Category Archives: ခေါင်းစဉ်ခွဲ

သမ္မတကြီး ဦးသိန်းစိန် ထံသို့ ရခိုင်ပြည်နယ်/သံတွဲမြို့ ဘာသာရေး အစွန်းရောက်သူ အကြမ်းဖက် သမားများ၏ အကြမ်းဖက်မှု ဖြစ်စဉ် အမှန်များအား တင်ပြခြင်း

သို့ /

သမ္မတ
ဦးသိန်းစိန်
နိုင်ငံတော်သမ္မတရုံး
နေပြည်တော်
ပြည်ထောင်စု သမ္မတမြန်မာနိုင်ငံတော်

ရက်စွဲ။ ။ ၂၀၁၃ခုနှစ်/ နိုဝင်ဘာလ ၁၄ ရက်

အကြောင်းအရာ ။ ။ ရခိုင်ပြည်နယ်/သံတွဲမြို့တွင် ကမန်တိုင်းရင်းသား အစ္စလာမ် ဘာသာဝင်များအား ဘာသာရေး အစွန်းရောက်သူ အကြမ်းဖက် သမားများ၏ အကြမ်းဖက်မှု ဖြစ်စဉ် အမှန်များအား တင်ပြခြင်း။

သံတွဲမြို့ပေါ်တွင် နေထိုင်ကြသော အစ္စလာမ် ဘာသာဝင်များမှာ နိုင်ငံတော်မှ အသိအမှတ်ပြုထားသည့် ကမန် တိုင်းရင်းသားများ ဖြစ်ကြပါသည်။

ဘာသာပေါင်းစုံ ငြိမ်းချမ်းစွာ အတူယှဉ်တွဲ နေထိုင်သော အစဉ်အလာ ရှိခဲ့သည့် သံတွဲမြို့ပေါ်၌ ၂၀၁၃ ဇွန်လ ၂၉ ရက်နေ့တွင် အဆိုပါ တိုင်းရင်းသား အစ္စလာမ်များအား ဘာသာရေးကို ခုတုံးလုပ်ပြီး အစွန်းရောက် ထွန်းသန်းကျော် (ရဲအောင်လံ ကျော်ကျော်) တို့ ဦးဆောင်သော ၉၆၉ အမည်ခံ အဖွဲ့နှင့် ဦးမောင်ပု ( RNDP ရခိုင် တိုးတက်ရေးပါတီ) တို့မှ စတင် အကြမ်းဖက်ခဲ့ကြပါသည်။

ဖြစ်စဉ်မှာ သံတွဲမြို့ အမှတ်၁ ကျောင်းရှေ့ နေထိုင်သူ သစ်စက် တင်ထွန်းသည် ထွန်းသန်းကျော် (ရဲအောင်လံ ကျော်ကျော်) ၏ စေခိုင်းမှုအရ တောင်ကုတ်မြို့နယ်မှ မကောင်းမှု အလုပ် တနည်း မိန်းမရွှင် လုပ်ငန်းဖြင့် အသက်မွေးသူ မစုစုမွန် ဆိုသူ အမျိုးသမီးငယ် လေးအား ၂၀၁၃ မေလ ၃၀ ရက်နေ့တွင် သံတွဲမြို့သို့  ခေါ်ဆောင်လာခဲ့ပါသည်။ သစ်စက် ဦးတင်ထွန်းသည် ၎င်း မစုစုမွန်အား သူ၏အိမ်၌ နေထိုင်စေခဲ့ပါသည်။ သစ်စက် ဦးတင်ထွန်းသည် ဦးထွန်းသန်းကျော် ( ရဲအောင်လံ ကျော်ကျော်) ဦးဆောင်သော ၉၆၉ အမည်ခံ အဖွဲ့နှင့် ဦးမောင်ပု ဦးဆောင်သော (RNDP ) တို့ ဖြင့်ပူးပေါင်းကာ သံတွဲမြို့ပေါ်၌ အကြမ်းဖက်ရန် အစီအစဉ်များ စတင် ဆွေးနွေး ကြပါတော့သည်။

