထဲကလို မဟုတ်တော့ ပဲ လေယာဉ် အင်ဂျင် Power plant အနေနဲ့ တာဘိုပန်ကာစက်ကြီး ၆လုံး တပ်ဆင်ထားပါတယ်။

နှစ်စီးဆောက်ဖို့ ရည်ရွယ်ခဲ့ပြီး ဒုတိယတစ်စီး ကတော့ နှောင့်နှေးနေပါတယ်။ ၁၉၈၈ နောင်းပိုင်း ကတည် ဆောက်ပြီး ဆိုဗီယက်ပြိုကွဲချိန်ကြောင့် တစ်ဝက် တစ်ပျက်နဲ့ စတိုခန်းထဲ သိမ်းဆည်းခဲ့ပါတယ်။ ၂၀၀၀ ခုနှစ်ရောက်မှ ပြန်လည်တည်ဆောက်ရေးလုပ်ငန်းကို ပြန်လည်စတင်ခဲ့ရပါတယ်။ ၂၀၀၆ ခုနှစ်ရောက် ချိန်မှာ ပြီးဖို့ မျော် လင့်ထားပေမယ့် ၂၀၀၉ခုနှစ်ရောက်တာတောင် မပြီးခဲ့ပါ ဘူး။ တန် ၂၅၀ တင်ဆောင်နိုင်လောက်အောင် တည်ဆောက်တိုင်း အမေရိကန်ဒေါ်လာ သန်း ၃၀၀ လိုအပ်တယ်လို့ ဆိုပါတယ်။

အစိုးရဘက်မှ ငွေကြေးထောက်ပံ့မှု မလုံလောက်တဲ့အတွက် တည်ဆောက်မှု နှောင့်နှေးနေတယ်လို့ သိရပါတယ်။ သို့ပေမယ့် သုံးနှစ်အတွင်း ပြီးစီးမယ်လို့ ပြောဆိုထားပြီး ယနေ့ချိန်မှာတော့ ၇၀ ရာခိုင်နှုန်းလောက်ထိ တည်ဆောက်ပြီးစီးပြီလို့ ယုံကြည့်နေကြပါတယ်။

လေယာဉ်တစ်စီးရဲ့တည်ဆောက်မှုကုန်ကျစရိတ်က အမေရိကန်ဒေါ်လာ သန်း ၃၀၀နဲ့အထက်မှာ ရှိလို့ သိရပါတယ်။ ၂၀၀၁ ခုနှစ်က ကြမ်းပြင် အနည်းငယ်ပြင်ဆင်တာတောင် အမေရိကန်ဒေါ်လာ သန်း ၂၀ ကုန်ကျခဲ့ပါတယ်။

ဒါကြောင့်သူ့ရဲ့ပျံသန်းစရိတ်ကလည်းကြီးမားပါတယ်။ လက်ရှိ ယူကရိန်း Antonov Airlines မှာ ကုန်တင်လေယာဉ် အဖြစ် စီးပွားရှာနေပြီး အမေရိကန်တပ်မတော်အတွက် အရှေ့အလယ်ပိုင်းကို ကုန်တွေ တင်ဆောင်ပေး လျက်ရှိပါ တယ်။ တစ်ခါတစ်ခါ ကုန်သယ်ဆောင်ပေးရန် ကုန်ကျစရိတ်က ယူရိုငွေ ၆သိန်း ၆သောင်းကုန်ကျပါတယ်။ ဒါကြောင့် ကမ္ဘာ့ ငှားရမ်းခဈေး အကြီးဆုံးလေယာဉ်လို့လည်း စံချိန်တင်ခဲ့ပါတယ်။

ဓာတ်ပေါင်းဖိုကြီးများ၊ လေယာဉ်ပျံများ၊ တင့်ကားများကို သယ်ဆောင်ပြီးလည်း စံချိန်များချိုးဖူးပါတယ်။ ဒါကြောင့် Antonov An-225 Mriya ဟာ အခြား ဘိုးအင်းလေယာဉ်၊ Cago Aircraft များထက်ကျော်လွန်ကာ ယနေ့အချိန်အထိ ကမ္ဘာ့အလေးဆုံး လေယာဉ်အဖြစ် စံချိန်တင်ထားပါတယ်။

လက်ရှိတည်ဆောက်နေတဲ့ ဒုတိယတစ်ခုကို ပေါ့ပါးတဲ့ ပစ္စည်းများအသုံးပြုပြီး ကမ္ဘာ့အကြီးဆုံး လေယာဉ်အဖြစ် စံချိန်တင်နိုင်အောင် ကြိုးပမ်းနေတယ်လို့ သိရပါတယ်။

Ref:Englishrussia
အောင်ခမ်း (ရိုးရာလေး)