ဆိုက်ကယ် တက်စီမောင်းနှင်သော သံတွဲမြို့နေ ဦးပြုံးမောင်မောင်၏ သား မောင်နိုင်သူ၏ ယဉ်အား မစုစုမွန်မှ ငှားရန်းပြီး မစုစုမွန်သည် မိန်းမရွှင် အလုပ် လုပ်ကိုင်စားသောက်သူ အမျိုးသမီးတစ်ဖြစ်သည့် အားလျှော်စွာ အရှက်တရား ကင်းမဲ့စွာဖြင့် သူမ၏ ရင်သားအား ကိုနိုင်သူမှ ကိုင်ပါသည်ဟု အနီးပတ်ဝန်းကျင်၌ အော်ဟစ် အကူအညီ တောင်းပြီး ထွန်းသန်းကျော်နှင့် ဦးမောင်ပုတို့ နှစ်ဖွဲ့မှ တိုင်ပင်ထားသည့် ဇါတ်လမ်းအတိုင်း သရုပ်ဆောင်ပါ တော့သည်။ မစုစုမွန်မှ အကူအညီ မတောင်းမှီ အချိန်ကတည်းက ရောက်နှင့်ပြီး ဖြစ်နေသည့် ၉၆၉ အမည်ခံ အဖွဲ့နှင့် RNDP အဖွဲ့သားများမှ မောင်နိုင်သူအား ရိုက်နှက် ထိုးကြိတ် ကြပါလေတော့သည်။ ယင်းအား သံတွဲ ရဲစခန်းမှ ရဲများ ရောက်ရှိလာပြီး မောင်နိုင်သူအား ဖမ်းဆီး ခေါ်ဆောင် သွားခဲ့ကြပါသည်။ အကြမ်းဖက်ရန် စီစဉ်ထားသည့် အစွန်းရောက် များသည် စီစဉ်ထားသည့် အတိုင်း ရဲစခန်းရှေ့တွင် လူအင်အားပြကာ အဆိုပါ မောင်နိုင်သူအား ထုတ်ပေးပါရန် တောင်းဆိုခဲ့ကြပါ သည်။

နိုင်ငံတော်၌ ဥပဒေရှိကာ လူရမ်းကား အကြမ်းဖက် အုပ်စုများ၏ လက်တွင်းသို့ မောင်နိုင်သူအား ထည့်မပေးခြင်းကို အကြောင်းပြပြီး သံတွဲမြို့ အံတော် ကွက်သစ်နေ မွတ်ဆလင်မ် အိမ်များကို မီးရှို့ ဖျက်ဆီးခြင်းများ စတင်ပြုလုပ် လေတော့သည်။ ၎င်းအကြမ်းဖက်ခံရသော ဒွါရာဝတီ ကွက်သစ်နေ မွတ်ဆလင်မ်များနှင့် မောင်နိုင်သူတို့သည် တစ်စုံတရာ ဆွေမျိုးတော်စပ်ခြင်းများ မရှိသည့်အပြင် အဆိုပါ ပဋိပက္ခ၌လည်း ပါဝင်ပတ်သက်ခြင်း မရှိခဲ့ပါ။ နိုင်ငံတော်သမ္မတ အမိန့်ဖြင့် သံတွဲမြို့ပေါ်၌ ၁၄၄ အမိန့် ထုတ်ပြန်ထားသော်လည်း အကြမ်းဖက် အုပ်စု ခေါင်းဆောင်များ ဖြစ်ကြသည့် ဦးထွန်းသန်းကျော်/ မောင်ပု (RNDP)/ မြင့်မိုး (ရခိုင်လူမှုကွန်ရက်) နှင့် အပေါင်းအပါ များသည် နိုင်ငံတော် အမိန့် ၁၄၄ အား ဗြောင်ကျကျ ဖီဆန် လျှစ်လျှူရှုကာ အကြမ်းဖက်ရန် လူအင်အားစုများအား ညအချိန်မတော်တွင် လိုက်လံ စည်းရုံး နေခဲ့ကြပါသည်။

သံတွဲမြို့တွင် ကမန် တိုင်းရင်းသားများအား အကြမ်းဖက်ခဲ့သည့် ၎င်း ၉၆၉ အမည်ခံအဖွဲ့နှင့် RNDP ရခိုင်တိုးတက်ရေး ပါတီဝင်များမှာ စာရိတ္တပိုင်း ဆိုင်ရာများ ယခင်ကတည်းက ချွတ်ယွင်းနေခဲ့ကြသူများသာ ဖြစ်ပါကြောင်း သံတွဲမြို့ပေါ်ရှိ သံဃာတော်များ / မြို့မိမြို့ဖများ / သံတွဲမြို့ပေါ်မှ ငြိမ်းချမ်းရေး လိုလားသူ ဗုဒ္ဓဘာသာဝင်များ အားလုံး သိရှိပြီး ဖြစ်ပါသည်။

နိုင်ငံတော်မှ ချမှတ်ထားသည့် ၁၄၄ အမိန့်ရှိနေရကား သံတွဲမြို့နေ ကမန် တိုင်းရင်းသား အစ္စလာမ်ဘာသာဝင် များသည် ဥပဒေအား လေးစားနာခံသမှုဖြင့် အိမ်ထဲမှ အိမ်ပြင်မထွက်ဝံ့ခဲ့ကြပေ။

သို့သော် အကြမ်းဖက် အုပ်စုများသည် နိုင်ငံတော် အစိုးရမှ ချမှတ်ထားသည့် ၁၄၄ အမိန့်အား ဗြောင်ကျကျ လျစ်လျှူရှုကာ ညအချိန်မတော်တွင် လူစုပြီး ဥပဒေမဲ့ မင်းမဲ့စရိုက်ဆန်စွာ တိုင်းရင်းသား ဘာသာခြား အစ္စလာမ်များ၏ နေအိမ် အဆောက်အဦးများနှင့် ဈေးဆိုင်များ မီးရှို့ ဖျက်စီး ခဲ့ ကြပါသည်။ သံတွဲရဲတပ်ဖွဲ့မှ ၎င်းအား အချိန်မှီ တစ်စုံတရာ ဟန့်တားခြင်းများ အလျင်းမရှိခဲ့ပါ။ ၎င်းတို့ပင်လျှင် နိုင်ငံတော်နှင့် နိုင်ငံတော် သမ္မတမှ ချမှတ်ထားသည့် အမိန့်အား အလိုတူ အလိုပါ သဘောဖြင့် နှုတ်ဆိပ် နေခဲ့ကြပါသည်။ အကြောင်းမှာ ညအချိန်မတော် ၁၄၄ အမိန့်အား ဖီဆန်ပြီး လူစုနေခြင်းများအား ရဲတပ်ဖွဲ့မှ အချိန်မှီ အရေးယူခဲ့လျင် ဤကဲ့သို့ အနိဌါရုံ မြင်ကွင်းများ သံတွဲမြို့ပေါ်၌ ဖြစ်ပေါ်လာနိုင်စရာ အကြောင်းမရှိပေ။ ဥပဒေ ဘက်တော်သားများဖြစ်ကြသည့် သံတွဲရဲ ရခိုင်အများစုမှာ သူခိုး ဓါးရိုးကမ်း အပြုအမူများ ကြောင့်သာ အကြမ်းဖက် အဖွဲ့ များမှ အကြမ်းဖက်ခွင့် ရရှိခဲ့သည်မှာ ထင်ရှားလှပေသည်။

၂၀၁၃ စက်တင်ဘာလ ၂၈ရက်နေ့တွင် စတင်ပြီး သံတွဲမြို့၌ ဒုတိယအကြိမ် ထပ်မံ အကြမ်းဖက်ခဲ့ကြပါသည်။ ဖြစ်စဉ်မှာ သံတွဲမြို့ အမှတ်၃ ရပ်ကွက်နေ ဦးကျော်ဇံလှ( ကုန်သည် ) ၏ နေအိမ်ရှေ့၌ နိုင်ငံတော်မှ အသိအမှတ်ပြုထားခြင်း မရှိသည့် ၉၆၉ အလံ စိုက်ထူထားသော ဆိုက္ကားတစ်စီးသည် အိမ်ရှေ့တွင် လမ်းပိတ်ရပ်ကာ ဂိတ်ထိုးထားပါသည်။ ၎င်းအား အိမ်ရှင်ဖြစ်သူ ဦးကျော်ဇံလှမှ မိမိတို့ ကုန်တင်ကုန်ချရန် ရှိနေ၍ ဆိုက္ကားသမားအား အကျိုးသင့် အကြောင်းသင့် ပြောဆို ကာ ဖယ်ရှားခိုင်းခဲ့ပါသည်။ ယင်းအား အဆိုပါ ဆိုက္ကားသမားမှ ၉၆၉ အလံ လွင့်ထူထားခြင်းအား မလေးမစားပြုသည်ဟု လီဆယ်ကာ အကြမ်းဖက်မှု ဖြစ်စဉ်များ ဖန်တီးနိုင်ရန် ဦးကျော်ဇံလှအား ထိုးကြိတ်ခဲ့ကြပါသည်။ ယင်း အချိန် အကြမ်းဖက်အုပ်စုများ အနီးတွင် အဆင်သင့် ရောက်နှင့်ပြီးဖြစ်ပါသည်။

၎င်းနောက် ယင်းအမှုအခင်းများနှင့် တစ်စုံတရာ ဆက်စပ် ပတ်သက်မှု မရှိသည့်အပြင် တစ်စုံတရာ ဆွေးမျိုးတော်စပ်ခြင်း လည်းမရှိသည့် သံတွဲမြို့ပေါ်၌ ဂုဏ်သရေရှိမြို့မိမြို့ဖ တစ်ဦးဖြစ်သူ တရားလွှတ်တော် ရှေ့နေ့  ဦးခင်မောင် ပိုင်ဆိုင်သည့် ရှေးဟောင်း အိမ်မည်းကြီးအား ဥပဒေမဲ့ မင်းမဲ့စရိုက်ဆန်စွာ အကြမ်းဖက်သမားများမှ စိတ်ကြိုက် မီးတင်ရှို့ခဲ့ကြပါသည်။ အဆိုပါ တရားလွှတ်တော်ရှေ့နေ ဦးခင်မောင် ပိုင်ဆိုင်သည့် အိမ် နှင့် သံတွဲမြို့လုံခြုံရေး ကင်းစခန်းချထားရာ မြို့နယ်ခန်းမ နေရာသည် ကိုက် ၁၀၀ /၁၅၀ ခန့်သာ ကွာဝေးပါသည်။ ၎င်းအား မြို့လုံခြုံရေး တာဝန်ယူထားသူများမှ အချိန်မှီ လာရောက်ဟန့်တား နိုင်သော်လည်း ၎င်းတို့မှ မသိကျိုးကျွန် ပြုခဲ့ကြပါသည်။

အဆိုပါ တရားလွှတ်တော်ရှေ့နေ ဦးခင်မောင်သည် ပရဟိတ လုပ်ငန်းများကိုသာ လုပ်ကိုင်ပြီး သံတွဲမြို့ပေါ် ဘာသာပေါင်းစုံမှ အဖွဲ့အစည်းများ / သံဃာတော်များ/ သံတွဲနေ ဗုဒ္ဓဘာသာဝင်များနှင့် လိုက်လျော့ညီထွေ နေထိုင်သော ဂုဏ်သရေရှိ ပုဂ္ဂိုလ်တစ်သာ ဖြစ်ပါသည်။

ဆက်လက်၍ ၂၀၁၃ အောက်တိဘာလ၁ ရက်နေ့တွင် အကြမ်းဖက် အုပ်စုများမှ သဗြုချိုင်ရွာအား ထပ်မံ အကြမ်းဖက် လာကြပြန်ပါသည်။ သဗြုချိုင်ရွာအား ဦးဆောင် အကြမ်းဖက်သူများမှာ စိုးနောင်ဦး (ရွှေလှေ တံတားဦး အရက်ဆိုင်) / ကျော်စိုးလင်း (ကျိန္တလီ)/ စိုးနောင်ဦး၏ တွဲဖက်ခေါင်ဆောင် ဖြူလုံး/ စိန်ချစ် ( ရခိုင်လူမှုကွန်ရက်) / ညီညီနိုင်/ တင့်လွင်/ သိန်းဝင်း/ ကယားကြီး/ နိုင်လင်းအောင်နှင့် အပုကြီး ဆိုသူတို့  ဖြစ်ကြပါသည်။ သပြုချိုင် တောင်ပေါ်၌ တိုင်းရင်းသား ကမန်လူမျိုးများအား အကြမ်းဖက်ရန် တောင်ကုတ်မြို့မှ ပို့ဆောင် ထားသော လက်နက်ခဲယမ်းများ /ယမ်းဘီလူးများအားလည်း ထွန်းသန်းကျော်/ ဝင်းကိုလေး/ မြင့်မိုး/ ဌေးအောင်နှင့် စိုးနောင်ဦးတို့မှ နိုင်ငံတော် ဥပဒေ၌ လက်နက်ကိုင်ဆောင် သိုမှီးခွင့်မရှိခြင်း ဥပဒေအား မျက်ကွယ်ပြုကာ လျို့ဝှက်ထိန်းသိမ်း ထားခဲ့ကြပါသည်။

ကျွန်တော်တို့ ပြည်ထောင်စု သမ္မတ မြန်မာနိုင်ငံတော်တွင် တရားမဝင် လက်နက် စုဆောင်သိုမှီး ထားခြင်းများသည် တည်ဆဲ ဥပဒေအရ ငြိစွန်းနေသော် ငြားလည်း ၎င်းအား သက်ဆိုင်ရာ အာဏာပိုင် ရဲတပ်ဖွဲ့များမှ တစုံတရာ ဖော်ထုတ် အရေးယူခြင်းများလည်း အလျင်းမရှိခဲ့ပါ။ တောင်ကုတ်မြို့ပေါ်တွင် အကြမ်းဖက်နည်း သင်တန်းပေးသော ကျောင်းတော်ကြီး၌ ပင်လျှင် သင်တန်းတက်ပြီး ဥပဒေမဲ့ မင်းမဲ့စရိုက် ဆန်စွာ ကျူးလွန် အကြမ်းဖက်ခဲ့ကြပါသည်။ ဘာသာပေါင်းစုံ ငြိမ်းချမ်းစွာ အတူယှဉ်တွဲ နေထိုင်သော အစဉ်အလာ ရှိခဲ့သည့် သံတွဲမြို့မှာ အရုပ်ဆိုး အကျည်းတန် ခဲ့ရပါသည်။ သံတွဲမြို့နေ ဗုဒ္ဓဘာသာဝင် များမှလည်း စိတ်မကောင်းခြင်း ကြီးစွာ ဖြစ်ရပါတော့သည်။

သမ္မတကြီးခင်ဗျား သဗြုချိုင်ရွာမှ အသက်၉၄ နှစ် အရွယ်အမယ်အိုအား မသေမချင်း ဓါးနှင့်ထိုးခုတ် သတ်ဖြတ်သည် အထိ လူမဆန်စွာ ပြုမူ ကျင့်ကြံခဲ့ကြပေသည်။ အကြမ်းဖက် အုပ်စုခေါင်းဆောင် စိုးနောင်ဦးနှင့် အဖွဲ့ သဗြုချိုင်ရွာထဲသို့ အကြမ်းဖက် သတ်ဖြတ်ရန် ဝင်ရောက်သွားချိန်တွင် ခါးအောက်ပိုင်း လေဖြတ်ခံထားရသည့် အသက် ၉၄ နှစ်အရွယ် အမယ်အို ဒေါ်အေးကြည်သည် မပြေးလွှားနိုင်ပဲ ရှိနေခဲ့ပါသည်။ ဒေသခံ ဗုဒ္ဓဘာသာဝင် မျက်မြင်တစ်ချို့၏ အဆိုအရ စိုးနောင်ဦး/ ဖြူလုံးနှင့် စိုးလင်း (ကျိန္တလီ) တို့ သုံးဦးမှ အမယ်အို ဒေါ်အေးကြည်အား ဓါးနှင့် အချက်ပေါင်းမနည်း ထိုးသတ်ခဲ့ခြင်း ဖြစ်ကြောင်း ဗုဒ္ဓဘာသာ အချင်းချင်းဖြစ်နေ၍ ကျွန်ုပ်တို့မှ သိရှိခဲ့ရပါသည်။ ရဲများ၏ အဆိုအရ အမယ်အို ဒေါ်အေးကြည်အား ခြောက်ကြိမ်တိတိ ဓါးဖြင့် ထိုးသတ်ခဲ့ကြောင်း သိရှိရပါသည်။ ဒေါ်အေးကြည်သည် မိမိအား မသတ်ရန် အသနားခံ တောင်းပန်နေခဲ့သော်လည်း အလျဉ်းဂရုမစိုက်ပဲ လူမဆန်စွာ သတ်ဖြတ် ခဲ့ကြပါသည်။

သမ္မတကြီးခင်ဗျား

လေဖြတ်ထား၍ အောက်ပိုင်းသေနေသော အသက်၉၄ နှစ် အရွယ်အမယ်အို တစ်ဦးအား အဆိုပါ လူရမ်းကား အကြမ်းဖက် သမားများ ဖြစ်ကြသည့် စိုးနောင်ဦးနှင့် အပေါင်းအပါ နှစ်ဦးမှ ယခုကဲ့သို့ ရက်စက်စွာ သတ်ဖြတ်လိုက်ခြင်းသည် ဗုဒ္ဓဘာသာ အများစု တိုင်းပြည်ထဲ ရှိနေသည့် အစွန်းရောက် မွတ်ဆလင်မ် ဆန့်ကျင်ရေးများ ကမ်းကုန်အောင် ဆိုးသွန်းနေမှုများထဲမှ လက္ခဏာ တစ်ခု အဖြစ် သော်လည်းကောင်း/ အပြစ်မဲ့စွာ အကြမ်းဖက် ခံနေရသူ သံတွဲမြို့နယ်ရှိ ကမန် တိုင်းရင်းသားများအပေါ် သနားညှာတာခြင်း ကင်းမဲ့နေခြင်းဟု သော်လည်းကောင်း/ ၎င်းကဲ့သို့ ရက်စက်စွာ သတ်ဖြတ်မှုများအပေါ် လုံခြုံရေး တပ်ဖွဲ့ဝင်များမှ အချိန်မှီ မတားမြစ်သည့် မြင်ကွင်များ ဟူ၍ လည်းကောင်း/ ရဲနှင့် စစ်တပ်မှ ဗုဒ္ဓဘာသာဝင်များသာ ဖြစ်နေ၍ အလျင်းမတားမြစ်ခြင်းသာ ဖြစ်သည်ဟုလည်းကောင်း ရာဇဝင်ရိုင်းသည့် အဖြစ်သို့ ရောက်ခဲ့ရပါတော့သည်။

နိုင်ငံတော် သမ္မတ၏ သံတွဲခရီးစဉ် နေ့၌ပင်လျှင် ၎င်း လူရမ်းကား အကြမ်ဖက်သမားများမှ အကြမ်းဖက်ရဲသည့် အဆင့်သို့ပင် ရောက်ရှိခဲ့ရ ပါသည်။ ဤအချင်းအရာသည် နိုင်ငံတော်နှင့် နိုင်ငံတော်သမ္မတ၏ ဂုဏ်သိက္ခာအား ထိပါးလာသည့် အပြုအမူ ဖြစ်သည့်အပြင် ကမ္ဘာ့အလယ်၌ သမ္မတ ရှိနေပါလျက် လူရမ်းကားများအား အကြမ်းဖက်ခွင့် ပြုနေသည်ဟု ပြောဆို လှောင်ပြောင်စရာ တစ်ခုအဖြစ်သို့ ကြုံခဲ့ရသည်မှာ သမ္မတကြီး ကိုယ်တွေ့ပင် ကြုံခဲ့ရချေပြီ။

သံတွဲမြို့ အကြမ်းဖက်မှု ဖြစ်စဉ်အမှန်များအား ကျွန်တော်များမှ သမ္မတကြီး သိစေရန် ရိုးသားစွာ တင်ပြ အစီရင်ခံအပ်ပါသည်။

NLD လူမှုကွန်ရက် သံတွဲမြို့ ရခိုင်ပြည်နယ်

မိတ္တူကို ———

(၁ ) ပြည်ထောင်စု လွှတ်တော်ရုံး/နေပြည်တော်

(၂ ) ပြည်သူ့လွှတ်တော်ရုံး/ နေပြည်တော်

(၃ ) တပ်မတော် ကာကွယ်ရေးဦးစီးချုပ် / နေပြည်တော်

(၄ ) ဥက္ကဌ တရားဥပဒေစိုးမိုးရေးနှင့် တည်ငြိ်မ်အေးချမ်းရေး ကော်မတီ/ ပြည်သူ့လွှတ်တော်

(၅ ) ပြည်ထောင်စု ဝန်ကြီး ပြည်ထဲရေးဝန်ကြီးဌာန

(၆ ) ရခိုင်တိုင်းရင်းသားရေးရာ ဝန်ကြီး/ရန်ကုန်တိုင်းဒေသကြီးလွှတ်တော်

(၇ ) ပြည်ထောင်စု ဝန်ကြီး လူမှုဝန်ထမ်း/ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန

(၈ ) ဝန်ကြီးချုပ် ရခိုင်ပြည်နယ်အစိုးရ

(၉ ) ရခိုင်တိုင်းရင်းသားရေးရာ ဝန်ကြီး/ရန်ကုန်တိုင်း ဒေသကြီးလွှတ်တော်

(၁၀ ) NLD အမျိုးသား ဒီမိုကရေစီအဖွဲ့ချုပ်ရုံး

(၁၁ ) ၈၈မျိုးဆက်သစ် (ငြိမ်းချမ်းရေးနှင့် ပွင့်လင်း လူ့အဖွဲ့အစည်း)

(၁၂ ) ခရိုင်အုပ်ချုပ်ရေးမှူး/ သံတွဲခရိုင်/ရခိုင်ပြည်နယ်

(၁၃ ) နိုင်ငံတကာ သံရုံးများ

မြန်မာနိုင်ငံမှာထာဝရ ငြိမ်းချမ်းရေး နှင့် တရား ဥပဒေ စိုးမိုးရေး အတွက် လုပ် ရမည့် လုပ်ငန်း ကြီးနှစ် ရပ်။..

 

၁။ နိုင်ငံတခုတွင် တရားစီရင်ရေးအာဏာ၊ ဥပဒေပြုရေးအာဏာ၊ အုပ်ချုပ်ရေးအာဏာ၊ ဤအာဏာပိုင် အဖွဲ့အစည်းသုံးရပ်တို့သည် တခုကိုတခုလွှမ်းမိုးမှုမရှိဘဲသီးခြားလွတ်လပ်နေခဲ့လျှင် ထိုတိုင်းပြည် သည်ဒီမိုကရေစီထွန်းကားသော တိုင်းပြည်ဖြစ်လာသည်။ နိုင်ငံရေးအာဏာသုံးချောင်းထောက် ပုံစံ လိုသည်။ မြန်မာနိုင်ငံတွင် တရားစီရင်ရေးကိုအုပ်ချုပ်ရေးအာဏာရှိသည့် အစိုးရ ကလွှမ်းမိုးထားသည်။ တရားသူကြီးများက ဥပဒေမဲ့လူ့အခွင့်အရေးတောင်းဆိုသူများကို အစိုးရက မုန်းလျှင်မုန်းသလိုထောင်ချနေကြသည်။ ဥပဒေပြုလွှတ်တော်သည်လည်း အာဏာရ ပါတီ လက်ထဲတွင်ရှိသည်။ ပြည်သူအကျိုးပြုဥပဒေများကို အာဏာရပါတီဝင်များက ပိတ်ပင်နေကြသည်။ ဥပဒေပြုရေးတွင်လည်းအာဏာရပါတီကလွှမ်းမိုးထားသည်။

၂။ နိုင်ငံတခုတွင် ကြည်း၊ရေ၊လေ ထိုလက်နက်ကိုင်တပ်ဖွဲ့များသည် သီးခြားလွတ်လပ်စွာဖြင့် ရပ်တည်ပြီး တပ်ဖွဲ့တဖွဲ့သည် အခြားတပ်ဖွဲ့တဖွဲ့ကိုလွှမ်းမိုးထားမှုမရှိဘဲ ရပ်တည်နေနိုင်ခဲ့လျှင်။ ကြည်း တပ် ဦးစီးဗိုလ်ချုပ်ကြီး၊ ရေတပ်ဦးစီးဗိုလ်ချုပ်ကြီး၊ လေတပ်ဦးစီးဗိုလ်ချုပ်ကြီး သုံးဦးတို့သည်ပါဝါတူများ အဖြစ်ထားနိုင်ခဲ့လျှင် ကြည်းတပ် မှ အာဏာသိမ်းမှုများကို မပြုလုပ်နိုင် ရန်   ရေ တပ် ၊လေတပ်မှ ထိန်းထားပြီး ပြည်သူ့ဖက်မှ ရပ်တည် နိုင်သည်။ ယနေ့မြန်မာနိုင်ငံတွင် ကြည်းတပ်မှတပ်မတော်တခုလုံး ကြည်းရေလေ အားလုံးကို လက်ဝါးကြီးအုပ်ထားသဖြင့် မတရား မှုကိုသိသော်လည်း ပညာတတ်များသာဝင်ရောက်နိုင်သည့် ရေတပ်နှင့် လေတပ်တို့ သည် ကြည်းတပ်မှ ဗိုလ်ကျစိုးမိုးမှုကိုခံနေရပြီး မြန်မာနိုင်ငံကြီး စစ်ကျွန်ဘဝမှ မထွက်နိုင်ခြင်းဖြစ် သည်။ ကြည်း၊ရေ၊လေ ထိုတပ်များ ၏ ဦးစီးဗိုလ်ချုပ်ကြီးများသည် တဦးကိုတဦးမည်သူကမျှလွှမ်းမိုးမှုမရှိရန်လိုသည်။ ထိုဗိုလ်ချုပ်ကြီးများသည် ပြည်သူက လွတ်လပ်စွာရွေးကောက် တင်မြှောက် လိုက်သော အရပ်သားသမတကိုသစ္စာခံ၍ ထိုသမတ ကသာ ကာကွယ်ရေးဦးစီးချုပ်ဖြစ်သည်ဟုလက်ခံပြီးအမိန့်ကိုလိုက်နာရမည်။ သမတကသာကြည်း၊ရေ။လေ ဦးစီးချုပ် များ ကိုခန့် အပ်ခွင့်ရှိရမည်။ တပ်အားလုံးကိုချုပ်ကိုင်ထားသော တပ်ချုပ်ကြီးဆိုသည် ရှိရန်မလို တပ်ချုပ် ဆိုသည် မှာ အာဏာရှင်ပေါက်စကိုမွေးဖွါး စေသည့်မျိုးစေ့ဖြစ်သည်။

အထက်ပါလုပ်ငန်းကြီးနှစ်ရပ်ကိုပြုလုပ်နိုင်ပါကမြန်မာနိုင်ငံတွင်စစ်အာဏာရှင်များပေါ်ပေါက်လာမည့်ဘေးမှကာကွယ်နိုင်ပြီး၊ တရားဥပဒေစိုးမိုးရေးသည်လည်းခိုင်မြဲလာမည်မလွဲချေ။

ထွန်းအောင်ကျော် (၇၄ မျိုးဆက်)

လူမျိုးတုန်းသတ်ဖြတ်မှုစွပ်စွဲသည့်ကိစ္စ၊ သမ္မတနဲ့ ဘာသာ ပေါင်းစုံ တွေ့ ဆုံ

 

ဘာသာရေး ပဋိပက္ခတွေနဲ့ ပတ်သက်ပြီး နိုင်ငံတကာက ဝေဖန်ပြောကြားရာမှာ လူမျိုးတုန်းသတ်ဖြတ်မှုလို့ ဝေဖန်ပြောဆိုမှုရှိသလို၊ ဘာသာတစ်ခုကို အပျောက်ရှင်းတဲ့လုပ်ရပ် လို့ ဝေ ဖန် ပြောဆိုတာတွေလည်း ရှိကြောင်း သမ္မတက ရှင်းလင်း ပြောကြားခဲ့တယ်လို့ အဲဒီအခမ်းအနားကို တက်ရောက်တဲ့ ဘာသာပေါင်းစုံ ချစ်ကြည်ညီညွတ်ရေးအဖွဲ့ ဒုဥက္ကဌ ဦးညွန့်မောင်ရှိန်က ဘီဘီစီကို ပြောပါတယ်။

 

ဘာသာပေါင်းစုံ ချစ်ကြည်ညီညွတ်ရေး အဖွဲ့နဲ့ မြန်မာနိုင်ငံ အမျိုးသား လူ့အခွင့်အရေးကော်မရှင်တို့ ပူးပေါင်းပြီး နိုင်ငံတကာရဲ့ အဲဒီ အမြင်တွေကို ချေဖျက်ဖို့လည်း သမ္မတက တိုက် တွန်းသွားတယ်လို့ ဆိုပါတယ်။

 

ဘာသာပေါင်းစုံ ချစ်ကြည်ညီညွတ်ရေးအဖွဲ့နဲ့မြန်မာနိုင်ငံ အမျိုးသား လူ့အခွင့်အရေးကော်မရှင်တို့ ပူးပေါင်းပြီး ကော်မတီ တစ်ရပ် ဖွဲ့စည်းသွားမှာ ဖြစ်ပြီး အဲဒီကော်မတီက နိုင်ငံတကာ ရဲ့ မြန် မာနိုင်ငံ အစိုးရအပေါ် မြင်နေတဲ့ အမြင်ကို ပြုပြင်ပြောင်းလဲနိုင်ဖို့ ဆောင်ရွက်သွားမယ်လို့လည်း ဦးညွန့်မောင်ရှိန်က ဆိုပါတယ်။

 

ဘီဘီစီ (မြန်မာပိုင်း)

 

ဥရောပ ခရီးစဉ်အတွင်း ဦးသိန်းစိန် ဗြိတိန်ရောက်စဉ်